現金流的哲學

我曾經講過，借錢並非evil，問題只係你借黎做咩？如果借左之后，係可以幫你係財務上有好處，呢個係一個財技。


哲學上黎講，我地諗野就應該諗點样可以將一样野先推向極端，再慢慢推番轉頭。舉個例黎講，你如果能夠問銀行借100億，每月還1億，要還120個月，即係有20億係利息，分左10年還，其實都幾過癮，不過，叫你還20億，我諗大部份人應該即刻驚到仆街，因為正常人都好似叫還唔起。


不過，如果你有財技的諗法，就開始會諗點样運用呢100億去搵錢，因為只要你搵多過120億，就算你只係搵121億都好，你都執1億，好過你打成世工。故此，中間要盤算的，就係每個月的現金流問題，因為簡單D黎講，你只要有一個投資的途徑，剩下來就只要頂住每個月還1億，還清120個月就有錢落袋。


但實情係，你呢十年其實好有錢錢，因為你還都還1億1個月的時候，幾千蚊幾萬蚊對你黎講其實好細數，所以你就算豪食豪洗，比起你要還款，都係一條極細的數。無人會理你你目前相對賺121億的進度係多少，即簡單黎講你係空心老官，其實蝕緊錢都無乜所謂，你只要準時還到1億，你都可以過極其奢華的生活，住好食好。


當然，隊長唔係教你點样荒廢人生，亦唔相信銀行會無啦啦借100億比你，之但係中間的哲學只係話你只要頂得住個現金流，就算你搵多多錢，定係輸到仆街，理論上都無人理你。最賺的，就係如果你真係好唔掂時，又突然死鬼左，咁你所有債務亦係銀行頂晒，不過有借有還先係上等人，好多人就係週街數先去尋死，有錢的條命都經貴D，你說對不對?


所以，識玩現金流的人，其實好簡單，就係你只要搵到適當的財務工具，如我係買樓，或有人買人民幣，你只要賺的錢多過你還的錢，條路就好好行。不過，多多少少你可以話考眼光，之但係背后的邏輯都仲係用錢搵錢，勝者就為王，不過個人唔建議買股票，因為隨時真係輸到仆，到時就比條債吸晒個人生。


像之前我所說的single income人生一样，如果你只係得一份人工，咁你永遠只係得一份人工。但dynamic的時玩，你就可以諗下人生其實可是係:


A: 一份人工
B: 一份人工 + 一份租金 vs 一份按揭
C: 一份人工 + 兩份租金 vs 兩份按揭
D: 一份人工 + 三份租金 vs 三份按揭
E: 一份人工 + 四份租金 vs 四份按揭
.
..
...
10000: 一份人工 + 10000份租金 vs 10000份按揭


其實只要你識諗,你就會發現不停咁expand你的debt其實係一個好好的方法去展現財技同理財的能力,只個亦係一個置富的重要思想,所以你會發現大部份人如果佢地覺得借錢係錯,有錢要即刻還晒佢的話,到最后浮浮沉沉咁過人生就係咁解。


而相反，如果你慢慢係expand過程當中，穏陣中賺取息差，如一份按揭你去收租，每份比你2000蚊一個月，十份你就賺20000，一百份你就賺200,000，最正係完成左個按揭時層樓係你的。識玩的一定玩樓，就係咁解!