一個繁忙的週未 -- 樓市高Go高

首先同追開個Blog的粉絲們講聲唔撚好意思先，因為呢幾日我都無出文章，相信有唔少粗口爛舌的讀者一定好唔撚習慣ga la。


呢個週未去左個短線的旅行，主要係因為小島怡情同埋我不一样的生活理念，所以想去D小島度遊歷一下。去左邊度就唔撚講啦，但係我發現原來坐船真係會坐到個人發蚊憎，所以我諗如果要住呢D小島真係唔係咁易，可能要選擇番D大島，如南亞鳥／長洲／坪洲。不過其實去到呢Ｄ小島我都會諗究竟其實如果我想住果度應該點安排，畢竟Ｄ小島得果一百幾十人，又無地產鋪，真係唔知點買，是否搵村長定係點，有相關信息的人不防教下我野。


Anyway，今個禮拜忙主要的原因係由星期六晚開始。話說係一輪足球的激戰後，打番開個電話見到有成8個missed calls，一覆之下原來有個agent搵到個客番黎，話對我間屋有興趣，而且個價好近，所以就打黎問我收唔收票。但由於我覆得黎都成十點幾啦，而第二日就去撚左個島，所以要到第二日先再決定。但臨收線時as一個業主，我點撚样都應該係人地還個價上面又還番一口價比人，畢竟cheap cheap的我就算還幾千蚊都係錢，一句野就幾千蚊，都值得講啦，而我當然唔係還幾千啦，中國人，還多個二萬八千比佢，發發地大家好聽Ｄ嘛。


如是姐到第二日去完個仆街島，晒撚到燶左的我就開始call番AA，而AA話幫我收左票，買家再還我一口價，係比以前佢開的多兩萬，即係少過我還比佢的8000蚊，算啦，我都唔係一個計較的人，而且呢口價應該都係破屋苑的分層成交價，於是我就開車出發去攞票，亦將我的物業數量變番做 4間。


你地可能會留言問我賣左邊度成左咩價。不過我希望可以保持私隠，所以我以後講自己野就會少D線索，始終我又唔係係度晒身家，又唔係要做Ｄ乜撚野，我唔希望到時有人聽完之後係度同我計我點样一間兩間三間搞呢样野样，所以我係故意留下一Ｄ地方唔講，等一Ｄ無聊的人唔會有機會去計我身家。畢竟，我搵幾錢賺幾多，都係私隠，我亦唔想太高調去分享，就正如我諗你自己每月搵幾錢都唔會係條街大嗌一撚样，大家明ga la。


好啦，到夜晚收左張票暖笠笠，作為買過好多次樓的收租公門一定會有一個共通點，就係你會即刻睇下個market有無荀野買。而我由於賣出的係一層中下價樓，所以番黎資金又唔撚係太多，而我賣樓的目標亦係為減債，所以如果再買我亦係只希望係200萬左右的樓，以控制我自己的資金。呢次賣樓再買樓的話，我的債務亦會大幅減少約莫二百萬，都算係一個幾好的選擇。


如是姐，八掛的我又再出動搜括最後的200萬樓下的樓，而呢家發現原來同兩個月前已經有天壤之別。首先，我的目標係唔會元朗屯門，主要因為我認為升得太急，相對有Ｄ九龍樓會仲落後，畢竟我都係一個收租佬，租金回報就最撚緊要。於是，我就short list左幾個大的要點：


1. 荃灣中心／荃景圍果頭
2. 金獅花園／河畔及沙田一帶
3. 長沙灣／深水埗一帶舊樓


而經過一日的電話溝通，荃灣中心果頭二百萬樓下已經差唔多收皮。可能仲有Ｄ一樓的柒單位勉強叫做有200萬樓下，其他正常的單位lumpsum都220起，（未講價）。而沙田大圍亦升得好癲，沙田中心果圈睇，沙田同好運唔駛諗，希爾頓都無近二百la，河畔同金獅都升到發癲，最平可能要210起，而且要睇樓都難，不過呢區勝在已經出左名係交換生住宅區，租金回報未來幾年都會上升。


而到最後長沙灣同深水埗一帶，呢區我見仲有好多一百到尾的樓，但可惜一係就連租約，有間我幾岩的就又有order，而最麻煩係又無租約，隨時一間可能係麻煩野，買左得個煩，而其他的洋樓一係就靜到仆街唔知隔黎住Ｄ咩柒人，一係就雜到仆街，價錢長期低水都係有佢的原因。


而家只係一個過程，但我睇到的現實有兩個情況:


1. 二百萬樓下的野，真係個別一兩個都幾乎無晒。
2. SSD真係好變態，幾千單位的上述區域，大部份都無撚晒盤，有的都叫到鬼撚咁高價錢，需求剛勁但盤源縮到暈，SSD真係係谷樓上升的源頭。


但當我係度都覺得貴未必想追價的時候，係思緒後嚇然發現一個碟頭飯 + 凍檸茶竟然係50蚊，真的要反思樓價是太貴，還是銀紙真的太平。


請Like我的facebook專頁:http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431