人生管理學(2)

試想想，小學考中學的時候，你會覺得中學生好勁。中學考會考同A-Level，你可能會覺得入左U的好勁。入左U之後，你又會覺得D人畢左業之後搵到份唔知咩大公司的工好勁。到你自己入到大公司搵到份好工之後，你又會覺得你公司可能某某”大RED他”好勁，到你做到大RED他之後，你又會……一路向上望。其實呢個世界好撚古怪，每每當我地望番轉頭，先會知道自己之前幾咁硬膠，亦睇到每段時間的人，有咩野不足之處。


向上望，總是有D野看不清楚；向下望，總是看到人的不足，呢個係一般的人生經歷。不過當然，有D人坐左係上面，係可能完全靠運氣，呢個世界，幸運的人或靠样食飯的人，也好多，所以坐係上面的人，亦唔一定係勁，呢個亦會係你向上爬的時候可能慢慢發現，其實果條友，都無乜咁巴閉姐。


講咁多呢D野，其實管理人生有兩點係好緊要，一就係人係要進步。簡單D講，就好似買樓咁，你坐係間屋入面，得個鳩Up，有意無意間都會自動過濾所有有關買樓的資訊，或者無確切去執行了解點買樓，永遠唔踏出”買”果一步，或者唔踏出去”了解買”果半步，咁咪即係原地踏步囉。做人好撚簡單，不進則退，唔一定講買樓ge，做野都係咁，你唔裝備自己，都算，但如果係公司人地比多D野做你都推，慌死蝕底要做多D野，咁你咪其實又係自己搵自己苯柒。識多Ｄ野，都其實係裝備自己進步的一環。


講到呢样野，又忍唔住要屌下D 80后，我其實好撚憎D人成日話番大陸驚乜驚物，好似要佢去死咁。當然，我都唔係好enjoy番大陸出trip，但問題係呢家大陸的發展快到好似坐火箭咁，而好多人，真係唔想特別label某一類人，但係好多真係中五中七畢業讀唔上的人，仲係停留左係大陸1980-1990年代果種感覺，覺得大陸點衰點衰，好明顯我就睇到佢地有幾咁迫自己做井底之蛙。好大機會，佢地對強國人的印象，就係靠今日的傳媒係上水，廣東道，買樓，雙非等新聞已得知的，當然我作為香港人都有一絲想保護香港的心，但與此同時，太多的香港人，特別係後生的，對於世界發展緊咩事，大陸發展成點，都無自己的一套價值觀，所以就比傳媒洗腦洗到溫溫等，有咩就覺得自己係香港人就天之嬌子，再激Ｄ就上街搞對抗，或者冤鳩個政苦乜柒乜柒，好可悲。


利申一點，我唔係支持定反對大陸同香港的任何野，我只係覺得，你無親身体驗過，又憑咩去judge呢？可能有人會話，屌我有去番大陸揼過骨ga，D大陸人，都係幫我揼骨ga g ma。你可以咁諗ge，不過對於中港兩地做野的我，從好多其他的地方可以話比你知，香港大學生，十年後的水平一定同大陸的持平，你話我話la。我公司已經唔再請香港人，大陸請番黎三五千蚊，已經做到基本野，一萬蚊的，都叫係個manager仔。香港大學生，老實講，係我眼中除左醒DD之外，已經無乜優勢。


咁講咁多又有咩用呢？有ga，認清趨勢你就知道應該點玩。香港的後生越來越不思進取，係明顯的，大陸的國勢上升，係肯定的。所以，香港玩完，係真係遲早的事。敗，唔係敗係我地手，好大機會係敗係90后至00后，果一代人又再受寵愛一點，又不能吃苦一點，人生基本上佢地老豆老母幫佢管理，而幫人管理果份工呢？Sorry，我唔知有幾多人可以成功努力做好一份工。而家香港食的係老本，係上一代打出左個江山，打出左個environment，再加上財富效應，佢地搵完就傳比下一代。


所以如果你諗下，慢慢香港的資源／樓都比一D可能根本唔識自己思考，管理自己人生的人楂旗，相當於呢家你搵條靚仔叫佢做管理一個過百億的基金經理，你認為會點？遲早，咪敗晒副身家。大陸人入侵，係肯定ga la。 溝淡，我亦都寫過。唔想比人溝淡，守住你地D樓，好緊要。守唔住，做叻仔，沽自住樓，十年八年後，夾爆淡倉的人會好慘。（待續）


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431