90后的將來


呢段時間,又同左另一堆的mentees見面,亦係同佢地傾計之間,諗左一D新的思維出黎,希望可以同大家分享一下。


在討論過程當中,其實我地幾個mentors(接近80后)的人,都係一個幾mix的世代。一方面,我地的成長都係岩岩好由貧窮走到富裕,所以我地呢班80后的老鬼,其實係思想上都夾雜同殘留一D過去傳統的思維,但同時又有創新同要求高的諗法係身邊。不過,呢種複雜的思維,亦某程度上限制左我地的box的大小,好大程度上,我地需要不斷話要求D野點样創新點样改革,不過同時人生又係死板地認為要有一份工,一份收入,到最后又係買樓結婚生仔,呢個就係我地的年代的人所大致會行的路。


不過,相隔一代的90后,我感覺上又有一個好大的思維上的轉變。從衰D的方向黎睇,佢地成長一直都比較富庶,亦比較受到寵愛,故此,好多時候佢地覺得某D野都會相對理所當然,甚至有極端一D的呢家覺得公屋係權利而唔係福利。而且,90后的家庭包袱亦唔大,好多人都可以出黎做下D中意做的野,夢遊幾年人生,甚至唔做野都無問題,原因係好一部份的90后屋企都唔等錢開飯。


我呢篇文章唔係要寫黎標籤90后,相反我係想帶出一點就係,90后呢種無負擔的人生,正正亦係一個優勢,因為90后並沒有太多的box,所以你可以自由自在係負擔來臨之前選擇你的人生點行,或者可以衝出一條血路都未定。


可能你會即刻諗,講就易,做就難到仆街呢,呢個亦係一個事實。不過,我相信香港係一個專生產醒目仔的地方,之但係唔知咩原因,往往好多時我見到一D case係外國后生仔可以好早就發圍的野,係香港總係發生唔到。我知講到呢度大家都覺得好空泛,所以我舉個例,一就係之前yahoo頭板講一條美國靚妹,14歲就開始賣我地係深水埗就買到果D串手繩串珠仔果D野,不過佢係美國,主要搞的就係屋企開party時就擺個counter,慢慢賣下賣下發現有市場,之后就上網賣,搞下搞下呢家唔知17-18歲已經係一個20M美金的生意。


當然唔同文件造就唔同機會,但另一個例子就係stuart edge,呢條友仔就係靠幾個magic tum下女仔搞下花臣,呃到D kiss番黎擺上網,咁就有幾十萬個like,又上电視又呢样果样。可能你又會話咁又點?問題就係好背的我(又或你),但唔知其實而家youtube係可以monetize你的pageview變成錢。


講番小小轉頭,我地80后個年代講緊搞個website出黎,講就話成本低,其實都煩到你條春咁,一方面又要搵人design,又要搵server, d code又楂個site又無function,呢個係internet未成熟的年代,故此好多人成日同你講話搞個website,勁實都係得啖笑。不過,時至今日,其實internet已經好成熟,好多function其實已經可以令一個以前要幾個人做的business model,今時今日一個人都可能搞得掂。又舉個例,如果你用淘寶的話,你有貨源,實际上已經比晒所有相關要有的功能比你,難聽D講如果連一D中國大媽都做到的野,點解你讀咁多書會反而做唔到呢?


所以其實呢幾日其中一個搬blog的目的,就係希望可以試下玩埋monetize我個blog。始終以前講緊你寫野想收錢,最好就係有份報紙有個column比你寫。但呢家你只要寫得好好睇睇,有人幫你market出去,有hit rate有feedback就有錢收,雖然一定唔多(夠食一兩歺掛我估),但都叫做係一個play money的開始。


亦因為呢個原因,我亦同D mentees講其實大家可以研究下有無咩topic的blog可以一齊玩,因為主要有noise的話,其實賺小小錢都唔成問題。如果你有idea的,亦可以諗下拍下youtube片然后放上網,以我所知呢家好多鬼佬都係咁做d prank出黎當正職。一個無需要受傳統束縛的網上內容行業其實已經開發緊,而門檻亦極低,賺錢的諗法就係你有無創意有無腦,呢個亦正正係我地90后成日都認為自己有料無地方發展的最好平台去發揮所長。所以我大膽的challenge 90后,你地如果真係有料,不防試下monetize你地的idea,也許呢個係一個無本生利的最佳方法。

留言

  1. 隊長講得好, 每個年代都有唔同賺錢方法, 其實真係好講創意. 90後諗野同上一代好唔同, 難聽d講叫不切實際, 好聽d叫think out of the box. 但係諗完都要付諸實行先得, 點解外國人咁多成功例子就係咁解. 希望隊長一番話可以點醒佢地.

    回覆刪除
  2. 為左我嘅財務自由,我可以去到幾盡��������

    回覆刪除
  3. ok wow,,,
    等我快點養成你嘅思維,即刻寫:)

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力