超級通漲(4) - Money Creation

有網友提出印銀紙的成本可能高於印報紙，令我發現原來大家未必完全了解呢個世界係點样”制造”錢出黎，所以特別加多篇係專講點”制造錢”。


近呢幾年，我地現代社會出現過兩個地區有匪夷所思的痴鳩線通漲，一個地方係叫做北韓，另一個地方就係叫津巴布韋。以下係我節錄自wiki關於津巴布韋的通漲：


在2008年5月5日，津巴布韋儲備銀行發行的鈔票的價值1億元和2.5億元，10天后，新的無記名支票，價值5億元（當時約等於2.5美元）印發。5天后，一個新系列的筆記形式的“農支票”的發行面值50億元，250億元，500億元和1000億元（7月21日）。津巴布韋5月份的通貨膨脹率已上升到2,200,000％。官方數字公佈的6月份的通貨膨脹率估計超過11,200,000%。至2008年12月，津巴布韋政府發行100兆面額的新鈔，但實質上僅值25美元。


原文：
http://zh.wikipedia.org/wiki/%E6%81%B6%E6%80%A7%E9%80%9A%E8%B4%A7%E8%86%A8%E8%83%80#.E6.83.A1.E6.80.A7.E9.80.9A.E8.84.B9.E5.AE.9A.E7.BE.A9


呢個痴撚線的國家係用真係”印錢”出黎而制造通漲，而個通漲大撚到係用幾千幾萬倍黎埋單，之前睇過唔記得係毒萍的新聞，話朝早用一袋銀紙買面包，下午就要幾袋，如果香港出現呢種情況，真係唔知值唔值得開心，不過我相信我D mortgage可能幾日內就可以搞掂還清，呢下真係爽JJ，但相信政局一定好唔穏定。


但問題係咁瘋狂的通漲係咪就係我地一直所講的超級通漲呢？我相信應該唔係，主要原因係津巴布韋係一個好細的經濟体系。我相信佢咁样印錢法，當地的貨幣供應量應該大過佢成個經濟体係唔知幾鳩多倍，因此引發咁龐大的通漲。相反，成個世界的經濟深度以及闊度都比津巴布韋黎得大，哪怕呢家QE1,2,3，加埋歐洲英國日本同大陸都量化寬鬆，要引發一個咁恐怖的通漲亦唔係一件易事。


不過點都好，今時今日世界的超級強國印錢其實真係唔需要再print出黎，當我地明白美國如何增加供應的時候，就知道點解。首先聯儲局假設呢家推行QE，佢地的動作實情係叫做透過一個open market operation (公開市場機制)。呢件事個名對於唔熟悉金融的人可能覺得好撚大件事，但其實實情好撚簡單，主要就係聯儲局係bond market賣出債卷，然後再將賣出的錢debit入去銀行体系。而實際上買家都係聯儲局，而所提供的款項就係靠利用IOU，咩叫IOU?即係I owe you，我欠你錢。咁又即係乜，即係聯儲局係佢的數薄加一項債務，然後買入Bond，再將D錢存入銀行，而成件事其實都係同你係網上銀行將d錢轉黎轉去一样，係唔需要印錢出黎交收，D錢就係以數字型式出現係銀行体系入面，增加流動性。


去到呢度，我地又可以套用番多少econ的書本野黎用。大家讀過econ的都知道有money creation呢件事，即係話呢當銀行有100蚊的話，法例可能要佢keep 10%作為存款準備（亦即係大陸成日話咩上調下調個存款準備金，英文就叫做RRR - Required Reserve Ratio)，咁銀行需要keep 10蚊，可借出90蚊。如果借出去個90蚊，條友仔又存番入黎銀行，咁銀行就又可以keep 9元，借出81元，呢個輪迴不停咁轉的話，最多我地就可以係銀行体系制造100 x 1/RRR = 100 x 1/10% = 100 x 10 = 1000大元。


所以作為聯儲局局長，考功夫的就係呢度。以上1000大元係最理想最perfect的scenario，但實際上大家都知係唔可能，因為有錢借唔到出去，或者有人楂左現金，條數就唔會發到咁大。因此，100元注入左銀行体系，佢可能變左800元，可能變左300元，可能係100元(無借過出街，比銀行坐左係度做back up)，所以你話QE1,2,3有幾勁，其實都要睇埋D經濟活動。


請去like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431