政府應為樓淡負責任

過去幾年，每隔一段時間政府官員就會出黎話呢家個市好危又有泡沬，因此叫市民量力而為，又有意無意間明示暗示會出招打壓樓市，比市民一種錯覺樓市即將要大跌。


講真，政府絕對有能力去令樓市大跌，唔信的話你大可諗一Ｄ毀滅性的辣招出黎，例如話買樓會係死列，又或賣樓有錢賺的係刑事要坐二十年，就算再唔合理都好，只要你夠膽推出黎，個市一定要冧。故此，有人相信政府準備出手打冧個樓市係某程度上係合理的。


但問題係，政府究竟有無清楚掌握當前的影勢，因而去出口術，定係只係睇住自己個地方政策而希望可以buy time等更多的供應慢慢推出呢？情形就好似打麻雀咁，有D人新學識，就只係睇住自己份牌黎打，岩的就要，唔岩就打，話之下家對家九章準備叫糊，生章紅中發財白板都一样照打出黎，佢唔係大膽摶牌，而係無Sense!　如果香港政府的管員係無Sense到呢家全球印錢的情況下都話呢家泡沬好大，導致有一部份上車的小學雞係乜都唔識又懞醒醒的情況下比呢D官員嚇窒，咁呢D官就真係死撚左去算了。


不過上面都只係講上車的需求比官員出口述嚇窒，但問題係房屋某程度上係有一種不可分割的投資成份，雖然政府已經推出左SSD / BSD黎打擊所謂的炒家，但實際上佢地出口術都係制造緊另一類的炒家。係股票市場，我地見到好多人都講買股票，而買股票黎講通常散戶都好中意＂買＂，＂買＂呢個動作其實係相當於看好個市。但股票市場有個機制叫沽空，亦即係看淡個市，而通常能夠做淡的股市人都係大戶，因為其實本身做淡係有一定的不平等要求，如唔係間間行做，特別係細行唔做，而好多零售銀行比你網上理財都唔會做，所以造得淡的通常都係一Ｄ相對大戶或機構投資者，咁好啦，如果係股市看淡的時候，一般散戶如果唔玩輪唔玩期指唔玩衍生工具，唯一可以做的就係沽清晒自己的貨，希望係下跌時用更低的價錢買番獲利，呢個係一般散戶的動作。


顯而易見，樓市入面有好多本身係用家的人，佢地聽左咁多政府管員出聲後，由於樓市欠缺造淡對沖的機制，因而選擇”相信”政府沽出自住樓，繼而希望係更低位買番相同或更大的樓獲利，呢種行為你唔好同我講係為左幫香港人上車或任何安居樂業，就算個業主本身只係為左避險都好，但最終佢都係希望會獲利，呢種人其實咪又係炒家，只不過佢地向下炒之嘛。


不過，我唔認為呢班人有咩問題，始終賣自住樓的即係得一層樓，咁一層樓好多時亦即係佢地畢生的積蓄，所以要保住呢舊錢我係相當明白的。問題係點解政府的操作會好似D大戶咁放風出黎然後震散D散戶，然後D平貨又會落入強手當中之後繼續上，慢慢就會夾死一個又一個香港的家庭，呢種行為作為官員係十萬個唔要得。


我一路強調，香港的官員應該講清楚佢地想點样，特別係今時今日的外圍形勢已經非常唔同，呢種泛濫的貨幣政策係的確會引起通漲，而究竟會去到咩情況大家無人知，如果你唔知就盲目話有泡沫，咁就等同搵個白痴去做官都無乜分別。如果我係官員的話，我會講清楚香港政府的唯一目的係要有一個極度穏健的房屋市場，而呢個穏健的市場代表將會有充足的供應去平穏樓市，亦同時會有政策去剔除樓市的風險原素，務求市場能夠按步就班有序咁發展。


上述的信息，目的係令人唔係有錯覺話樓市將會有泡沬會大跌，而政府如果出招亦唔係為左打巢個市，前題只係呢家風高浪急，政府會為左樓市的健康以致經濟的前景緊守監管者的角色，令市場唔會大起大跌。我相信最少如果我係上車客睇到上面的野，都最少唔會比你嚇窒而形響上車的計劃。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431