郊野公園條例

呢幾日又鬧得熱哄哄的題目，就係囤地波問郊野公園係咪完全動不得，係咪一定無開發的可能呢？

站在整体香港的角度黎講，雖然我係業主，但邏輯上我的確認為郊野公園並不應該完全唔可以發展，呢個問題我亦曾經係研究村屋的時間，問過一D測量同建築界的朋友關於Green Belt的用途，不過大家都只知Green Belt唔用得，但無考慮點解唔用得，而我亦覺得浪費左好多地，所以我個人某程度上認為並非唔可以去開發及起樓。

不過，並非唔可以亦唔等於我支持呢件事，就在於業主的出發點黎講，我一定唔想有太多供應，因為你一開左個例，即係到時政府中意起幾多樓都得，以后就根本無缺地的問題，中意就鏟左大帽山，唔順眼又可以成個畢架山鏟埋，咁香港樓市將會面對一個前所未有的uncertainity。

但係現實係點其實又係另一回事，首先囤地波一搞地呢件事，已經又自動有人追擊佢，呢家又話佢經過複雜的公司控公司的方法去逃稅，就如好多高登仔講，唔知呢個會唔會係最后一擊。而另一方面，呢家要搞郊野公園，雖然一講完，就有一班梁粉HiHi出黎支持，而英爺本人仲話呢個topic並非政府提出，而係由各forum中有人講的。當然英爺D狗西野就係人都知，不過先勿論佢係咪想硬推，呢家市民的聲音都好清楚係話唔想的，更莫論話有勁多的環保團体已經表明反對，相信呢件事如果硬推上立法會隨時又會係另一單反國教的大規模遊行，以而家香港政府的超低民望，我相信英爺唔會再想承受呢D不必要的政治壓力。

不過side track小小呢件事，我見到果個咩環保觸角個譚先生話呢家政府搶地已經去到瘋狂的程度，而樓價的問題係源於移民政策，呢一下我堅覺得有小小可笑。可笑的係唔係話佢睇到岩定錯，特別係我都唔知佢有無買過樓參與過呢個市場，對樓市有幾多認識，相反佢呢家將問題推向大陸要溝淡香港呢個中長期的核心政策，要減少呢個溝淡的動作係等於要同中南海作對，政治上係行不通的，所以我建議你用番環保的角度就算，起碼用番你專業意見，咁样講出黎會powerful好多。

再次回到現實，其實我認為推到呢個條例的機會係零，因為最主要係時間的問題。講真，就當你要硬推，由咨詢到環評，都起碼搞你一年半載，再死推入立法會，睇埋反對派拉布，中間又比人抽后腳，又起碼搞你半年至一年，只係呢兩個都搞你兩年以上。之后，由生地變熟地，鋪水管鋪電網，搞得黎又一兩年，到時一推出黎賣地，英爺都要退落黎了，估計佢搞成咁，中央應該無理由再比佢做多次，咁即係中間搞完完全無任何供應增加，而仲要受無數的政治壓力，識計條數都應該唔會硬推。

回想番，其實郊野公園話大就好大，但遠離市區偏多，我相信有好多地都係唔適合起樓的，或者起左都係遠都**。有傳話政府只係想發展大魚山南面的地，如果係咁就真係應該指明係果度，因為郊野公園係一個好大好敏感的題目，但如果只係針對一個小區如新界東北，以大魚山南咁少居民黎講，可能咁样會易D搞。