睇野要識批判

市場上面每日都有好多唔同的人在不同的渠道抒發自己的意見，呢個資訊泛濫的年代令好多人都有自己發聲的空間，就如我就係自己個blog提及自己對樓市的意見，但面對每日咁多的資訊，慢慢我發現學識批判的閱讀的能力都係好緊要。


當然，對於同一件事，唔同人有唔同的角度係絕對OK的，就如每日個樓市股市都有人看好有人看淡，其實都係好正常，不過對於我黎講我越來覺得越多人透過博客發言的包裝下，被人誤會係堅有料到，呢D人其實好危險，因為如果你無料到又或無相關經驗，但因為文筆流暢而令人以為係勁人，之後做出相關的投資決定下導致捐失，咁就真係唔係咁好了。當然自打咀巴下，我都一直有叫人買細價樓，但我亦堅係在這市場打滖，視野及觸角最少比起局外人敏銳，呢種視野起碼都會帶出部份的事實，遠比起一個從來無買樓的人講樓黎得實在。


點都好，話說前陣子有人同我講話叫我睇下邊個邊個的文章，話好有睇法，好值得欣賞，如是者我就抱著學習的心態去參閱下，拜讀左其中一人幾篇之後，當中所謂的財技原來又係果D門面到再無得門面的野，或者係小弟炒賣已入魔，不然我真係有小小覺得睇完真係恰眼訓。


另外有個作者就話教人點样慳錢然後變有錢人，仲有D短片解釋簡單的金融觀念，睇完我覺得都幾似Finance 101 的dummy 版，但係老實講，如果有人教你慳錢的話，我真係勸你唔好學，因為一個人的成就同佢本身的價值觀係好成正比。以慳錢呢件事黎講，慳錢，慳極就係慳晒你賺番黎的錢，即係話如果你係一個打工仔，每月搵2萬，你慳極就係2萬，慳極一年就係24萬，當你有bonus慳埋一年30萬，你做30年野一蚊都唔駛慳晒都係1000萬唔到。慳，就係局限左你的人生。所以我曾經同人講過，我一般都唔係好慳錢，我只係識賺錢。因為我由細到大都係諗點搵錢，或者點样錢搵錢，因為只有搵錢先有無限的可能，人生先有無限的可能。慳錢係美德，但絕對唔好推崇到一個過高的境地。


不過唔好誤會我呢家唔係係度挑機話我係最勁，當然我一定有番咁上下自信心，但我指出的最主要係係我好強烈的價值觀同方法的驅使下，我今日的得到的回報係比起同齡唔係富二代的人黎計都叫高，而事實同經驗都話比我聽，好多呢D所謂的”專家”係會對好多仲摸索緊人生條路點走的人都會造成多少的影響，特別係果D無批判力的人，眼見原來呢個財演可以上電視，或者某作者可以出書，所以一定信得過，但到最後就因為咁輸到PK的人，我識唔少。


講起呢件事，其實我點解寫呢個Blog的其中一個原因，係大約大半年前一個飯局，當中一個友人提及自己跟某某blogger買股而輸左30萬，我聽完真係火滖。


從工作上的因由，我曾經都係短時間同某幾個財演共事過，聽過好多外面對佢地尊敬的稱呼，初時唔知我都以為好勁，但接觸到佢地的一部份成績，真係好話唔好聽輸到嚇撚死你，所以哥前哥後三分險，唔好以為人地寫篇野，上下電視就以為好撚勁，到最後自己捉蟲投訴無門就只有自己知。


不過點都好，賺錢之神唔係我，我亦都未必係比到最”岩”最”勁”最”獨到”的信息比大家，而且那怕我分享自己認為成功的窺門，對於好一部份人都覺得我係白痴。之前我曾經同人講過要好好明白自己的借錢capabilities，我亦寫過關於借錢唔係evil的題目，但江湖傳聞身邊有人就只係話我教人去借錢，係唔岩的事，我聽完真係吹撚漲，不過豪氣的我當然好串咁回應，你叫comment我唔岩的人同我，大家攞份身家出黎秤下，就知對於錯。


事實勝於雄辯，so far我好清楚前面條路應該點行，所以我更清楚睇到當有D人教其他人點行前面條路時，就知道呢個人，係行係我前面定後面。我無意去攻擊任何blogger，百花齊放係一件好事，但如果自己修為都未到家，就應該好好儉討下，以免累人行錯路，輸冤枉錢。


請去like我的facebook: http://www.facebook.com/CaptainHK80