操盤實例 -- 畢業生部署篇

隊長你好:

想問一下，我剛大學畢業，有下列目標，該如何計劃：

每月收入	月入1.9萬元
每月支出	個人5,000元 家用5,000元
資產	14萬元港元存款  折合港元4萬英磅存款
可接受投資風險	對投資認識不多 逐年簽約，人工介乎1.9萬至3萬
	1. 需否買保險？係唔係趁後生買人壽會好d？儲蓄保險又有無需要呢？ 2. 我知手上現金唔算多，但放係度做存款會否太浪費？若轉做投資的話比例分配（股票╱債券╱基金╱保險）如何？ 3. 我想在3年內到英國或澳洲讀碩士，學費折合約18萬港元，為期1年，學費分兩期付，未計生活費。 4. 另欲在5至10年內儲到首期 （或一半首期）收租，大小不拘只求財務自由，會否太大想頭？

　　

-------------------------------------------------------------------------------------------------------------------------

其實你剛畢業就有14萬 + 4萬磅存款，之前睇錯以為你有66萬咁劑，呢家再望係18萬咁 :)

保險黎講，我一般建議係要買，但你個分佈可以咁諗，我假設你有1000蚊筆直，你就約莫買25%係life但75%危疾，如果你感到輕鬆的可以買到1500蚊左右就應該夠。呢個買保險的目標對於隊長黎講只有一個，就係我唔想生就累人，死又唔駛益街坊。隊長抱住一個中指，就係死左無野帶得走，如果你屋企人唔係太靠你開飯的，理論上你無必要買太大份Life。但相反，好話唔好聽一間你有咩意外做晒工作能力，仲要搵錢醫病，死又死唔去，呢D反而先惡搞，所以記住買保險策略係買大危疾就買細Life。而儲蓄保險呢？可以的話就唔駛買，要買買層樓供30年一定好過你買份儲蓄。

你手上的野，我認為如果你唔買樓的話，可以係近期買入30-50%股票，但先講明我唔係專家，但我認為你可揀內銀，因為已在52週低位，又有6%息，你楂住佢坐一年半載，一定會有一兩個時間執10-20%左右，好過放係銀行。

又想讀碩士，又想儲首期，唔係大想頭，不過你諗清楚個次序先。你去讀書，一方面要駛18萬，即係清袋，而另一方面又無左搵錢能力，呢度去一去可能等於你無左36-48個月的資金，到時你番黎呢個碩士為你增值幾多要你自己衡量。不過，出去讀書攞經驗又真係越后生越好，呢样野就唔係計錢可以計到的。

well，本來以為你夠錢上車所以都叫你諗清楚係咪可以買左先。不過呢，我都認為如果你呢家舊錢係岩岩夠去讀書，而呢個如果又係你的夢想的話，你也不防去闖一闖之后番黎由頭再做過。畢竟，后生唔去闖下可能亦係一世遺憾，但可以的話睇下可否去到part time下又追番個錢會好D :)