工廈改裝出租是否可解困?

首先講句唔撚好意思先，因為呢幾日出緊trip，Ｄ時間唔好咁易控制，希望無Upset到一Ｄ日日黎追我blog的粉絲們。


anyway，呢幾日係我唔係香港的時候就有幾單大野搞左出黎，而其中一單就當然係林鄭話容許改變工廈用途出租比人，以解呢家燃眉之急的貴租金啦。我相信好多唔同的Blog都有講過呢件事，但再糾正一點的係，呢件事要統一成幢工廈的業權，先有撚得玩。如果你係只有一個工廈單位的，Sorry，呢件事係唔撚關你事。


初時我聽到呢單野心諗，仆街啦，真係可能會拉低個租金ga喎，不當見到係成幢業權的工廈，我就唔撚驚鳥。首先，我相信所釋放出黎的樓面好有限，主要原因係大部份的工廈的位置都唔係話好理想。港島區的工廈就集中係香港仔同柴灣一帶，九龍就由觀塘殺到去九龍灣新蒲岗，另一邊就係由大角咀到太子，再由長沙灣荔枝角一帶為主。而新界比較多，所以我只會講由葵青一帶到荃灣邊皮，元朗同屯門，粉嶺同沙頭角等等。呢D區你聽落去，真係比較方便的就係九龍果堆。荃灣／葵涌／元朗／屯門搞呢Ｄ工廈改建，我諗都唔係有太大的吸引力。當然你話完全無就唔係，但係個市場就可能會窄Ｄ。


點解呢？其實老實講住得盪房板間房的人，一係就貪方便，一係就經濟能力差。經濟能力差的，你想收貴Ｄ，佢都比唔起啦，咁作為業主的可以點样係佢地身上搾多Ｄ錢呢？裝修靚Ｄ？服務好Ｄ？ＳＯＲＲＹ，係無可能，因為佢地都無錢。但係政府又玩鳩你一定要符合Ｄ防火條例先租得比佢地，通常呢Ｄ都一定又要駁下喉搞下牆，用晒Ｄ防火物料，咁搞，你估有無人願意駛錢去target呢班人呢？睇黎唔撚會。


好啦，咁得番落黎的客仔就係稍為有錢小小，可以比多三四千蚊的盪房客，佢地一般可能係後生仔女要貪方便又想獨立。呢Ｄ友仔最緊要係住得係夠近市區一齊去乜都有。要附合呢個條件，我諗大角咀同旺角太子呢度Ｄ工廈都OK，其他個market就會細好多啦。咁即係話如果有人可能掟Ｄ錢出黎整靚大角咀旺角太子區的工廈，可能租房出黎5000-7000一間都會有人租ge，而如果你係元朗屯門咁搞，一係就叫價得番3000-4000蚊，一係就唔夠人租，即係得個搞啦。旺角太子大角咀，有幾撚多幢野係一個大業主啊？真係可能十隻手指數撚晒。


成件事個問題係本身工廈target果班客都係Ｄ盪房板間房的人，有錢小小好人好姐，都寧願租個太子深水埗單幢單位，好過住工廈啦。基於呢個咁样的情況下，我深信唔會有好多人有興趣駛錢去翻新個工廈租比人囉。反而乜都唔搞可能都租得唔錯。一個唔覺意比領匯收黎做商場，回報就一定比租比人住黎到快靚正啦。


所以我預期呢件事可能都係得政府推，但響應的商人側會好有限，又係得個搞。