硬食

最近人民幣又創新高，停左大約半年的升勢又再展開，呢個升勢可能又係另一個推港樓上高峯的一個推動力。


香港係外向型經濟，亦奉行聯繫匯率，呢D簡單的常識好多人都知，不過溫故知新，成件事係代表Ｄ咩呢？奉行聯繫匯率，美元兌港元就係每1美金換7.8港元啦，當然中間仲有強方同弱方保證，但呢Ｄ就唔講啦。因為港元同美元掛左勾，所以我地基本上唔可以有自己的貨幣政策，因為如果有自己的Money Supply 加息減息就會引好多國際的炒家黎套息賺差價，呢股動力又會係息口同美國相對持平時消失，所以市場就會迫我地同美國的息口一致。


基於外向型經濟的關係，香港好多野都係輸入同輸出，比如我地日常食的野，都係要同大陸買，因此，當中影響到個買賣的就會係價錢，匯率，同賣當地的通漲。


舉個例，呢家假設大陸賣豬肉係10蚊人仔一斤，當無任何其他成本情況下，我地今時今日就大約用12蚊港幣，換左10蚊人仔後，去買舊豬肉番黎。好啦，假設呢家人仔匯率又升至1元人仔兌0.75港元，對於當地佢地可能乜都無變計，佢地仍然係用緊10蚊人仔賣舊豬肉。不過，由於新的匯率，我地呢家要買10蚊人仔豬肉，就要先攞13.33元港幣去換10蚊人仔黎買同样一舊豬肉。大陸人唔覺得貴左，但我地就會覺得貴左幾個巴仙。


好啦，問題係其實呢個世界係都已經幾流通，亦會係某Ｄ地方造成通漲。假設一個月後豬的飼料來貨貴左，所以豬肉亦其實有10蚊人仔升到11蚊，所以一個月後就算匯率無變，但係11蚊人仔的豬肉，我地就會要用14.67港元黎買入，由13.33元去到14.67元的呢1.34元港幣，就係成日人地話的輸入性通漲。


如果我地的匯率係浮動的話，理論上當豬肉由10.00人仔升到11.00元的人仔時候，港幣就會大約升番咁多，即可能人仔由1元兌0.75港元，又大約跌番幾個%去到1蚊人仔兌0.805港元咁（因為我地香港唔係只係買豬肉，所以實際情況一定唔會按單一產品黎調節），以抵消外來的通漲。不過就正如上述所講，我地奉行聯繫匯率，所以匯率無得郁，通漲硬食，所以物價就會受匯率冢貶值同外來通漲雙重夾擊下提升。


咁講得我地香港係外向型經濟，我地當然唔係只係買入唔賣出ga ma，假設呢家你有一舊由12蚊港幣買番黎的豬肉存貨，有個大陸佬以今日10蚊人仔兌13.33港幣的情況下，話同你買呢舊豬肉。我地當無運送／存貨成本，亦當你唔賺錢計，咁你賣唔賣比佢先？你買入的時候係用左12蚊港幣，但由於匯率變左，大陸佬落黎買你舊豬肉其實等於幾錢？用12蚊港幣以1:0.75，如果你賣比佢，就等於用緊9蚊人仔賣比佢，咁你會唔會賣(唔好講咩存放有限期果Ｄ野先，純以價格同匯率討論）。


好明顯，一個正常的人仕，佢都會起碼將舊豬肉調到13.33，又或14.67港元先會賣比個大陸佬，因為中間就會有匯率同輸入的通漲，如果唔係，你多多都唔夠蝕比佢啦。


睇大Ｄ個經濟，我地人工因為一年先會調整一次，所以會有濟後的情況，即如今日如果匯率突然有30%跌幅，香港就周街Ｄ野一夜之間會貴30%（因輸入價格上升），所以你份人工一般都要硬食呢D風險。作為打工仔的你，當你搵20000一個月計，當今日等於16260人仔，一夜之間呢30%就相當於你搵20000蚊港幣等於11382蚊人仔，你可能突然同你個大陸同事的人工拉得好近，你鋸唔鋸先？唔鋸，咪實同老闆講，起碼加番三成人工上去啦係唔撚係啊？


不過好衰唔衰，原來你係做左野超過二十年，cash儲左2,000,000，一夜之間你的積蓄就由1,620,000人仔，變左做1,382,000人仔，請問你鋸唔鋸先？唔鋸，不過Sorry，今次無人幫到你，因為香港行儲繫匯率，所以呢D loss，你係硬食。不過唔緊要，表面上你仲有2,000,000港幣，無多無少，你係香港洗費，只係會見到市面Ｄ野貴左30%，最後你可以選擇上街遊行，但無人幫到你，因為呢個係合法的經濟強姦。


點样可以對抗呢件事，買資產囉，你用左你的2,000,000現金，如果係人仔升值前買一間2百萬的樓計，假設人仔突然升30%，你覺得你層樓點先？套用頭先豬肉個故事，你唔會咁硬膠照2百萬港幣賣比個大陸佬ga ma，層樓，多多少少你都會加番20-30%上去，即大約2.4-2.6百萬，以抵消你係匯率上輸左的購買力，make sense?


成個動作，你只係想保留你的購買力，唔想比人合法強姦，唔想20年的積蓄一夜間無左30%（即無左6年時間)，你的出心唔係炒樓，只係想保值，Right?


好啦，不過呢個社會乜人都有，人仔升值你有20年的港幣積蓄，就有個風險要蝕。不過你有個好朋友，佢20年黎都係月光族，銀行基本上一蚊都無，因為咁样，佢無2,000,000的兌換問題，所以佢無蝕錢的煩惱。出糧照样每個月都係咁出，亦面對住物價沸騰的問題，你個好朋友就好不滿，成日話政府唔幫佢，Ｄ樓貴晒又買唔到樓(係，佢一蚊係銀行都無但話買唔到樓），所以佢好撚憎你呢Ｄ買左樓炒鳩貴晒的撚样。


自此，佢成日都要求政府打擊樓市，對付你呢Ｄ炒樓賺錢的仆街，希望有一日你層樓由2.4M - 2.6M，比政府禁低至2.0M或更低，哪怕匯率同輸入性通漲仍然存在，總之你層樓就要跌，哪怕係大陸人眼中，突然變得好撚平，可以賤價買入，目的係咩呢？大家一齊共貧囉？點解啊？因為佢本身其實就算層樓跌到得番100萬港幣，佢都無錢買ga la，佢得到的係咩？錢就無ga la，心理上就係有人同佢一齊咁撚窮囉。


香港，就係有太多好朋友。