The Party Goes On

美國聯儲局大熱人選之一Summers宣佈退出后，副主席耶倫差唔多變成有極大機會坐正，接手伯南克的寶座，市場預期佢將會繼續伯南克以QE的政策，就算退市都可能以好慢的速度退市，亦即係QE將會有更長的時間繼續玩，The Party goes on的時候，刺激美股又破歷史新高，而亦令香港股市係中秋前大升。

其實講退市，好多傳媒都話＂退市＂呢個翻譯其實做得唔係太好，因為人地聯儲局講緊的係QE Tapering，即係可以話"收緊水喉"咁上下的意思，但香港的傳媒就一直用退市，多少有曲解左人地聯儲局的意思。如果你唔係好明當中的分別的話，大約可以將退市分為三個Actions:

1. 唔再買債

2. 加息

3. 將市場的資金回收，以令資產負債表縮小

所以，退市係以上3個actions的总和，但Tapering只係第1個action (唔再買債）的其中一部份，並沒有包念加息同回收市場資金，故此好多未必分得清楚的人可能即刻會惶恐，而相信亦有好多淡友會聽得退市就好開心，但無論點，呢家連Tapering都未開始，所以個market仍然好抗奮。

以政治立場黎講，其實我相信聯儲局一定唔會咁快開始tapering，只少呢件事要比耶倫一段適應期先。主要原因，其實係Q4因為季節性因素，如聖誕，新年等等的因素，經濟一般會比Q1 Q2好，所以如果耶倫一上場就要接伯南克的政策搞tapering，到時唔做又唔得，但做左Q1 Q2 經濟一跌落黎又肯定比人插到開花，所以伯南克如果唔係同耶倫有仇，政治上一定唔會比個tapering的時間表包袱比耶倫。

同样的，耶倫如果一開波就搞tapering，一样得罪好多人，所以2014 Q1 Q2好大機會都只係開始講話要tapering，等市場慢慢接受呢件事，相信佢可能要做到2014年5-6月，經濟真係有咁強的復甦，先會話開始taper。好了，我地又假設呢件事係有秩序咁減，假設每個月減買債50億美元，記住只係減少買債，而唔係唔買或回收市場資金，以呢家850億美元的QE黎計，Tapering需要時間為17個月，而我相信係減少買債的時間無理由會加息自殺，估此要完成三步曲，以呢個50億美元的時間表黎計，大約會係2015年底至2016年初先會完成。當然，如果你唔認同每月減50億咁少黎計，就當係每個月減少買100億，都要8.5個月，即要2015年3月左右就會完成tapering。

講到呢度，作為業主的你最少有18-27個月左右的時間去建造你的buffer，不過係唔係話2015年底之后就會加息又係另一個值得商榷的事情。始終，如果你認為聯儲局要加息的話，我相信呢個世界無一個咁on9的人，會係自己債台高築的時間，但又能夠控制利息的情況下，以自殺式的手段去加息。換句話說，一係聯儲局可以收番晒D水先加息，一係就等美國GDP超強能夠係唔收水的情況下，支付龐大利息的前題下加息。

個人認為，唔收水的可能性極大，因為D錢晨早已經派晒出去，而好大部份呢Ｄ錢已經落入左好多現有的利益集團的手中，如果美國一旦收水，除非佢肯用好Ｌ多年年的時間去收，否則我相信美國一收一定會引發下一個金融核爆，但當然美國自己都唔會獨善其身，所以我幾可肯定美國就唔會講咩收水。

如果你都唔係好get到件事的話，我就假設呢家美國要搞一個反QE的運動，一如當年2009年開始到呢家2013年呢4-5年時間，每個月不停係市場吸番當年買過的債的相同金額，呢件個damage其實好大過放水的幾倍，主要原因係你放水的時侯，經過借貸的mulitpier，你放１元出去，可能可以做到放3-4元的效果，不過你收１元番黎，個市場可能要de-leverage番3-4元的野，所以如果美國真係咁搞，咁唔駛等4-5年，就第一日佢講個market就會crash。

因此，呢件事可能要用上3-4倍的時間，亦即係4-5年乖以3-4倍，大約=12年至20年的時間去收水，呢個時間我諗聯儲局都唔知換左幾多個主席，所以好大機會唔會收水是真的。

點都好，幻想得太遠都係多L魚，我相信美國搞咁多年QE，我睇唔到任何一個理由美國突然會自己上台加息隊冧自己在萌芽的經濟，因此就算2015年底完成tapering，又係收唔到水的龐大資產負債表下，加息可能唔比多3-5年等D企業賺多Ｄ錢先係無條件加息。估此，成個QE的計劃我深信未到2020年前，加息呢件事都無乜條件可以發生。

係百年難得一遇的低息環境下，有好多人已經食正個機會向上流，但亦有好多人繼續以昨日的價值去衡量每天貶值的金錢，無法跳出心魔去接受數字上升左的樓價。如果再過多5-10年，樓價只係每年以3-5%穏步上升，租樓的人就完全可以以溫水煮蛙式將你的人生毀滅。

當然，租樓的你一定有無窮無盡的原因同數據去支持，但有能力的人，好應該諗下係呢個百年難得一遇的經濟環境下，你做過D乜去令自己跑羸大市？小學生都知道印錢是會導致通漲，以致資產價格上升。但你是保守地停濟不前，定係勇於積極嘗試，十年后，你今日的決定將會形響你的一生。