MYMPF 必勝投資法

講多無謂，一講必勝投資法，唔理坊間呢家有咩Q價值投資法，平均成本法，我的方法就係最鳩簡單 — 低買高賣法。


可能你話挑，多鳩魚啦，鬼唔知阿媽係男人咩。但問題係，果D平時D人sell你基金，或上電視果D財演，真係幫到你搵錢嗎？


以前我少不更事的年頭，總諗到好多方法，又願意冒險，始終身邊好多人會同你講話後生仔摶下都岩，到最後輸到爆廠的邊個會知。時至今日，我好慶幸我都係向樓市發展，先令我人生追番唔少光蔭。股市早就已經離我越來越遠，但係無奈早前買落的基金同MPF都係以股市為基礎，迫不得已我都仲係要係股市入面遊走。


而由於我發現果D咩基礎分折，咩資金流向，咩Q野都好，到最後個股市係要反方向而行都吹佢唔撚漲的時候，我已經決定係完全放棄所謂的技術分折。特別係有時打開電視見到果Ｄ財演係度鳩吹五六七後，我又知道十個有九個都係輸到你笑的情況下，呢個股市根本就無高手，有的亦唔會得閒出黎同你廢Up。


故此，係大約一年前我就開始利用我的fund同MPF去玩，畢竟我有個前設就係如果你信平均成本法係行得通，即agent所講的儲unit，升的時候買少D，跌的時候買多D，到幾廿年後就一大筆錢入袋，如果你信的話就即係你已經成功的比人洗左腦。成個平均成本法最大的問題其實係你結算果一下，好話唔好聽你如果之前買左，但你結算果日係2008年海嘨的低點，咁你之前咩買乜柒都無用，一路楂，輸埋管理費，你一定係輸錢的，所以個前設係你要肯定你咁岩埋單果下係要有一個幾好的升幅先有用。


好啦，就唔好當咁極端，但呢幾年大家有眼見，2007年的32000點係未到過，但杜指已經破歷史新高，當然如果你MPF揀左美股的恭喜你，但我相信作為香港人大部份人都會揀大中華／香港的成份作主打，即係呢幾年我諗大部份人供下供下都係得個吉。睇番之前1997年高位係萬八點左右，都要2006年之後港股先突破，時至今日用左16年，都係比起18000點升多左一倍幾，咁即係話如果你唔好彩係呢十幾年供MPF到退休，攞番的果舊好可能同你供入去的最叻都係叫做賺少少，但當中你的通漲成本，管理費，乜柒乜柒都係無回報。呢個下場，我相信最大的問題唔係MPF公司，而係你自己。


問題係你身上，主要係因為你相信浮浮沉沉幾廿年後，你個MPF會有好可觀的回報，呢個係錯的，你唔郁佢，最叻都係叫做與大市同步，即係HSI升3倍，你個MPF最叻都係升3倍，都未計你個管理費要輸錢。但升3倍的時間，可能通漲已經升左5-10倍，實際的購買力都係大幅下跌，要怪的就怪自己on9，唔去郁下個MPF。


講左咁多廢話，主旨其實係想話，如果你楂實個MPF唔郁，你就叻極有個蒲。但如果你係中間郁下佢，或者你會可以跑嬴大市。


但問題係，點撚样先可以跑嬴大市呢？


so far我寫左MYMPF同2013展望關於股市，其實我操自己個MPF的盤好簡單，要的只係一隻最進取的香港基金，同埋一隻最保守的保本基金，保險公司一年比我4次機會免費轉換基金，所以我選擇好好運用呢4次機會。而下一步的，只係需要一點的市場觸角，你只需要係一個相對較旺的時間，將你手上的所有基金轉成保本基金，然後係一個相對較淡的時間，全部轉入進取基金，中間你唔好諗住搵最高同最低點，但保守估計你只要食到5-10%波幅，一年兩次都有10%+的額外profit係你個戶口。


可能你會話，挑，有無咁易啊。講真我都係實踐緊我呢個諗法，但so far 我舊年年中月由21500點轉晒做保本，八月又係最靚位18200左右轉晒做進取型，係一二月較旺的情況下預期23800要放，但今次衰小小貪心，點知跌番落22600先轉晒做保本，呢家等待下一個淡浪的來臨先再考慮入番。其實真係唔需要咩技術分析，反正MPF都係攞唔到出來，咪當考下自己眼光囉，反正你唔郁佢，升完跌番你又係無賺，跌完升番你又係無蝕，升升跌跌根本就無影響，相番你如果能夠一年低買高賣兩次就，三四十年後個複息效應就真係唔講得笑，肯定一定勁過你死楂到退休。


所以Agent佬講野真係唔好信，要自己個腦轉下，如果唔係佣金管理費就人地照袋，你自己就食人地剩落來的飯菜。


請去like我的facebook: http://www.facebook.com/CaptainHK80