操盤實例 -- C9來信

隊長，你好，

你好勁！我好羨慕你！廢話少講。

我人工35k,老公36k，有cash 80萬。老公同老爺奶奶有層樓，月供約1萬，借了280萬，只供了3年。有咩可以玩？

求教。

感謝！

----------------------------------------------------------------------------------------------------------


勁唔勁呢D野叫仁見智，其實我有時睇番D讀者來信，我都覺得好勁，像你一样，有cash 80萬係手，我發現我大部份時間都不存在過有那麼多cash，所以我都覺得你好勁。


其實你個case都幾straight-forward，因為一方面你老公買左層樓的時間，你同你老公收入都差唔多，比較容易諗的就係用你的quota去玩。而你月入35K黎計，即你stress test大約可以借21000，以30年黎計，即你可以借到約3.8M，即每月供14332元　(以2.15%息計)。


如果你唔借90%買樓的話，我假設你用70%去計，你大約用80萬首期其實只可以買到260萬左右的樓，亦即只需要借180萬，無需借爆你3.8M的quota。當然，如果你用高於70%的借款額，即去到80-90%的話，我諗你要買到400萬都無乜問題，但係就會要比按保同埋經HKMC去借，審批按揭就嚴D咁。


260萬的樓同大部份其他讀者一样，我都係只會叫你自己搵下呢D筆直左右的屋苑，你有心花小小時間係28hse search下好快就知黎黎去去得幾個屋苑會有得玩。但如果你想賺個升值的話，我自己覺得300黎萬頭買層東九龍的樓都仲有水位。始終九龍東呢個大變天的過程，真係令我覺得果幾個屋苑要上破4球只係時間的問題。


但如果你再要我比多個comment應該做幾多成上會的話，我又會同你講都係做番7成樓下，始終7成樓下唔經HKMC，係你同銀行deal，好多野都易傾好多，走盞位又多D，你買左間屋做乜係你同銀行的問題，比起經HKMC的話，責任上是低很多的。