我FACEBOOK上的朋友

偶然打開FACEBOOK，都會留意到有幾個已係中女／盛女的單身朋友share佢地又去邊撚到食好野，或者Party於老蘭的照片。


因為佢地係我的朋友，我先聲明我係尊重佢地的生活模式。畢竟，我也寫過不一样的生活，有人揀住係寧靜的偏遠地方，有人揀晚晚喜愛夜蒲，無乜所謂。


但作為香港的一份子，我真係好向左走向右走地驚呢班人究撚竟有無為自己打算過。講真，一個人當你呢家長命Ｄ有一百歲命，頭廿年你屋企人養你，之后八十年，你要負責自己養自己之餘，又要養老豆老母老婆仔仔女女，當然如果你只係揀自己一個人到老的話，會慳左好多，但係計一計數，減去頭廿年係唔關你自己事，中間你有大約40年時間，去搵成個人生80年的錢。好話唔好聽，計錯數的話，晚年會好撚淒涼（唔係咒任何人，但事實好殘酷）。


前幾日睇新聞透視，當中提及老人家退休的生活。當中有個故事係講一對退休８年的夫婦，個老婆患左病，一筆龐大的醫藥費突然而黎，醫好個病可能都清左佢地一大部份的袋。講真，去到六七十歲的時候，想番轉頭就難GA LA。因此，作好退休準備，一般人係要用時間去累積，所以歲月輕狂，揮霍渡日的日子，唔係唔可以有，不過，真係要量入為出，如果到四十歲都仲係月月清的話，我真係好撚擔心。


你可能又會問，人地洗錢關鳩你事咩，又點解好撚擔心？你講得好撚岩，呢家真係唔關鳩我事，而且佢地促進經濟，其實都係社會的棟樑。但問題係香港的人口紅利大家都知已經到逹頂峰，亦即係人口老化的問題將會好撚嚴重。到我地呢一代開始退休的時候，我深信有好撚多人係根本計錯數無準備好，如果只係靠MPF就死撚得人多。所以，香港政苦的負擔可能會不勝負荷，到時成個經濟就會被拖垮。


你又可能會話，拖垮左我都幾廿歲啦，關我撚事咩？


咁就唔係咁講，拖垮左個經濟，我地呢Ｄ可能靠食租養老的人就好撚麻煩，一間D人玩燒炭玩租霸，或者D大家退休的朋友無錢醫病死撚左係我度變兇宅，真係咩可能都有，到我幾廿歲，我真係無咁好精力同Ｄ租客鬥智鬥力GA LA。你話我涼薄我又唔認同，因為我都好希望Ｄ朋友可以健健康康咁一齊退休嘆世界，而唔係我係度high tea的時候你要去排隊等睇下政苦有無錢比綜緩你，然後下午再去排隊睇街症囉。


朋友啊朋友，如果你真係未諗過退休計劃的，請盡早計劃一下。樓市永遠係最好的投資退休工具，但風高浪急，你唔好搞到50-60歲先開始玩，風險的野，就等你後生有時間的時候，用時間去分攤風險吧。