事先張揚的辣招

今日電話不停收到下面的消息，一個又一個咁係度響我機，一時間消息滿天飛。


財爺聯同金管局最遲8/2星期五下午出招
1）BSD由15%加至30%
2）第二套房額外稅5%起
3）800萬以上樓再減10%貸款
4）第三套房停做按揭
5）第一季推出10000伙居屋


其實呢幾日個市都傳左好耐話會出招，大致都係講話會出二套房BSD，今日呢個消息咁仔細，睇黎都真係空穴來風，未必無因。不過，究竟政府點解今次吹到D風咁行，係究竟只係想出口術，定係真係有心新年前打一巴，等個市容易消化，呢個就真係不得而知。


但當我收到呢個消息的時候，其實我都係鬆左一口氣的。之前一直傳話出二套房BSD，呢下我個心一直諗係會出15%，如果係咁的話真係會打撚摷晒個市都有之。講真，作為投資者，買入又要比15%，賣出又要比SSD，又要承受個市跌的風險，老實講，搵條蒙撚都唔撚會買啦。


因此，對比起我心目中原來的二套房BSD 15%版，呢家二套房5%，就真係好好多。始終5%一定仲有好多人比得起，相對起通漲，呢5%應該仲有好多人願意比。而更令我開心的係，第三套房停做按揭，呢件事表示如果你有幾套樓的話，你真係唔會隨便亂賣，賣左又要比BSD，又要鎖三年，又或者連會都上唔到，賣樓的機會成本太高，唔等錢洗真係唔洗諗住賣。


講真，其實出得樓上呢Ｄ招的果幾條懵丙真係最近無買過樓。你話樓價升乜柒乜柒呢Ｄ係數字上的野，你要打壓已經係好撚硬膠。問題係，係數字反映以外的野，佢地真係唔會睇到。如果果幾條懵丙真係試過呢排搵樓，就會發現佢呢幾招只會令到上車客更無法上車。點解？因為呢家大部份屋苑都已經無乜實盤，有果D全部都基本上要破頂黎成交，追唔追到上去已經係好大的問題，就算呢家有時買家肯比票，業主肯唔肯賣又係另一個問題，如果同D Agent傾多D計，你會發現呢期就算有人追價，業主反上反，或突然封盤的案例比比皆是，所以我諗其實政府唔去搞個樓市我諗都要停下。


好啦，呢家如果政府出上面果Ｄ招，正如我講係寥寥無幾的實盤下可能再要減到得番一個半個，我賣樓都知，過千戶的屋苑之前我個盤得1個對手，超過20組客去睇我間屋。好啦，而家出招，可能放盤放超高價的情況下，過千戶入面可能會極端到無對手，要買樓果Ｄ一係買，一係就過主，做業主仲唔係大撚晒？


另一方面，好明顯上面呢堆野係想連投資客都殺埋，但投資客經驗多，要走位都話咁易，好話唔好聽呢D位咪又係時候推D阿爸阿媽細佬家姐出黎借名買野，個BSD好易就解決。第三套房無mortgage仲好笑，咁即係將第一二層樓加按full pay就無問題啦，即係有錢人就唔駛驚。你可能會話，加按有幾多錢姐，買撚到D咩呢？咁呢個我就唔可以代所有人答，不過相信都係細價樓有利ga la，始終如果玩full pay，細細粒就容易食D囉，而且BSD又平D，right?


而上車果D我見到就真係悲哀，600萬樓下由90%減到做得80% mortgage，即係你本身有60萬的本來可買到大約600萬的樓（當無其他洗費先啦），而家有60萬就最多買到300萬的野，咁即係上車又迫D人追逐最平果D樓啦，我諗到呢度真係笑左出黎？點解？因為我呢家大換貨就正正係追住呢D　250-300萬的貨仔囉，政府係咁將D資金引導去買呢D細價樓，我仲唔係要多謝CY政府。


照咁睇黎，呢家個樓市應該玩多一兩年就唔會再有上車客玩ga la，點解？因為我諗一兩年內，連金獅同荃中呢D樓的入場版都應該要超過350萬 (或者400萬up)，而入場的門檻又會係要20%上車，以呢家D後生仔黎計，死得啦，點儲80萬番黎啊，即係90%人要靠父母，唔係就唔駛旨意上車啦。你話你等政府救你？好啊，我又睇下佢果10000個居屋樓花賣幾錢囉，如果市區500呎居屋打完折賣400萬，邊撚個仲上得起車啊？


未上車的朋友，真係講真，盡快上車先啦，如果唔係你肯定過幾年後會同CY講，多撚得你唔少!


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431