房策政治心態

政治其實就係一種無形的角力手碗，大家係番工的時候應該會好明白，有時比人放下你冷箭，有時你遇著個老細好仕途一帆風順，都係一D政治的學問。今日要講的係同上一篇有關的，主要係調控樓價的政治，而要講呢样野就走唔甩一定要講下而家香港社會的市況，先可以了解CY政府的政治智慧有幾”高”。


政府官員最希望見到的，當然係每年有一個克制的升幅，我假設係每年2-5%的樓價上升，年年如是，係咁样的情況底下就人人有錢賺，風險又相對較低。不過，今時今日無論你認唔認同樓市仲有無得升，香港的樓價升左好撚多呢個係無用置疑的事實，所以好撚多人認為政府有責任去平穏樓市，以令香港的經濟平穏發展，唔好吹大個泡沬然後拮爆佢，搞到好撚多人負資產同失業。


而”好撚多人”呢四隻字其實入面主要包含左兩類人，一類就係無樓而想買樓的人，當中有一部份又可能係沽左自住樓的向下炒仆街。而另一類人就係有樓的人，其地又包含左一部份想買多間收租的投資者，同埋一部份係真心希望樓市健康發展的人仕。所以呢個好撚多人呢四隻字其實亦代表左中間佢地之間的區別，以致有唔同的期望。


對於未上車的一堆人，當然希望政府推出政策壓低樓市，再補貼或幫佢地上車，然後只要佢由上車果一刻開始計，後面未上車的人就唔再重要，佢會希望政府全速前進去刺激樓市，之前講政府點撚應該幫佢地果D說話都會唔撚記得晒，突然一夜間會變左大好友，而佢地亦只會同後面排隊未上車的人講聲”唔撚好意思”。所以對佢地呢幫人黎講，壓低樓價並無一個指標，總之佢地上到車，就唔需要壓樓價。


而對於沽左自住樓果D人一般都係手持大量現金，佢地相對比上面果堆人有實力，不過佢地等同於買左個put warrant，隨住時間值的逝去，手上的資金就會相對越黎越少。呢D人，其實居屋／公屋又唔到佢，佢地只能希望係樓價上向下跌，咁就中間食一筆，個人而言我唔係好明點解要幫呢班有實力買樓但選擇唔買的人。不過政策一落黎，佢地受惠我都無辦法，但相反，佢要蝕的我覺得政就應該講明呢班人唔係政府要支持的人。


而收租佬同真心希望樓市穏健的人都好類似，佢地無燃眉之急要買樓，亦唔需要更唔想個樓市大跌，所以政府係呢方面無乜壓力，只需要稍為冷卻下熾熱的樓市就搞撚掂。


好啦，講左咁多野我想UP乜撚呢？其實好簡單，如果你睇番上面呢四類人，佢地都有個表面期望係想樓市跌，所以作為政府要攞民望就應該出黎滿足佢地的意願。不過耐何上面四種人除左沽自住樓果班之外，其實樓市跌跟本就無人受惠，反而可能到時要執手尾，故此，係市民呢種咁撚反覆的表面要跌實情要升的心態下，政府又唔撚可以落重藥，所以CY就唯有出果十招咩中線短線去調控樓市，但效果係點其實都可以預期，因為我可以用”底牌已露”黎形容。


入正題，我地玩show hand玩texas poker，其實就係同政治一样玩緊心理戰，原因係大家都唔知大家底牌係咩，所以只能從心理上你估我我估你。情況就好似呢家市民同政府一样，你估下佢佢估下我點咁。市民一值期望政府要做D野，但又唔知佢會做乜所以有D人又唔敢亂黎，相反政府又要估下市民要乜，但又只可以講Ｄ野黎試下大家捉下心理，尤其是係CY政府新上場都未出招，所以都係好大成份係估估下。


好啦，到左呢家CY開左幅牌黎睇佢的中短線政策，簡單Ｄ講呢D action points會唔會大幅增加供應呢?唔撚會囉!　咁你呢度推幾百果度推一千，加埋佢果中短線的政策，到落成得黎，我諗未來呢兩三四年靠佢果D招都唔會超過20000個單位，每年除番都係幾千個，杯水車薪就得。


而我想再特別提出一點關於呢塊底牌就係政府已經無乜計，所以要推出36塊GIC地係市區插針起樓，呢幾十塊地起完，講真政府手上的市區地就等於可能無晒咁劑。如果你有炒過股的話，幻想一下你想炒起一隻股，你最驚的係你唔知自己錢多，定係人地貨多，所以買的時候都係一場仗。但如果呢家你知道個大股東沽埋手頭上果D貨，佢就唔會再有貨出，你計得岩條數食得晒佢D貨的話，食完你就可以肆意強姦呢隻股，你估你見到呢一張底牌的時候會唔會開定香檳慶祝？


玩政治最忌就係比人知道底牌，因為底牌比人知道就已經無得玩。呢家CY差唔多打開個櫃桶比你睇晒政府挍埋櫃桶底Ｄ地，都係得果萬零兩萬個市區單位，未來幾年政府想增加供應就更加唔駛諗。大家仲想等跌市的，好自為之，因為你要等一個比金融風暴更大而又只會係香港或亞洲造成破壞的黑天鴒先會有樓跌的一日，如果你等緊另一個歐美的金融災難，我只可以同你講樓市只會更加火上加油。


請去like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431