操盤實例 -- 以租養租搬3房?

隊長你好, 我在書店已看過你出的書,十分實用。請問可否給予本人小小意見?

本人3年前以409萬購入泓景臺2房自住至今，與太太聯名,都知道豬左，剛轉按mortgage link並cash out 1mil, 現欠銀行357萬,月供$14500左右，與太太每月收入合共56,000，連埋cash out saving total大概$1.5mil

plan a: 比3成首期，買多個單位收租樓價大概4mil左右

plan b: 出租泓景臺約$15000，購入tko3房約$5mil(希望有except日出康城)自住搬近爸媽

plan c: 行plan a再加出租泓景，及後租tko3房自住

如useful, 可用作例子,謝!

感激指點迷

-----------------------------------------------------------------------------------------------------------------------------

其實行咩plan都好你起碼要先計你地借到幾多錢，唔係就諗乜都無計了。


以56000計，你地壓測最多應該可以係60% = 33600。你呢家供緊14500元計，我當你2.15%仲有約莫27年，咁壓測去到5.15% 就即係20419元，即係話你地個額大約仲有13181元的壓測。


13181元的壓測即係講緊你可以240萬元左右，加埋你手頭上的150萬，即係話你最多只可以諗390萬的野未計雜費，亦即大約講緊買3.6下以的野會比較穏陣。


所以好明顯係呢條數下面，你plan B是唔可能的，咁剩下來就係得番plan A 或C揀。我見你想搬近爸媽計，呢样野唔太係用錢可以量化的所以我唔會太幫你諗呢下，但能夠計的就係錢同回報的野。


你楂住呢個筆直，可以諗下其實東九龍如淘大之類的樓，如果你睇岩可自住，睇唔岩收租都無乜問題，因為點都叫食住九龍東個概念。如果呢样野已經令你滿足，咁已經可以當搞掂左plan A。


相反如果你想買完后再租日出康城果邊，我自己一般都唔太中意，但計數上有時係合理的。因為你租得近康城都係新樓，理論上裝修已經唔太駛考慮，對比番你買層淘大的話，個裝修好大機會都未必岩洗，如是姐你租一租人地果間就以慳裝修費。


不過，隊長唔中意的原因又正正係呢一點，一個好個人出發的野就係我對裝修會有要求，但我又無理由去幫人裝修，而如果你叫我先住一兩年后再搞，但我又唔係無樓自住的話，我就寧願唔郁。再考慮深一點的就係隊長係好L怕煩的人，需知道每搬一次屋又要搞一大輪執一大輪再改地址呢样果样，真係搞到我心煩。或者有專業的租客搬開都知要轉乜，但我自已幾張statement幾千封信，真係要改一次都行死你，所以無乜野真係唔想搬。


呢D原因幾個人，你唔覺係問題就無野，計數上你計得岩以租養租都係一個方法，呢D野就自己衡量。