新世代管理人生

我喜歡幫人，雖然我個样唔似，但係我好唔介意將我所見到所識的野，分享比我身邊的每一個人，特別對於以樓市去管理人生呢一環，我樂意之至。


故此，我每年都會參加一Ｄ大學的Mentorship，佢地會安排三兩個mentees比我，等我去分享我的經驗，幫佢地更快的去投身社會。今個weekend，我就認識左三位新的小朋友，先睇外表，佢地都真係好細個，真係令到我都有番Ｄ年青的感覺（但我諗如果你地係現實生活見到我同佢起行埋一齊，以為我地係同學都似，哈哈）


三個二十出頭的小朋友，我問佢地的人生目標，三個都係答搵份好工，做好份工，搵幾多幾多錢咁，有一個就話之後要搞自己的生意做老闆，其實黎黎去去都係呢Ｄ野，每一年都聽慣。比佢地大差唔多十年，當然我對人生都有我的睇法，特別係大家都睇過我個Blog咁耐，都知大約我係點諗。我同佢地講，工作上，其實我都係fast track果一類人，人工，亦比同年齡的人應該要好。但我的工作上成功與否，去到今日黎睇其實已經唔係最重要，反而係點样管理好個人生先係最緊要。


作為一個仲未入世的人，我明白如果講樓對佢地黎講好遙遠，所以我盡量問下佢地一Ｄ數字。首先，大家有睇過我你條命值幾錢?呢一篇野，我就用番同一個問題問佢地。三個人，一個答五千萬，一個答六千萬，一個答五六百萬，其實，並無對與錯。然後我再問佢地一百萬對佢地有咩概念，一個就答一百萬做生意好快無晒，一個就答一百萬買唔到一層樓，好少錢，最後一個答乜，我唔撚記得左。但三個人，都係覺得一百萬唔係好多。問完之後，我問佢地你要儲一百萬出黎要幾耐，佢地Ｄ眼仔轉下轉下，其中一人就即刻答好灰，其他人都領會到個意義。


一百萬，如果一個月儲一萬，要8年+4個月，但就算儲到，對佢地黎講，又唔係好多錢，個落差好大。係呢個時候我同佢地講的，係點样去管理自己的人生。佢地而家的注目點，只係出黎搵一份工，見步行步，其實如果漫無目的咁打工打工，其實只係做左人地的奴僕，燃燒緊自己的光陰。一百萬，對於佢地黎講，係用錢去衡量，但在我眼中，換來的係時間。一個炒家，買間三千零萬的鋪，楂一個月摸出執二三百萬的，比比皆是，人地一個月賺的，係你以8年零4個月或更多的時間辛辛苦苦儲番黎的血汗錢，會唔會應該思考下，是否值得？


其他所謂的mentor，可能有好多工作上的經驗值得學習，呢Ｄ野係要學，但係佢地的人生，可能只係一個做得好好的奴隸。一言以蔽之，好多人呢家係等於一開波，就叫我教佢點样做一個好的奴隸，Sorry，我做唔到，因為我唔想害左你。我能教你的，係你點样係做奴隸的情況下，一點一點的鋪排令自己得到自由，然後你可以按自己的興趣做自己喜歡的野，當然你如果之後都中意做奴隸，呢個亦係你的個人選擇，但有得選擇，係我可以教導的。


奈何，唔知係我地的教育洗腦太勁，定係呢一代真係久缺主動性，我只係叫佢地add 我facebook，覆下Email，都欠缺主動。唔通，真係要我地連錢都幫你賺埋再叫埋飯餸餵埋先得？又或者，係佢地眼中，我只係一個吹水神化的理論大師。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431