誰他媽偷走我的時間？

過去一年，公司接左個新客之后，我的人生變得越來越閪噓，人生亦開始失去左自己的主動權，而主要的問題係好多人都唔會為意。


由於工作的關係，有一部份人成日都認為我好得閒，大部份時間只需要對住電腦就可以，而且時間安排彈性，對於好多人黎講係一份好油的工作，而我更懶得去解釋，因為我一直只係同人講你又唔係我，你知條春咩？不過，慢慢呢種對我工作唔理解的人的comment，開始令我覺得好L煩了，特別係D時間開始不由自主地被偷走的日子。


其中一個我認為主要折磨我的原因，係科技上的發達。而家世界轉得太快，加上我個work係global，由香港時間，到中亞時間，然后歐洲時間，直至美國時間，一日大約有20個小時左右都有人工作緊。而工作的溝通，主要亦透過email，相比起二三十年前，email實在也方便左好多，但變相亦令事情演變得好快，每個人的說話權亦同時放大，故此每日的email亦開始變得好多。


多係一個乜野的定義，我曾經亦同一個同事討論過，而呢個同事不嬲都係中意扮野同講反話，佢亦講話D email多到做唔晒，我問佢一日幾多個email，佢一路搖住頭咁答我唔多，一日都係50個左右。對於佢黎講，或許一日50個已經好多，我亦唔challenge佢因為佢的工作係收左email后亦要處理先可以做出。不過，當佢反問我的時候，我話我平均一日150個email，d客癲的時候可以去到250-300個，當時佢亦無乜聲出。


所以，當你見到我對住部電腦可能好輕鬆的時候，實情係有時我亦做到頭暈腦漲，特別係好多時我的角色係要將十样八样野的資訊溶合后先答個客，有時D同事唔生性，或者質素唔夠諗唔通D野，又要迫我再叫佢再做時，D客又會發癲咁追。而且，客的無理更加係令我發癲，佢地做錯野就無問題，佢地自己內部唔溝通，亦無問題，佢地阿A改左D野，阿B又話收唔到我地D野，話番比佢聽阿A改左，無賴地佢就要我地馬上交，亦無問題。不過無計，客係大L晒的，我為左財務自由，亦會忍你。


不過，好多人仲人唔會明白，我地講緊一個客，唔係得一個人。一個客，可以係幾十人，係幾個時區，有幾個唔同的性格，亦係唔同的時間工作，有唔同的工作要求。因此，你可以預期，有D人中意係一朝早8:00鐘做野，有D人中意臨收工先做野，亦有D人要夜晚做野，更加有D人係星期六日先做野，又或者有D人係聖誕節做夜，你過年做野云云。我的工作，就係局住去entertain呢班仆街。


可能你又會話，咁你收工咪收工囉，有咩聽日先做?可惜的係，呢個世界已經變得越來越放便，電話基本上一響就搵到你，不過有D客都知你係夜晚唔會煩你，但可惜係email更加變得豬閪，因為一個email如果突然係你唔留意的情況下投訢你，如你收工后9點10點，你唔即時禁住，到歐洲美國時間，就會星火燎原咁由一個email，變成5個甚至10個email。而當你仲唔知死的時候，第二朝個客中國區的人，見到咁多鬼佬都出聲投訢，一件簡單的事情，變會無故被放大十倍甚至百倍，然后同你攞的報告，做的測試，要求的會面，來來回回的email，問與答，可以又折騰你好幾日，不過原意，可能只係一個簡單的答案就能解決，呢個就係工作上的政治問題，而timing亦變得相當重要。


所以，如果你做緊同我一样的工作，你會發現你無時無刻都會好緊張，因為你永遠唔會知道下一分鐘發生咩事。而且，你可以係一個完全以為自己好L得閒的情況下，望一望個手機突然會爆20-30個email出黎，便會發現馬上你就會變得不再有空。當然，閪客折磨你的方法有許多，光係叫你填千萬個表，但裡面的訊息仲係一样，已經可以玩到你傻。


從第三者黎睇，永遠你只係對住電腦，永遠比人感覺，你就係好L得閒。之但係，邊個又知道係電腦面對的世界，瞬息萬變，靜靜地可以偷走晒你的時間。我特別唔中意的係，仲有人要去研究同討論我點解可以去食飯，點解可以去玩。難度，我要一星期做足168小時，做L死先叫夠麼？


我真係好唔想再咁工作落去，不過，無人會明白。