極速成交

琴晚個心”羅羅亂”，一再感慨細價樓已經從此不再的時候，感覺自己趕唔上尾班車，就有Ｄ唔撚順氣。


其實琴晚己經放低左張cheque比大圍的AA幫我試其中一個盤，我人都係佢地鋪頭，但耐何都未有機會搵到業主，我就唯有繼續自己食自己。番到屋企硬膠膠咁，就打開個28hse係撚咁係度搵盤。我敢講句，28hse上面的100-200萬盤，唔計村屋，我差唔多都打開過黎睇。仲記得有D師兄問我點搵平盤，我可以話比你聽你要好撚得閒去上網搵，又要打去同D agent吹水，先會有機會食到好野。


但經典的是我琴晚諗緊如果大圍沙田真係收鳩皮，咁我仲可以去邊買200萬左右的樓呢。一個一個地方咁睇，又沿住東鉄／西鉄一個一個站咁搵，終於比我發現左一個盤係我覺得好有前景又合理的。而由於我有朋友正準備投身AA界，我一直都係一個支持新人的粉絲，所以我就係我個朋友的facebook講聲我會睇佢果區的樓。點知搞笑的係，係同一時間佢家姐幫佢睇左個facebook msg，又咁撚岩佢家姐又係果區的AA，而最撚岩就係佢睇我個msg就係岩岩接到個業主放盤。


係咁撚岩的情況下，我唯有中午食都唔飯走去搵佢睇下樓啦，一睇….嘩都殘殘的裝喎，咁我就照開個價啦。當然出黎之前我睇過下個估價同埋成交，呢個呎碼呢個呎數可能要210-218左右，咁我呢D想慳厘印的人當然開個200萬樓下的價啦。由於中午放飯時間關係，我諗住如果平的我咪入囉，唔平的我搞黎都無意思。於是，我放低張票同佢講200樓下我會買就走左。


過左大約兩粒鐘，突然做緊野的時候電話一響，個價去到200頭，我計一計數，噫都好OK喎，反正都低市價小小，算啦，一於照go，好過自己晒時間。就咁，係兩三粒鐘內就搞掂左間屋，都咪話唔快。


可能你地會問間屋係邊度，幾錢做，乜乜勿勿，但我亦係故意唔講，始絡只係落左訂，一間有Ｄ咩事人定撻皮就唔好啦。不過老實講，間屋係殘裝，我諗都要加番幾皮野上去執執走唔甩。


點都好，唔係話我買左就唱Go Go Go，但係大家真係如果有閒錢，不防去睇下細價盤，呢家真係盲搶樓，可能200萬樓下細價盤唔會再係未來出現。