80后與地產霸權

地產霸權唔係一個乜野新的term，相信大家都聽過。地產霸權亦簡單Ｄ講係直指香港果幾大地產商，除左搞地產之外，因為佢地已經變得好撚大，所以生意由地產搞到過晒其他界，包括能源，超市，交通呢Ｄ民生所需的野，亦透過佢地先天的地產優勢扼殺小型的商戶，要不就加鳩佢地租，或者以更高的租金去取代佢地，慢慢令我地的生活完全被佢地所侵佔。


要佔據道德高地往往係而家Ｄ議員，傳媒以及小市民作為抗議社會的最佳武器，所以呢種所謂”大蝦細”的情況我地成日都會係報章見到，而報導的手法亦往往係以同情，可惜等角度去報導。以上的野，我好明白，大家亦好明白。但作為一個理性的人，從令一個層面上會唔會有令一個觀點呢？


生活係現代呢個社會，每個人都知道迫住要向前行。只要你行慢半步，就好容易落後於人，如果完全停低，就好快比人淘汰，呢個係社會的現實。當然，富裕的香港亦有安全網，如果你係選擇停步的，唔緊要，香港政苦仲有綜緩去打救你。但作為一個商戶的法人，其實好應該明白社會係充滿competition的，成王敗寇，現實就係殘酷的。


舉個例，還記得之前我朋友公司個妹妹，我同佢亦討論過地產霸權呢個問題。佢作為一個熱血的80后，開宗明義就話地產商乜乜物物，捱殺小市民XYZ (重覆我第一段的觀點一百次)，然後就話我地呢家的選擇，咪就係得番惠康百佳7仔萬寧同屈臣囉。咁好啦，呢样野我明，我亦同佢講話，就當呢家有得比你揀，我想問下你，你平時買野，呢家同一地點有一間士多同埋惠康百佳7仔，你去邊度買？佢個腦轉一轉，一副好老尷的样答出惠康百佳7仔。咁我問點解呢？佢話個環境好Ｄ，選擇多Ｄ，感覺好Ｄ。如是者，我就秒殺左佢反對地產霸權的聲音。


事實擺在眼前，先勿論我同唔同情同支唔支持小商戶呢part，大前題係點解呢D惠康百佳7仔萬寧同屈臣能夠大行其道先？原因你可以話佢有更多resources，但牛唔飲水唔禁得牛頭低，人地個business model做得岩，就自然會做得大。呢D80后其實好矛盾，一方面就精神上反對地產霸權，另一方面就金錢上支持地產霸權，究竟係你精神分裂，定係你唔知自己做緊乜撚野啊？


一個資本主義的社會就係由市場主導，小商戶行的business model係過時就係過時，無裝修無冷氣無服務無質素，就係會被社會淘汰。人地做得比你好，你有權學習，但要係一個完全商業行為主導的情況下，我唔明白點解小商戶係無進步的情況下要給予特別照顧。係呢Ｄ事情上，我覺得要反的，並唔係地產霸權，相反，可能要反的係成個市場，以迫令市場的消費者轉向更低效能的商戶去”關照”佢地。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431