KA MING

由於我個FACEBOOK PAGE有位KA MING的讀者回應，認為海景公屋唔係因為交幾多稅，亦即搵幾多錢而言，所以忍唔住又寫番篇野黎回應你。


SORRY, 我唔認同
對社會有貢獻只限於交稅多少?
呢O的咩人黎


首先，我都好多謝KA MING你咁得閒黎睇我個BLOG，不過一開波就未必岩你胃口，所以我估你都未必會再番轉頭。


不過我睇你個FACEBOOK，如果無誤的話你都係一個80后，家住觀塘。觀塘又以公屋為主，大膽估你一下，你可能係現行公屋制度下的受惠者？


點都好，我諗你要明白一下呢個究竟係咩世界？無論你認唔認同都好，人類其實都係自然界的其中一種動物，我地本身都係透過弱肉強食的適者生存呢條自然法則先生存落黎，this is a fact。我地靠的係用殺戮同趕絕其他動物的生活空間先有今日的文明，所以係搶奪土地的時間，我地係以武器同拳頭為”分配方法”，因為呢個分配方法係最有效。當建立文明初期的時候，當然錢的出現就解決左”分配資源”的問題，如你有錢的就食好住好，佢無咁有錢的就食好住就普通Ｄ咁，以錢作為最最有效的分配資源方法。


咁你又點講海景樓只可以供有錢人買
窮人唔可以租
你用咩去係計呢個咁既回報
錢就係貢獻?
咁我諗做IBANKER 既人O的對社會既貢獻唔會多得過一個清潔街道既人
再咁講, 高錕我諗對社會既貢獻其實好細
因為佢搵得好少錢


你的理念我好明白，我亦可以答你錢並非完美的分配制度，所以當資源連用錢都解決唔到的時候，人類又會用番拳頭同武器去解決資源不均的問題，所以係人類的世界，基本上就只有兩種分配資源的方法，一就係拳頭，一就係錢，睇你揀邊样。


你提出黎的問題其實有兩個層面，我希望你自己有分釋力去分開佢地，其一你提出的係


１. 邊個有能力去租／買／拥有／使用／得到呢Ｄ優質的海景公屋戶。
２. 搵錢多的人係咪對呢個世界就有相對多的貢獻, 搵錢少的人係咪就相對少的貢獻.


先回應你１, 海景樓我認為就係用錢去分配GA LA, 如果唔係咪拳頭囉, 你唔好搞亂個concept先,你係指要買的,咁假設呢個單位係一百萬,同時間有一百個人比得起?賣比邊個? 好啦,又當比你可以租啦, 咁你話呢個單位一百蚊一個月, 有10000個人都肯比呢個價,咁租比邊個?老實講，如果係用錢黎計的，就一定係錢就係分配方法。你話唔得ge，咁你想用咩黎計呢？最多咪補番個先後次序，但你肯定無物盡其用啦，唔係點得黎咁多人爭呢個單位呢？咁爭到果個，即係執到荀野啦，咁點解要益佢先？貢獻？


講到貢獻就即係入第２part啦，我想問你點样可以quantify人的貢獻?舉個例,下面三個人都係有申請公屋資格的:


1. 一個55歲, 每日掃10小時掃街倒垃圾的阿伯 , 間唔中會偷下懶.
2. 一個50歲, 每日掃8小時掃街盡心盡力的阿姐.
3. 一個35歲, 每日番貨倉做野又OT但最低時薪要養老婆仔女的.


我想問下, 邊個排第一高,邊個排第二高,邊個排第三有貢獻先? 你排到? 挑那星啦，你排到都係主觀ga姐，你試下出街問人，唔同你一样排番的人大把啦。最大問題係咩呢？係呢家公屋輪侯冊十幾萬人，你係咪個個都係睇下佢地貢獻啊？點排啊？排唔到ga ma，咪又係用其他野如收入，再加小小屋企人數年齡呢Ｄ野黎quantify囉，你會唔會見到掃街的排係洗碗的前面或者後面先？


仲有你呢家仲混合左另外兩個問題係呢件事入面，第一係資源的錯配。唔該你用下個腦諗下，海景公屋同埋公屋係根本性上面係咪有唔同先？我要重申一點，我唔否認基層市民如果有買樓的困難，係應該值得由政府去包底建設公營房屋比佢地安居樂業，但呢個基本的居所應該係並非佔有社會的優質資源，即係換個角度，你去打邊爐，本地肥牛就５０蚊碟，和牛就１０００蚊碟，好合理啊？但係你呢家話個食客都好辛苦，佢平日都好有貢獻，所以要５０蚊賣份和牛比佢？唔撚係嘩？喂佢有錢的食和牛無問題，但如果無錢的時候就唔好強求啦，有本地肥牛５０蚊咪一样飽肚？


你可能仲會好無賴又自私咁話，我就係要咁撚样ＧＡ　ＬＡ，其他人我唔理，總之因為我受惠，所以我就要50蚊食肥牛。OK，唔緊要，但問題係你再放大Ｄ，如果一歺半歺益你一個就算，如果要益晒一部份人，間歺廳就可能要蝕本執笠ga la喎，執左就人人無得食，咁為左生存，你係一定要50蚊食肥牛，咁佢咪係其他地方著手囉，如杯茶又計你20蚊，豉油又收你50蚊咁囉。呢Ｄ野，你可能話我唔撚理啦又，下手黎咪下手去搞啦，不過如果成個生態就係為左你層公屋，要補貼你時搵其他人埋單，咁又公平咩？人地的貢獻，又少過你咩？


補貼係呢件事上面係我最唔想見到的野，補貼一千億落去比25000戶大抽獎，錢我有份比，獎就你地抽，我想問番ＫＡ　ＭＩＮＧ你又點認為我的貢獻少到無權去抽獎先？你話一人抽小小就算數，但1000億啊，等值係我當中係納稅人呢兩年交的稅，換句話說你係我袋攞左兩年前然後比人抽獎，我無得反對仲要比你問侯我點解我認為佢地唔值得抽獎，你無野啊嘛？


KA MING，可能你仲細，又或者你無交過稅，又或者你住慣公屋，不過你要諗清楚1000億可以做咩？1000億可以係將軍澳可能買到起100000+以上的公屋單位，或者你可以同地鉄挫傷開多一個站去發展偏遠小小的地，又或者用黎起一百幾廿間醫院，一百幾廿間護老院去造福人群，仲有錢剩去補貼房恊係第二區起番呢25000公屋單位出黎，整体社會可以得到的利益係更多。


最後，講到貢獻，我想講我唔知閣下有咩貢獻，但係我呢幾年交的薪俸稅+ stamp duty，大膽講句可能同你呢幾年搵的錢的總和差唔多，而我比左政府的錢亦轉化左成為去補貼公屋的住戶，基層的醫療費用，小朋友的教育，我係一個相對的contributor，我自問我貢獻一定比你多。