陳總裁的政策切入點

陳總裁係立法會指出，而家經過六輪的收緊政策，600萬以下的上車盤仲可以借七成，更可以買保險再借多一兩成，即九成上會，然后就引起一場軒然大波，勁多網民鬧爆。


當然隊長亦分享左呢個新聞係facebook，亦有勁多唔同的留言。不過隊長並唔係認為600萬上車盤呢句說話有太多問題，當然從政治上年輕人就緊係覺得600萬呢個數字，對比佢地搵一兩三萬的薪金一定有個距離。之但係，如果從600萬左右買到的樓，假設一對做左野都六至十年的男女黎講，兩個人加埋買層兩房結婚，呢家的600萬的樓的"質素／大小"的確係上車盤而已。


不過令我覺得成個新聞最大的問題，並唔係你認唔認同600萬係咪上車盤，而係陳總裁對於政策的認知比我的感覺係有好大的落差。呢個落差，當然部份係由於佢認為600萬係上車盤，但更重要的係佢對於收緊按揭貸款的政策予人感覺係好似唔係好清楚咁，呢個先係問題的關鍵。


具體D講，好多人已經提出呢家400萬樓下先可以做到9成，但陳總裁對於呢一點好似唔係好清晰咁，而呢一點就死人了。作為一個超高薪的人仕，你唔明白係中下價樓的按揭要求係理解的，因為你型起上黎full paid都得，所以只要你唔係同定立政策有關的官員，即你搵高永文問佢按揭佢唔知，無問題。問題係，陳總裁你作為其中一個定立政策出謀獻計的人，你如果唔係好清晰成個政策以及數字點計的話，咁就仆街了。


即係咁，如果總裁佢話佢好清楚，所以佢知道400萬借9成，600萬最盡借420萬，每月供款30年即係幾多幾多，然后認為呢個水平係合適的，咁就絕對無問題，就算你個政策到最后比人小，起碼你都叫做自己知自己做緊乜，衰都係叫做自己判斷失誤姐。


相反，而家你睇佢答果時又口窒窒，又要好似唔係好肯定咁，又含含糊糊咁答係可以600萬樓下買個保險借9成，呢下就已經睇到佢根本就無計過條數，無從呢個切入點考慮過借唔借到，買唔買到，上唔上到車咁。結果比起上面的情況就衰多样，因為你如果計過的話，衰的只係錯誤判斷，但而家就係無計數之后憑感覺再錯誤判斷，攞一個咁的人做金管局總裁，你話香港係咪聽仆街呢？


政策上對與錯唔係我今次討論的範圍，但我只係認為邏輯上陳總裁鎮守香港的金管局，目的係維持香港金融穏定，而最key的工作就係叫做維持聯繫匯率，即係叫做無野做（因為只需要話唔會脫勾就得）。其次就係令香港金融体系穏固，而當中樓市借貸亦係一個比較大的部份，但佢對於呢一part的認知咁低，我真係驚佢其實係咪唔係好知自己做緊乜？又或者咁講，只要搞到D招辣一辣，大家借唔到錢，佢就一定好安全唔會比人小，即係唔駛做就又有錢落袋？


所以隊長要帶出最重要的一點係，呢個定立政策的人，如果佢唔會代入自己去小市民度計一計下數，諗下究竟呢家8成9成係咪合理，欠缺全方位的評估，咁點样去衡量辣招是否需要因時調整啊？我唔敢講話個政策係岩定錯先，不過如果連計都廢鬼事計，咁搵隻馬騮去做都一样啦，反正講乜都係No咪ok 囉屌。


http://hk.apple.nextmedia.com/financeestate/art/20140506/18710755