中產人生
新聞透視探討中產，對於呢件事，我認為係大部份呢家的所謂中產都真係嚴重極度欠缺財務智慧，使自己不停向下流而不知自身問題，反而轉向社會投射佢地的怨恨，呢個就係我地今日面對的問題。
隨住現代社會的進步，我地的人生亦起左無窮無盡的變化，而呢Ｄ變化亦其實係我地中產向下流的主因。由於呢家80后相對慢慢面對家庭富起來，由我果代細細個住公屋無乜要求的日子，到呢家日日都要食得好住得好著得好玩得好，所謂的中產其實係享受緊＂富人＂的生活水平，卻以有限的人工去支付呢一D消費，何來向上流的機會呢？
試諗下，細個的時候，唔知你仲記唔記得那時你係要問同學攞人地屋企電話，約出街的時候一早要約好，如果唔係就大家係條街兩頭等？呢個就係80-90年代，沒有手機的日子。中產的你如果能夠係中學時期出部call機幾百蚊已經好叻，我仲記得中三果時有同學帶部黎明的天地線電話番學演野，那時的中產，無需要買一部5000蚊的i-Phone，但而家的中產隨時一家四口都要一人一部i-Phone，盛惠兩皮野，如果阿仔阿女唔小心跌左，或者玩悶左轉部三叔Galaxy，又幾千銀，連台費一年幾皮野，以前可以儲的錢，而家通通入晒電訊商的口袋，無計，中產嘛，唔好虧代自己。
細個果時我第一部電腦係386行DOS，一定係desktop，換機太慢都講緊3-4年先一部，呢家人人都一部notebook，隨時因為方便，又要多一部i-pad，每年萍果又整部咩mini 或者I-Pad 4,5,6,7,8,9，一家人隨時又去你幾皮野，無計，中產嘛，唔好虧代自己。
中產的你，因為有一種優越感，所以cheap野真係唔係咁易接受，所以一個lunch有時係咁易80-100蚊，夜晚同朋友食飯，無計200-300蚊人頭局比，一個星期因為工作壓力大，同一班姊妹食番歺好的米芝蓮fine dinning又去你1500，食完都覺得唔夠飽要去補多個糖水又去你50，之後又約下朋友飲杯野又去你300，飲完野又肚餓隊多個翠華又去你100，然后因為入夜太累了，有D錢唔應該慳，招手一下的士又去你100-200，無計，中產嘛，唔好虧代自己。
中產的生活亦要有品味，為左輸人唔輸陣，番工或tea time最好去Starfuck攞住杯Latte又去你30-40，因為個人本身要同人social以表你中產的身份，學下飲紅酒，去你幾皮，再係屋企買晒d靚杯靚開酒器同靚酒，又去你一萬幾千。再者有時又要打下golf，為左係facebook check-in時show比人睇型d，再買多set golf club，但打出去個波永遠唔超過50 yard，連雜費又去你一皮，無計，中產嘛，唔好虧代自己。
當然，中產的你番工出街都唔好似比人睇死，所以每個月都要去名店置D新衫褲戰衣，800-1000蚊一件都毫不手軟，為左身份的象徵，連底橫都一定要幾百蚊條，拖鞋都要幾舊水一隊，無計，中產嘛，唔好虧代自己。
不過中產的生活壓力亦好大，所以一年總要去番一兩個旅行去減下壓，潛下水滑下雪食下好野就在所難免，出得黎玩有時就唔好慳，一年去旅行駛兩三萬又係等閒事，中產嘛，唔好虧代自己。
中產的你，腦裡面記住自己每個月搵3-4萬蚊，都應該算係香港唔錯的一族，有學識有見識有品味，過著上述中產的生活，但突然一日打開報紙，發現買樓動不動要用一百幾十萬，但工作十年，銀行戶口卻只有幾皮野，驚覺社會太唔公平，為何我月入3-４萬蚊都竟然負擔唔起一層人生最基本的樓，可惡的香港政府，可惡的炒家，可惡的樓市，呢個世界太唔公平，為左一發勞騷，左手隨即攞起價值5000蚊的I-phone，順便步向你心愛的酒櫃攞你最貴果支紅酒，電話響起就和你的溍水朋友起勢咁屌政府老母，談話間，順便就約食期約已久的米芝蓮fine dinning，喝著那成千蚊一支的靚紅酒，呢個就係我地今日的中產。
根我facebook的統計，十個fine dinning九個無樓。中產的你，學下計劃人生啦。
請去like我的facebook: http://www.facebook.com/CaptainHK80
我就覺呢種想法係好錯的。
回覆刪除我地現今買得起 d 通訊科技產品，係因為科技通過互聯網變得普及，科技產品通過生產力提升變得越黎越平，而件產品事實有實用價值，所以越黎越多人買得起而去買。
通過技術改進，好多產品理應可以通過生產力提升變得越黎越平，就好似 d 科技產品咁，生產技術一日千里，我地就可以用越黎越平既價格買到更快更好玩設計更好既產品，大部份人可以分享到技術改進既成果。
中國人新年會祝福願景百業興旺，意思係話希望個個行業都有生意做。如果個個人都屎慳屎抵唔食唔著，齋留舊錢去買樓，咁就變成除左李 +x 有得做之外，其他個個行業都要乞米。香港依加就係咁情況，當年日本 89 爆煲前亦係咁情況。
除左李 +x 有得做之外，其他個個行業都要乞米 ~ 呢家野有個斯文 d 既講法，叫經濟不平衡。查實好容易想得到，如果個個只顧生產，唔消費齋蓄錢等買樓，各行各業生產出黎既野就會冇人去消耗，呢個就係我地成日講產能過剩既狀況。
整體經濟係唔可能長期咁偏埋一邊，得單一行業有得做其他行行都 pk 的。咁行個經濟個市終歸一日要爆煲。個煲越遲爆，個泡沫就越谷越大，到一爆時就爆到開花果隻。
照你咁講，你好應該借一千幾百億黎洗以促進世界經濟.....
刪除同音字，錯別字多到嚇死人。中產應該都受過教育，以這個得過且過的水準，今天的中產，不但不能跟上一代比，而且......還是算了吧。
回覆刪除