人生管理學(3)

要管理好人地間公司份工，第二點重要的，係要有一個橫誇各部門的廣闊視野。簡單D講，你唔需要样样都精，但係你样样野都要識D知D。


我比較好彩，係香港的呢個教育制度下，人地只係一係take文商，一定take理科，但我就唔知點解taken左文商理，然後以商科讀A-Level後又入番大學讀理科，所以呢個組合都幾型，起碼個人呢家從做生意的時候，每样野都會識Ｄ又兼顧多D，呢样野唔係人人做到。


我公司的人就係一個好例子，Logistic的經理，就只係從Logistic觀點出發，Finance的經理，只係從Finance觀點出發，佢地唔係好理究竟佢地做的野會唔會影響到個客，亦唔會理你會唔會連單都接唔到，老實講，如果一間公司係比單一觀點出發的人去Run，除非係Sales或者Finance人，否則好大機會死十次都唔掂。


不過作為一個sales人，我亦睇到好多sales對其他部門運作的常識缺乏，簡單D講一般sales為接單都傾向乜都認承，呢样野我好明白，生意嘛，但問題係之後Ｄ流程點走，系統會唔會出亂，Finance會唔會有問題，影唔影響到現金流，對Inventory會唔會造成壓力….etc，佢地有時都唔係太理。不過，始終打開門口做生意，最緊要就係有生意，呢样野，有時都係要向客客屈服。


所以我一直認為你要管理好人地間公司份工，你就要有對於其他部們操作的認識，了解佢地的思維，明白佢地的難處，再利用佢地的強項去做野，亦避免同佢地衝突，成件事就會慢慢一步一步咁越做越順，工作表現自然會好，升職加人工，以及滿足感都會隨之以來。


我明白而家好多80后同90后都好上想位，但耐何經驗同視野都係累積番黎，並唔係話你讀完幾年書就識飛的。如我曾經聽過有個自稱”高層”的人讀完個MBA，就覺得自己好勁，會差唔多可以應該比間公司佢Run咁劑。當然，佢講到自己咁高層，我亦廢事拮佢。畢竟，係好多人眼中，我都只係一個二打六。


不過二打六還二打六，講多少少Background，我公司其實都係曾經Fortune 500入面的the best managed company入面的一份子，我地成個corporate文化都係好美國果D死人micro-management的衰野，當然唔係話我地係最勁，但起碼做到咁上下的人，都應該係top line的management人仕，呢样野我地亦幾自豪。


我曾經同我老細傾計的時候，亦了解到好多80-90后有咩不足。老實講，你家族式去管理的，好多decision可能只係基於有無錢，值唔值，或者你得唔得寵。但鬼佬公司係唔同，人地玩數字玩number，要報上去隨時用黎報係NYSE出年報，好多野係有個Theme。舉個例子，比你楂旗做間公司的CEO，呢家比錢你開新Office，你點样去搵一間Office呢？好多人的考慮咪係夠唔夠大，租定買，幾錢租，幾錢買，總之按budget睇下meet 唔meet到現在的需要囉，再者買個office，升唔升值，第時升幾多，慳幾多租…etc。覺得自己勁的，咪諗埋第時點擴充，預留晒第時第二步的諗法係個腦入面囉。


無錯啊，以上的係一個正常有邏輯的人都會識咁做。但係如果你係一個有CEO vision的人，基本的考慮就當然要諗埋D員工番工近唔近，出貨入貨(如果有）方唔方便，公司image…etc。呢Ｄ野，都只係一個普通料的CEO要識做，可能好多80-90后的人話，屌，我都識啦。不過，最重要的，還是在後頭。


一個痴撚線勁的CEO vision的人，佢個腦係轉得好撚快的。首先，以上的野當然重要，但成間公司盤數一样重要。好多時鬼佬會玩唔同的balance sheet theme，例如會有asset-light的theme，每個decision你都要好快咁轉化成一Ｄ數字去計番究竟應該點做，比如租樓同買樓，你租樓的話rental expensese點出，然後影響到個EBITA相對番你個business size有幾多，以至到你per head count的expenses個indicator會有咩改變，相對番你話買個office，升唔升值呢Ｄ都係其次，因為每年上市公司要賺幾多錢係好死的，你如果因為買office隊左個現金流出去，之後depreciation又因為會計制度隊大左，導至你剛起步的時候，可能用租金的形式會係對balance sheet有利D，呢Ｄ考慮，係好重要的。


所以，管理人地間公司，其實都有好多野學，而學到的野，其實都會幫到你去管理自己間公司，一來收入當然會多左，二來你對人生的睇法就會變得好全面。我自問都係一個叻仔，但有時我不得不配服施永青，先勿論佢係咪一個最好的管理層，但係佢個blog你可以睇到呢個人諗野的思路，很特別，很獨到。


其實呢度同買樓亦好一样，有一個宏觀的視野，你可以睇到成個世界經濟點走，每個持份者的意見，觀點係乜野，邊個同邊個係度角力，政苦又係唔係一样要隊冧樓市去幫一小拙人上車等等。當你能夠平衡到成個世界係點運作，而唔係再從你一個人一廂情願的諗法出發，投資的時候便能更加從心所慾。


記住，你好難去改變一個世界，要贏就好應該順勢而行，洞悉形勢，先係致勝的關鍵。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431