辣招下的賣地

在猛龍過江一文中，我提到萬科唔會係第一間國內的開發商黎香港，網友mary即刻留言讚一讚我言中，其實小弟都唔係中晒，始終中國海外係香港其實都玩左一段比較長的時間，佢地係香港有晒網絡，只不過係個中資背境中左，但計落都有半個香港發展商的感覺。


不過點都好，佢地一下子掃左兩塊港人港地番去，其實我覺得都有Ｄ好ironic，點解？因為港人港地的開發公司又唔係香港公司，咁其實又會唔會有小小問題呢？邏輯上話比我聽，呢件事怪怪地，如果賺大錢，D錢就比大陸人賺左，但賺果舊錢就肯定來自香港人？咁會唔會有小小割地賣港的感覺呢？當然如果蝕錢的話，你就可以話政府呢次叻啦，我搵到條茂利入黎送錢比香港人。


之但係在商言商，如果係要平價輸比你香港人，咁我係發展商就寧願唔賣了，或者我會用中資身份迫令香港政府放寬番BSD，等樓市爆升上去，初時可能略貴的港人港地，便會變得吸引了，政治同利益的計算下，我覺得對香港政府呢件事真係唔係咁好，好大機會又再一次自己捉蟲。


住入去的話我覺得可能都會幾搞笑，可能一間港人港地但係入面的軟件變晒強國的感覺就威威。一間管理員係強國人，管理公司係強國公司，如果有超市唔知會唔會得番VnGO同華潤果D，咁就真係笑死朕。不過小業主的你唔駛擔心，因為我深信港人港地點都會賣到12000-15000一呎起碼。


之前一直亦強調港人港地好大機會變成一個豪宅板的香港樓盤，仲要弱點當selling point咁賣全港唯一只有香港人住的屋苑，加上地鉄同埋無敵海景，實情可能仲受歡過平時的樓，所以就算呢家話樓面呎價5000幾蚊，我覺得都好撚值摶。


另一方面，朗屏站個招標我自己都真係跌晒眼鏡，2800蚊一呎比Chinachem奪得，呢下真係濕濟到暈，希望Chinachem唔好再做D鳩屎野，整番鋪代表作出黎就好了。但係有少少感覺兩個投地都有點奇怪，香港的大地產商如長實新地之類，全部都無中過標，論實力佢地出標點會輸，港人港地的話中海外出價狠就算了，但朗屏的話之前長實同會德豐都出到3200蚊一呎，呢家2800一呎比chinachem呢d二線公司食到，當中真係有點古怪，而古怪的係要不招標章程果D咩渠務費可能好金，又或者佢地呢家夾埋一齊鬥唔起樓夾到政府乾升。


不過最撚笑死朕的其中一個point係，岩岩無線新聞講話港人港地價錢咁高，咁阿湯房波條撚样就話觀察到外來投資者的需求仍然存在，所以佢地仲係度諗緊立法去加強管制。其實我唔知佢講緊乜，更加唔知佢自己知唔知自己講緊乜，事實上港人港地已經係香港人的需求，一來關外來投資者咩事，二來人地同你買塊地，比多D錢你你就話要出招，你係咪傻撚左啊？即係要肯輸先投你塊地？三來，呢家個市已經相當於係無乜外來投資者，已經比人媽緊話係鎖港，但你個PK仲諗緊點样鎖上鎖，香港有你同CY一日，我真係諗唔到點樣可以發圍。


呢家全世界都希望可以吸多D金，但我地的官員就玩香港自殺政策，有人來投資要say no，有人來自遊行要say no，有人來買奶粉要say no，我就回贈番一句小你老母。