成績表後記

屌拿星,星期五起身喉嚨已經痛痛地,星期五六係咁啪幸福傷風素(唔係植入廣告),呢家個人先精神番小小,懶左幾日真係唔好意思。


呢個成績表其實只係我自己的一小小總結,見到大家都有D留言同討論,我亦係度一次過回晒比大家,唔再逐一回應啦。


其實我見到有位網友話如果我屋企無錢比我出外國讀書的話,條路會唔會唔一样。我可以好清楚咁答你,條路的確未必一样,但係我仍堅信只要你有能力,有鬥心的話,還是可以行其他路的。正所謂條條大路通羅馬,只要你認定羅馬係目標,就一定會到達,問題只係時間或許行多左冤枉路姐。


學Janet話頭,人生的確有好多唔同的如果—-如果我會考果時病左,如果我唔好彩有咩意外,如果我老豆係李+X,如果我行行下街執到十億,如果我遇上一個濕滑的司機,同埋遇上一條粗心大意的公路,任何一個如果都可以影響我一生,所以如果其實可以好有意義,亦同時可以係豪無意義的。


像我所說,其實我覺得每個人的成就多多少少都會唔同,如果我老豆係李+X,我相信我可以做的野係好多,但同時我亦可以係一個好廢的富二代。所以,你的成就可以係幾多係limit左響一個range入面。一個普通人,較好的情況可能係你打工一路上一路上到去做到d director / CEO / President grade,同時投資又相對有利,雖然唔係李+x,但都已經有一個非常好的standard。相反有D人認定自己係咁的了,不思進取,可能就會輪於一世就咁打份工,準時出糧又一天咁,咁就一世。同一個人,成就的高低同性格,運情或際遇都好有關係,不過運程同際遇無得控制,所以我地能夠努力的就係控制自己性格了。


像買樓投資一样,就算強如巴菲特都無可能一個人影響全球的經濟,所以就佢買樓都要睇運程同際遇。當然,入得黎睇我呢個Blog都知道要買樓,無理由明知計數上蝕底都仲去租樓的,所以,我建議大家要控制自己性格,令自己有機會有個將來,不過又係果句,運程,際遇,就唔係你我能夠控制,真係好衰唔衰,你一買即插七成的,咁就算做岩事,個天都要你亡我都無計。


性格,永遠係人生最大的敵人,琴日我同友人講起買樓,我的朋友的唯一答案,就係一句”我真係無咁有能力去買”,然後成個topic就完結。學窮爸爸富爸爸講,正確的思想係要諗下”我點先有能力去買”。其實或許如果佢能夠放低身段去問下人,或許就可以了解更多,一生人的人生就突然會改變。而另一個朋友,亦係另一個場合同我講佢比業主收樓迫遷,我同佢講要盡快買樓或搵樓租,呢家連租樓都好旺,但佢一聲就係話乜真係好旺咩,佢無乜留意,係我的角度,就顯得好有問題。租樓定買樓,你選擇租樓也不緊要,但係如果連個市係點都無概念,呢個咁切身的住屋問題,感覺就好似任人魚肉都唔知咁,真係好恐怖。


性格決定命運,人越大就越易睇到。


請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431

留言

  1. 有朋友食飯會諗過度過限制用幾錢, 但動用50萬認購新股就諗都唔多諗, 講到買樓, 由2006講到2014, 都係太貴, 人各有"志"

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力