如何成功／發達？

係大家身邊，相信都會存在好多人會好虛心學習人地成功之道，比如話睇下李嘉誠點样起朵，聽下邊個CEO點样點样起家，佢地會好有心，不時刨下關於成功的故事，希望用在自己身上，然後發展出一條成功的方程式。


呢種人又分兩種人，一種係想學野真係想自己進步。而另一種就係覺得自己好有料子，只係差D唔知乜，所以想睇下有咩法子。正如有時你會聽到身邊會有人問你，呢期有咩發達大計，或者有咩搞啊咁。


不過我可以話比你聽，大部份呢D人（我指大部份，而唔係所有同絕對）都係多撚如。點解多撚如呢？因為那怕我成條成功方程式話比你聽，到時你又會阿之阿左摩洛哥，話呢样唔得果样唔好，一唔係就話咁鳩複雜又咁辛苦，一又唔係就話時機已過，其實講幾多都係晒撚氣，講到底成功／發達的其中一個最主要最主要的因素就係思維同性格，所以性格一定決定命運。


舉個例子，我呢家就話比你聽買樓收租係唯一的出路，我亦話比你聽我有今日都係買樓，先勿論我的狀態你認為係咪到達你心目中的成功，之但係我深信我講呢條所謂的方程式比你聽，其實真係無乜秘密，你肯做就得。但耐何你係要一時話咁貴，一時話睇定D，扭扭擰擰咁，咁我講乜春都無用。同样，如果呢家我話比你聽做野要發圍就係要番大陸，然後又一大堆人又話強國乜乜柒柒，又話辛苦又呢样果样，咁你睇幾多人地的成功個案又有咩柒用？永遠諗的同做的都係兩條永遠無交叉點的平衡線，成功的機會唔係話無，不過幾乎等於零囉。


或者你會話，咁呢個世界有好多唔同方法，方式去達到同一目的，呢個係絕對岩。之但係你又好揀唔揀揀打份牛工摶有人賞識呢個嬴面最細又最被動的選擇，那就是自己搵自己苯柒。當然我明白，有時打住份工搵住舊錢番黎過活係好緊要，面包係必需呢個我認同。不過要成功，你對錢呢個概念的思維真係要同一般人唔一样。


如何有對錢的正確思維，其實好多人都會有，呢個就係等同你打機的時候的積分一样。講真你打機個分數係咪真係咁重要？一萬分，十萬分，一千萬分，幾鳩多分都好其實都係無關係，因為果個只係一個數字，你打機著重的係點撚样用最屈機的方法去win去過關，當你識屈機搵到窺門的時間，你發現D分數係易攞到豬閪咁。


但人生在世，打份牛工後個錢的概念唔知點解又會好唔同，打打下工個腦開始就唔識轉，只係不停做同一样野咁，最重要係唔好比人炒，有得做，做下做下又希望過到關升一升level，性形就好似你玩孖寶兄弟咁，不停係同一個畫度跳黎跳去，跳到無晒野先行D咁多，總之就得番三條命就點都唔死，起碼叫做有得玩，呢個就係我地成功的最大伴腳石。


所以我可以講，有D人天生出黎就係唔會發達，因為佢唔會走上一條成功之路，無論你點講點做埋比佢睇，幾用心教佢都好，佢只會係原地踏步，買樓已經係一個好好的例子，話明比你聽呢家QE 1 2 3 4 5 6 7 8 9 10…..話明美國佬爭人錢爭到傻閪左，加息等於自殺，但好多人都仲係認為個市太高，自己D錢係血汗錢，又認為自己眼光太好，可以係低位入市，極端地甚至認為個社會欠左佢，人天生出黎有自己的屋係權利。


點解我要寫呢篇野？因為我發現香港的上進青年太多，特別係拒絕做樓奴的，所以，講乜都係多撚如，成功同富貴，某程度上係天生的。