殺錯良民

SSD 加上按揭限制，呢家投資者再想買貨，成本非常高，而炒家更因SSD而絕跡於樓市，所以而家買樓的，主要一定唔會係以上提及的投資者同炒家，咁邊個仲係度買呢？無錯，就係用家。


用家都有分兩種，一種就係換樓客，住一層，賣左佢買間大D(或其他地區，咩都好），另一種就係上車客。


好多人會話，點解呢家上車客會買樓？其實原因咪又係黎黎去去果Ｄ，如等下等下都廢事等，或者要結婚阿爸阿媽比首期果Ｄ，哪怕係自己一成上會買層樓自用果D，佢地的心態都可能係反正要自用，等下等下都唔跌，算啦，買左上左車先算啦。


上左車就會推動換樓鏈，之前住呢個單位的人賣比你，如果唔係投資者減持的話，就係換樓客要賣樓再買番。由於按揭的限制，投資者出左貨呢家唔一定入得番，所以買得的，都比較大機會係有按揭優勢的用家。


政府一路以呢SSD同按揭的比例去控制樓市升覆，其實都相當於用時間性迫左兩班人係唔同時間買賣。投資者，係樓市係比較資深，睇住你出咩招，佢地就識點玩。如你搞SSD，佢地就唔會短炒，買的就睇租金回報。你搞個按揭，佢地就唔會亂出貨，特別係唔可以再入，或出左就要驚入唔番，所以政府只係雪凍左個市場，但貨源仲係好多留左係投資者的手上。


升下又一日，升下又一日，做投資者其實都幾過癮，坐住巨大升覆，收住個租金黎同你供樓，cash又慢慢回籠，實力其實唔座大都保存得好好，所以基本上現階段都真係養肥晒Ｄ投資者。當投資者或用家要食糊的時候，呢家就要搵條友仔黎接貨，以前就仲有好多投資者／炒家去接，但而家，買襯好大機會係用家，而細價盤好多仲要係首次投資者。


所以今日CY話政府要打樓市，有需要時會出招，我好老實同你ＣＹ講，你咪制。你呢家一出招，第一批比你殺死的一定係最無辜聽你政府講話會打樓的人，呢班人實力相對無坐住貨果Ｄ投資者咁強，所以你如果真係打左個樓市一兩成落黎，好多呢Ｄ第一次買樓的，就會冤你一世，樓價面個10%其實係好脆弱的。


不過CY，一定會有人多謝你的，因為假設外圍經濟無變，行政手段一般都唔可以持續，故此美國係咁印錢的話，香港的樓市遲早要起番，就好似2009年果時大升。問題係經過呢一下比你打壓，坐住貨的投資者有成40-50%的水位，你打又打唔到佢地，但一眾上車客同用家就比你打死一大堆，佢地D貨會比邊個接呢到時？咪又係Ｄ有實力的投資者囉。


所以如果CY真係打樓的話，你一係就打死佢全香港一齊同你杏加橙，如果唔係的話，我相信你會累死好多只係老老實實買層樓住的人，變相送佢地入老虎口，餵飽晒D投資者而己，何苦呢？


其實政府真係無乜要為樓價設任何線，市場交易的價錢就係公價ga la，咩叫平咩叫貴姐？對於A，佢可能話4000蚊呎價，對於B，佢可能話3500蚊貴，佢對政苦，你房屋局可能話5000蚊貴，但地政署又可能話8000貴，其實邊有客觀指標ga姐？搞咁多野係度擾民，其實而家收緊要按揭就唔應該再搞野，或許政苦應該做的就係設立一條健康的水平時，比如話供款比例係幾多，又或者借貸對資產的比例係幾多，就係健康，係呢個健康的情形下，政苦就唔會出招，好比市民安心置業，唔駛係度估估下。


今次真係要講如果唔係一早買左樓，今日一定會對住個政苦講句DLLMCH，比個政府累撚死，政府D大官，咪撚搞咁多野啦，唔係就殺錯良民ga la。


請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431