日本貨幣政策與香港樓市

日本央行結束左貨幣政策會議，新方向主要係想大規模的貨幣政策轉向，透過龐大的QE，以目標在兩年內結束長達20年的通縮，並達成2%的通漲目標，具体的操作如下：


- 兩年內使資金供應規模擴大兩倍
- 兩年內把長期國債的持有量從89萬億日圓增至190萬億日圓
- 將進行貨幣市場操作，令貨幣基礎每年增加60-70萬億日圓。兩年內將基礎貨幣量擴大一倍


我曾經寫過好多篇關於QE同埋超級通漲的文章，特別係QE3幾時會來臨同埋超級通漲的系列，當中提及到其實而家全球政府都係得一招去解決當前形勢，就係大家一齊不負責任地印錢，只要印得夠多夠狠同埋係大家一齊印（而唔係一個地方印），呢個泡沫我可以講有排都未吹到爆，或者又可以話根本唔會爆，因為如果有爆果一日，應該係大家唔再相信錢，咁到時就唯有打仗。


而睇番今次日本的印債規模，如果你有睇我個money creation果篇的話（或者你有讀econ 101），都應該知道呢個係等同於M0加大一倍，但經借貸印出黎的錢係遠多於M0，而日元本身係全球貨幣政策有一個好重要的地位，因為主要係佢幾乎零息的情況下，好多Global players會係借日元，然後投資係世界各地的市場，當然你話佢有匯率風險，但係因為佢本身係接近0息的關係，你話d 人借錢黎投資一D穏定收入的資產如房地產年收3-4%，未計資產升值已經很和味，所以當佢呢家仲要以一倍的M0黎推出個市場，可以預期呢一浪的錢好快速咁會衝入市場。


換個角度，如果日本長期的通縮都可以變2%通漲，係呢個地球資金咁流通的情況下，香港”受惠”的程度一定比日本高，通漲率係咁易加2-3%上去應該唔難，亦即係話以呢家香港平均通漲3.5%黎計，如果政府唔做數的情況下，假設日本的如意算盤打得響，香港的通漲可以去到5.5 - 6%，貨幣depreciate的程度可想而知，因此資產上漲的壓力一定與日供增。


如果要抗通漲的話，而作為一個政府，要為一個地區去抗輸入性通漲，就係讓匯率浮動，又或者加息，但香港有聯繫匯率，匯率鎖死左，息率又鎖死左，咁即係政府係無計可以幫市民保護財產。故此，先放開咩炒唔炒樓，作為一個小市民如果要抗通漲的話，最好的方法莫過於買資產做對沖，但仆你個街呢家政府做唔到野之餘，仲要話比你聽樓價上升佢就會出招，即係話你唔駛旨意個樓價會上升，因為到最尾以佢地而家的思維，那怕有一天做到要拉要鎖都係有可能。


面對全球政府不負責任咁印錢，我地的政府一方面唔會有能力保護我地，而如果自保佢都覺得有問題，情況呢家等同於比人打劫強姦一样，而且你反抗的話仲要係你犯法，技術上其實我覺得呢家689政府同強盜無分別，我真係唔係好明點解要將香港搞成咁。


不過市場的力量好奇妙，我相信除非真係話呢家買樓係刑事，否則以現行的政策下，只要購買力積累到一個臨界點，即係如果貶值的速度大過於果Ｄ咩BSD / DSD之類，香港的樓市又會突然爆一穫上去，我好想睇下到時呢班嗅閪政府管員到時又會搞乜鳩野出黎，我更希望佢搞到全城都好不滿，等到7月1日又有幾廿萬人上街，咁我就開香檳慶祝無7用的689落台有望。


點都好，日本呢劑野我認為又係一個推動樓市的助燃劑，老實講升幾多我唔知，但要跌的話真係唔可能，但如果純鳩估的話，未來兩年每年升10%真係唔過份，而且我預言過會有超級通漲的出現，呢家個泡仲未吹得夠大，樓市起碼仲有3-5年玩。


請去like我的facebook: http://www.facebook.com/CaptainHK80
http://www.facebook.com/CaptainHK80