2013展望

新年伊始，首先祝各位2013年可以賺錢賺到手都軟，人人也係財務自由的道路上大步向前。


為2012年總結一下，個人係2012年買入4個單位，賣出一個單位，放售的單位有兩個，現金流仲係有D窄，但減債步署成功，相信係2013年上半年我的portfolio就可以井條有序。


2012年9月，我更預期細價樓會節節上升，短短三個月，當時150-250萬的樓平均都有15-20%左右的升幅，如今看來我的睇法都相當OK。另一方面，股市我係MYMPF的回應欄話目標約莫23800，今時今日22600，老土D講句我並非話23800係今年內完成，所以我認為如果農曆新年前見23800，我會先係fund果度轉番做dollar fund，而如果到24800，我的MPF就會全線入番保本基金，伺機等待下次的跌市。


總結完畢，亦係時候講下2013年有咩春野會影響香港的樓市／經濟。首先QE3 + QE3.5的熱錢繼續流入，相信短期仍然對折息有幫助，而股市亦會受惠。乘住呢家美國共和兩黨差唔多解決到財政懸崖，港股黑期已經升左300幾點，如無意外聽日可以衝破23000關口，所以上面我話23800，應該會係今個月完成。能上23800，熱錢的流入一定係有關係，亦由於股市暢旺，相信有部份資金會套出而流入樓市，間接為樓市注入一些替代需求，或許會令小陽春係近一月尾時就出現。


而BSD睇黎都會係比CY推上立法會亦90%會通過，但係推完後近期也可證實無助壓抑樓市，發展商我深信會減慢推盤步伐，求價不求量，因此樓市應該還會係細成交量下向上不停破頂，預期今年中下價樓仍然會有15%左右的升幅，豪宅就可能得5-10%等等。


之但係呢個CY政府我相信係仍然會繼續打樓市博攞分，估此樓市打壓的措施可能會繼續出台，奈何一再強調，就算綠悠雅苑都係實用呎價7000左右（已有30%折扣），可想而知，今時今日連政府推居屋都係要高價高成本，樓市好難係咁的情況下跌，所以自住樓的人係2013年還係可以上車的。投資者因為要鎖三年，我認為呢家買入就有D問題，始終三年時間太長，呢家一年可以變化的都可以好多，，如果一鎖就鎖咁耐，我認為真係要計好數有荀盤先好入市，否則蟹左真係好大穫，特別係實力唔強的買家為甚。


2013年，我最關心的係CY會否有機會落台。畢竟反對的聲音慢慢壯大，今日可惜還是未夠強，但觀乎今日好似支持CY遊行人仕都係比人收買番黎，睇怕呢場仗會有排打，也許分野將會係7月1日大遊行才決定。不過CY在位，樓市想按自己的價值升跌會變得好難，人為過份扭曲市場將會令整体香港人經濟實力受損。所以CY落台或許會對樓市幫助更多。


而最後就係其他國家央行的方向，亦會為香港加上更多動力。而家三大中央銀行（美國／ECB / 日本）全部以印銀紙係現時解決問是，我深信香港超級通漲呢個泡係仍然吹緊，而且2013年都仲係未會爆，故此會唔會有更多的印錢舉動去谷大個市，我幾可肯定一定會，但個速度導致會唔會加速爆破，側未可預期。


點都好，2013年對業主黎講仲係開心的一年，有貨者盡量keep住係手，多貨者可小小減持，上車者仍可上車，總之盡量keep住一定水平的資產，方為2013年的致勝良策。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431