超級通漲(7) - 驚世預言 [完]

伯南克講明，只要物價係控制範圍內，刺激美國經濟的措施將會不停地做。所以，係我地見到inflation係美國仲係咁保守，而印左咁多錢都無乜通漲的情況下，美國佬的無止境QE3，可能會令我地面對可能數年以至十年的通漲。


所以第一層的超級通漲，將會係如我所講的，亞洲受惠的區域，將會有接近雙位數的通漲，直至美國佬經濟有起色為止。當中，為左平衡印出黎的錢對息口同匯率的衝擊，各國都可能要因勢而一齊印錢，避免自己貨幣大幅相值而影響出口，變相減低經濟動力。與此同時，息口亦因游資充裕而無法加息調控通漲，呢段時間應該會見到唔同的政府以行政干預資產的升溫，我預期呢段時間可能會好長，大約係5-10年左右。


其實通漲本身都唔算驚，最驚的永遠係通漲預期，因為當人類對通漲預期升溫，人先爭購資產，資產價格就會大幅上升。過去幾年，或者只係十幾年的超級通漲的appetizer，main course都未到，大家千奇唔好亂賣自住樓。相反，或許你覺得呢家的樓後貴，但如果自住的，都好應該諗下係咪買間lumpsum細小小的去平衡一下，始終如果黎過長時間的升災，呢個災難比起97可能更大，更快的侵蝕你的購買力。


不過話明係超級通漲，如果只係每年8-10%咁样的情況，或許大家係濟後的加人工都可以舒緩一下通漲的壓力。但係，the worst可能係yet to come。還記得我之前已經講過，呢家美國佬QE的錢其實都黎晒亞洲，或者根本無借出去嗎？好啦，呢D錢先係可能未來罪惡的根源。未來QE3仲會不停制造熱錢，當中一定會不停有錢繼續比一D Bank sit住係一d risk free的items入面，又唔借出街。但慢慢如果你相信QE3 / 3.5會係幾年後令經濟好轉，呢個時候呢舊錢就可以變得好狼。


我相信，超級通漲的第二期，將會係由經濟好轉所引發。由於累積的資金每年可能以千億計，由於經濟好轉，Banks 去sit呢d錢的原因就細左，而經濟活動亦可能會轉趨活躍，呢個勢頭我相信係伯南克樂於見到的，所以佢唔會做任何野去阻止萌芽的經濟，亦因為咁，排洪的資金由bank的戶口突然以高速流入社會，熱到爆的經濟又會將借貨需求提高，加速熱錢的money creation，呢個速度的驚人可能係=QE1+QE2+QE3係短6個月至12月期間突然大爆發，到時伯南克想收水亦會如野馬脫彊咁收到收唔切，到時經濟大好景，資產升值亦會跟隨大市大爆升，一年再係高位爆升多30-50%亦係閒事。


可能你會話我係大好友，諗野諗多左。我亦得承認呢個假設非常大膽同前衛，但係我腦裡面出現的係，咁多次向下行的股災，大家都識避識驚，就正如呢家D人見97價，就會好自然唔會咁勇咁去做大個mortgage，自自然然就會避左個Risk。但相反向上行的通漲災難，側係一個黑天鵝事件，無人會估到。不過呢一日的來臨唔會好快，可能係2020年打後，因為就如sub-prime的爆破一样，個市要儲夠一股龐大的動力先可以爆。


今日我講呢個假設，我相信會引黎唔少笑聲，而我自己亦坦承相認係”估估下”。不過好彩我唔係財演，我只係係我的Blog分享一下我的諗法，如果你認為唔會發生的，不防當笑話一則。但如果你認為有可能的，我唔建議你因為我鳩打幾篇文而大舉入市，不過，買自住樓的，無論幾時都係可以買。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431