成績表

之前楂的車，都係比較斯文，直到今年換的車能夠開薘，終於明白我朋友講果種番唔到轉頭的感覺。我喜歡開著薘，在公路上迎著風奔馳，唔係因為我中意晒命，但係我喜歡果種自由自在的感覺，每次咁样楂車的時候，都會令我的腦袋不自覺咁自我檢討。


虛榮心，不得不承認係有一點，但更驅使我一直向前的係，係天生的好勝的感覺。


80后的我出生係一個有好多同輩的環境，唔知係咩原因，自細開始我身邊就特別多同我同年出年的人，對於一部份人黎講呢個係一件好事，因為有好多同期的朋友一齊玩，但對於我，就多左一D side effect。


相信大家都會有過同样的經驗，就係一堆阿爸阿媽走埋一齊，就係中意攞D細路黎比較。我細細過，就係活係要同大約十個唔同的親朋戚友的差唔多年紀的小朋友下長大，果種激烈的競爭真係可以比你透唔過氣。由你未讀書開始，就會同你鬥度高，鬥乖。到你入幼稚園，就會同你鬥學野快唔快上手。入小學，就鬥邊間入得好。可惜的係，我細個生得唔高又孱仔，輸左第一仗。我D親戚又通常比我乖仔，又輸一仗。入小學入唔到好的學校，要我阿媽求個auntie幫手轉入同佢個仔同校，又輸一仗。惡夢亦慢慢蔓延，因為同個auntie的仔同校同級，每年入咩班又有得比較，課外活動又有得比較。當然，我又唔係廢撚到乜鳩都輸，但係我老母係一個都幾令我痛恨的人，我做得好的，睇唔到。我輸的，就盛讚人地個仔。我永遠都係排係人地後面。


還記得同一個同年紀的朋友係中學開始一齊學一個課外活動，由於又係auntie介紹，佢個仔比我早玩半年。開始的時侯，我白紙一張，我朋友做我師兄，我服。但幾年落黎，我明顯已經在我朋友之上，但奈何個師傅由細睇住我朋友大，所以特別關照佢，去到最後係竟然佢能夠升到一個level而我不能，問心，我唔服，所以我唔再繼續學，因為呢個係一個唔公平的遊戲。


中學到會考，我auntie的果個朋友慢慢慢落黎，佢有的係小聰明，但走的路好似開始有Ｄ變化，auntie亦好撚醒，開始唔再搵我黎比。但係，我老母就又開始搵我黎同其他人比。會考，我唔係叻，十四分我都無，中文仲要肥佬，所以你地見我打文都特別多錯別字，仲要用粗口黎加重個語氣，就可以睇到，哈哈。不過托賴我學校亦唔係咩名校，肯原校收番我，都算係一個幸運。


隨住呢種成日都要同人鬥的成長路程，而差唔多每次的judge都係話你輸，而嬴的野又唔會有所謂的長輩賞識，自問我都係一個聰明仔的我，慢慢就會痴撚左線。呢種痴撚左線的心情就會同自己講我唔撚中意輸，亦唔可以再輸，所以，我由細開始都會有一股動力向上爬，好勝心亦係咁样不知不覺間釋放左出黎。


讀書，從來都唔係我中意的野。會考十二分，大家都知我有幾”叻”，而A-Level，都唔係好得去邊，入U都無人收，於是我主動要求出國讀書，浸一浸咸水希望胎胎換骨。苦讀四年，係一間鳩屎的野雞大學總算讀埋個master番黎，人生就開始有左微妙的變化。


以前我阿媽或我auntie攞黎同我鬥的人，慢慢已經停低腳步，好明顯係人生進入社會之前，有一部份的人已經漏閘墮馬。輾轉機緣巧合下，見到強國崛起的大勢，我亦接受左一份係北京station兩年的工作，務求將將自己打好基礎。係北京我一個香港初生之黷面對的問題，客戶的圍剿，公司的政治，亦令我由以為自己好撚勁的死靚仔，經過無數次的撞板之後，慢慢打磨出一份人生的vision，加上外國回流的英語優勢，及係北京強迫性的訓練普通話，三文兩語已經大幅提升。


隨住自己的默默耕耘，工作亦有所進展，收入亦慢慢上升，都真係感謝上天的眷顧，托賴到而家工作上都叫做順利。所以，每每見到呢家D 80 /90后係度冤天冤地冤人地的時候，我都好想話比佢地聽要付出，要努力，先回有收穫。與期上街屌鳩政府，不如接受一下大環境的勢頭，北上去拓展自己的眼光。


三十歲出頭為自己做個總結，對比起28歲的facebook CEO，我只係一粒塵。但今日的我，能夠有多個物業係手，能夠開著開薘車享受著駕駛的快感，能夠打開歺牌都唔係好需要就住就住咁叫餸，雖然未到完全財務自由，但亦已經比同期的人超額完成了許多。


今日的我，好勝心尤在，但係亦多了一份謙卑的心，亦同時多左一份想幫人的使命感。我感恩自己能夠有今日的一切，亦希望能夠將我所見所知的，分享到每一位還在走緊冤枉路的朋友身上。我幻想著將來一班朋友，都可以同我一样開著開薘車自由自在咁，享受美好的每一天。


請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431