馬體會

香港人大部份人都中意睇英超，對於西甲的球隊，好多人都只會流於巴塞羅拿或者皇家馬德里，而隊長係去年九月已經同人講今年有力爭冠的球隊，係馬德里體育會，不過如果唔係因為而家已奪冠，仲入埋歐聯決賽，相信好多人都未必知道西班牙今年有這麼進步的一隊球隊。


其實係上季季尾時，領隊施蒙尼帶番馬体會的時候，最尾果幾場真係打得好精彩，亦因為咁舊年季尾就砌低左皇馬食左個西班牙盃。而舊年打得好的原因，仲有一個傻左的法卡奧，不過舊年比人買走左，所以隊長都好有介心，諗住睇埋國王盃先落住。


國王盃主客兩回合都係對巴塞羅拿，沒有了法卡奧的馬體會，今年就分左比兩個前鋒攻堅，一個就係今年打到超晒班的迪亞高哥斯達，另一個就係巴塞買過來的韋拿。國王盃兩回合，其實巴塞都食唔到馬體會，而主要原因有兩個，一個就係格食格，馬體會的打法好似有十個施蒙尼上場咁，講真球員時代的佢我諗好多人都唔係咁中意佢，但呢家十個施蒙尼的馬體會的確比人一種好硬淨的感覺，搞到巴塞球員好難做到佢地要做的野。


另一方面，馬體會的球員今年增加左一份好熱血的火，每個人都肯多走一步，每個人都有一種不服輸的精神，你好難見到一隊二線球會的球員十一個位個個都咁有heart，而呢個亦係隊長中意馬體會的原因。


所以，雖然馬體會因為作客入球輸左個國王盃比巴塞，但一條好簡單的數學題就係，一隊兩回合對住巴塞都不敗的球隊，當時巴塞奪冠應該係2倍以下，但馬體會奪冠係40倍，邊隊抵摶D係數字上已經反映。


其實隊長曾豪言話買20000元落去40倍的馬體會，不過可惜都唔係咁夠pop，而且隊長有一套賭波的機制，就係每年都會揀定最有冠軍相又有賠率的球隊作為目標，然后每一次投注只要有錢收的，就將收回的10%投注入去目標球會度，而今年就係買左阿仙奴同馬体會，可惜阿仙奴只比到半季希望我，而馬體會真係可謂捉到鹿唔識脫角，我的投注／投資係馬體會落飛的情況下先曾長，所以有一大部份的注都係馬體會10倍樓下買的。


直到季尾幾場，馬体會又呈衰收尾的格，輸波比利雲特，主場和波比馬拉加，搞到臨尾要對住巴塞一場定生死。唯一優勢就係馬體會只要和波都搞掂，但係一場過真係好難講，而隊長的注碼去到呢一刻已經無得揀，局住係呢一場之前搬錢去馬會套戥，total都真係買左好多錢，我搬住舊錢去左馬會幾次，相信好大機會係我人生入面買波最大的一次。


不過可能你會話，賭波就係賭波，投注同投資不同概念！但隊長就有小小唔認同，當然我不能否認當中一定有賭博成分，之但係賭波同賭馬有一個不同的概念就係「套戥」。就好似馬体會咁，庄家最早開出40倍，其實西甲黎黎去去都係果兩"三"有得爭，你只要係成季的發展入面，但凡見到皇馬同巴塞係某些爆冷場次后，冠軍賠率上升至3倍下買入，理論上你唔駛理馬体會搞成點都有錢賺，不過呢一份眼光亦好睇你的投注技巧，比如話其實兩週前巴塞奪冠有38倍，果時我諗住馬体都食硬，所以無套，諗住套都係套皇馬，點知反而馬体同皇馬都跣腳，巴塞由38倍直跳至1.62倍，如果當日我套巴塞只需要5000元，呢家就套接近6位數字，真係賺少好多。


結局係點，相信大家呢家都知，而我相信你地一定好想知我中左幾錢，正所謂有圖有真相，下面呢幅圖，將會解答到你的疑問，不過記住隊長係搬左接近六位數字去馬會的，所以你就當有100000係本吧，如果馬體會唔係係利雲特同馬拉加兩場波搞野，我就食到中應了。點都好，一季的西甲就此結束，呢舊錢亦黎得好合時，好讓我再投資入secret project入面。


PS. 黎緊世界盃隊長會開埋波經台，不過記住小注怡情 :)