嘗試打倒昨日的我

自從寫呢個blog開始,大家都知道我係一個樓市的大好友,到呢一刻我都無變。所以,有好多撚样可能會話我打咁撚多都晒鳩氣啦,你篇篇文都係唱好樓市ga姐,講黎講去都係果d野,主觀願望帶出主觀文章,邊撚度會睇到樓市下滑的觀點啊,屌!故此,我嘗試下隨樓市會下跌的角度睇下有D咩理據,反思一下係唔撚係目己有D咩盲點睇唔撚到的。


由我係討論區的觀察所得,作為一個樓市淡友,最受普邏大眾所接納的理據有:


1. 環球經濟唔穏定,隨時又爆鳩個大穫,唔知幾時全球災難式下跌。
2. 通漲預期升溫,加息勢在必行。
3. 樓價已經見頂,因為樓價已經由03年低位升左唔知幾撚多倍,亦已經超越97歷史高位,即係等於已見頂。
4. 大陸資金唔會無限期落黎,D水一收就會抽乾香港的資金。
5. CY上場政府會出招打壓樓市。
6. 供應的增加將會令樓市下跌。
7. 樓價已經脫離基本因素,亦已經脫離市民的可負擔水平。


唔係講笑,我本來想諗十個Points但其實諗到第7個我已經好撚頭痛,真係諗唔到落去,所以如果有C兄見到一D大眾會講引致樓市下跌的原因,請提一提番我等我去加番上黎。


不過係呢一篇我係想寫黎比淡友睇的,故此我唔打算逐個點去反駁,因為我相信睇得我個blog的都大概知道每一點係點样係現今社會點样會被淡化。相反,我的唯一問題係就當上述的原因成立,咁樓市要下跌幾多呢?呢個先係一個好問題。


有好多post打出黎都話樓市要下跌,ok無問題,咁但係預計跌幾多先夠呢?係唔係等同於D人打句gogogo一样,其實都係無一個硬指標的呢?講真,如果我呢家比任何一個指標出黎而又無數據支持,或無分析去解釋,其實都係一個鳩up的數字。所以,我就先用一個X%黎代入各位讀者的主觀下跌空間吧。


好啦,咁假設會跌X%的時候,我又會想問唔知你又準備好入市未呢?如果你係話個樓市係無論跌到幾錢,就算係一蚊一層樓你都唔會買樓的話,咁我諗我地就唔會有討論的空間,因為你會認為就算樓係值一蚊,你都只會用5仙去租一層樓,又或者同屋企人住,咁買樓呢個topic根本就無需要出現係你的人生。


而如果對於其他會係下跌的時候入市的人,我唔知你地個X%係幾撚多,但我就好懷疑如果呢家未來真係跌X%的時候,有幾多人會真係已經準備好可以即時入市。而如果你話你係原來未準備好的,咁我又真係好想問下其實連個社會都欠左你而為你下跌的時候,點解又會未準備好呢?而又假設好撚多人都已經準備好時,咁其實下跌的空間有幾多呢?會唔會人地係更早的時候已經入左市,導致你的X%唔會出現呢?


其實篇文去到呢個位又突然變番小小好友的味道。既然係咁,就等我用一個我最擔心的真正可以令樓市下跌的原因黎結尾啦。上面果堆風險我一D都無撚經過,反而因為美國同歐洲不停的印銀紙,導致超級通漲的黎臨,而大前題當然樓市同所有其他產品都要再大升啦,但去到一個位係大家無人再信錢的時候,問題就會出現。如D中東佬唔再比美國佬用美金去結算石油,咁石油就無辦法輸到世界每一個角落,到時所有交通都會停頓,而隨之而黎就係糧食無辦法去到你屋企樓下的街市,7仔,社會唔出幾日就會有因糧食荒而恐慌,繼而就會係搶掠同文明社會係幾日就會消失,再之後的就會係各國開始為石油呢D戰略資源打仗…..或許之後就係世界未日。


呢個就係我一直都驚緊的人類走向滅亡的最淡的原因。如果你夠我咁淡的,咁我亦可以講一句大家都唔好咁辛苦去計較樓價升跌啦,反正買買賣賣,到最後大家都只係死路一條。

留言

此網誌的熱門文章

被退休的CEO

DSE題三: 專精一事還是多元人生

大圍車位的潛力