CYSSD

如果唔係買開樓的人，上面呢個題目可能會以為係一個亂碼，以為我打撚錯字。開宗明義，CYSSD分別係代表兩样野，一样係我地的特首CY，另一個就係SSD，咁就易明好多。今日想講的主要係睇下用＂假如我係CY的話＂，我將會點睇樓市，又會點對待SSD。


作為新一任的特首，佢最主要最主要的目的現階段黎講並唔係為你同我做番D野，亦唔係去做D乜撚样搞好經濟或者同阿爺搞好關係，當然呢D野都要做，但主要的目的，就係”唔好比人拉下馬”，唔係講乜識飛都無用。為左達到呢個唔比人拉下馬的目的，係處理問題上，如果我係佢就盡量低調同埋唔同人硬拼，等時機成熟，站穩陣腳，先會露出真正的孤里尾巴。因此，可以預期佢上任初期一定對一Ｄ問題會處理非常謹慎，而房屋問題就當然係關鍵。


係今日呢個咁撚現實的香港，大家都為層樓仆心仆命，所以房屋問題處理得好的話，將會贏盡民心，亦可號令天下。但一旦處理唔好的，幾十萬人會上街輪住問侯佢老媽，亦好大機會係咁弱勢的政府下甘生扯佢落馬，董伯伯已經係一個好例子，所以如果我係CY，我就點都要放自己係一個好安全的位處理房屋問題。點先叫做安全的位處理問題呢？好簡單，就係有咩事我都可以賴人，唔係比人賴鳩我。無事的，就好地地，大家都唔會屌。有事的，就推落人地度，一句關鳩我事就推得一干二淨，咁就係高手啦。


為左達到輸打贏要的理想目的，首先如果我係CY就要出個政策係照顧到每一個香港市民。呢件事都唔係咁易，因為一般出任何政策都係要劃一條線。如出綜援就係要將有收入同無收入的人分開，出居屋就要將有資格同無資格的人分開，而出青年宿舍就係將青年同老年分開咁撚样，總之你一出政策就差唔多係要劃一條線，而一般或一條線就一定會優惠到一D人時，又會得失另一D人。因此，作為CY本身其實好撚難去一刀切的處理房屋問題。


而房屋市場如果要劃條線亦好難，因為本身個市場有好多種切法。有錢的／中產的／窮人的可切；有樓的／無樓的可切；本地的／外來的可切；投資的／自住的可切….種種唔同的切法都會有機會令有D人雙重受惠或雙層打擊。而呢隻狼，佢當然亦唔係一個傻仔，間單Ｄ講最直接最明顯可分切的方法，一定係現有既得利益者同未有利益者的切法。因為往往你要搞一D既有利益者，都會有重大的阻力，就如新界丁權之類的問題，你一搞，D人就搞大件事，好話唔好聽，少多火頭少隻鑊，要保住個王座就千奇唔好係太歲頭上動土。


因此，如果我係CY，我一定唔會搞你班業主。點解？好簡單，未買樓的而又有迫切需求的，我諗唔會超過十萬人。但有樓者，或同居於你老豆老母屋企人的人口，無三百萬都有二百萬ga la （私樓+居屋）。如果幾年後一人一票選特首，我老蟹都要你呢幾百萬人的票，好過果十萬人的票la。


但問題係我做得特首，你叫我乜撚都唔做，一間又話我無政積ga la。所以睇下現狀，竟然前朝政苦有條遺留落黎的政策叫SSD。SSD係咩大家都知我亦探討過，一言以敝之，佢有兩個主要功能 ——- 1. 打擊炒家；2.　導致盤源極短缺樓價上升。我深信CY係絕對睇到呢兩點的，而打擊炒家係政治上非常正確，出黎同報紙講野都會大聲D，為左要爭取選票同支持，打擊炒家就絕唔手軟ga la。而樓價上升呢part，我唔估佢有無私人原因啦，但如果堅係上升起碼有幾百萬人會開心啊屌，呢件亦未嘗唔係一件好事。


淡淡睇到呢度就好撚大機會話，喂屌你樓價升得咁急一間一爆咪好撚大穫，輸撚死你班仆街啊因住。係經濟角度上的確有咁的可能，但今日我地係一個政治角度去睇呢件事，所以要從政治角度去考慮，咁即係點撚样啊？好簡單，SSD，得兩個選擇 —- 1. 繼續搞；2. 唔撚要SSD，搞其他野。


好啦，繼續搞的話，係政治層面上我嬴盡道德高地，打撚死你班炒家不知幾好，如果樓市冧的就係上手政府造成，又或者係環球經濟點撚样，總之，可以收到輸打贏要的目的。


如果唔撚繼續SSD，咁又點撚样？好啦，如果比人話你放生炒家，有人開始模貨，政治上唔正確，唔理樓價走勢，實比人啫暈。如果樓價再升，咁CY就係始作俑者。好啦，如果搞其他人出黎個市大跌就仲PK，CY將會同全港幾百萬人為敵，中途比人拉下馬的機會高槍入雲啦。所以從政治的取捨出發，如果取消SSD，市升，我又比人屌屎忽，市跌，我老母同我一齊比人屌屎忽，無論點做都係錯，你估我會唔會同你癲去攞我特首的政治生涯同你去摶啊啦。


所以大家可以預期，SSD好大機會會繼續，CY可能中間會出D招去慢慢指出SSD應該見到咩指標就會可以考慮解除，不過如果我係佢就會叫阿財神同林鄭出黎幫SSD減壓，而我作為CY的話，當然只係會負責公佈D政治正確的野，包括係搵到幾多地啊，起咩青年宿舍啊，起居屋啊….等等。總之，輸打亦要羸要。


作為投資者的你，真係要考慮下買多間細價樓，因為樓價將會繼續比SSD綁架，可能真係高處未算高。


請去like我facebook專頁: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431