樓市今日睇

有追開我個blog的都知我呢期搵緊樓。今日我發晒風比幾個熱門的200萬左右的屋苑，包括荃灣，大圍，牛頭角以及長沙灣，講明睇岩有票，睇下有D咩荀盤。


對於之前呢幾個仲可能有200萬樓下的屋苑黎講，今時今日基本上可以同200萬樓下的樓say good bye。長沙灣就仲有D單支細碼盤可見200樓下，但老實講都幾買唔落手果D。如是者唯有逐D放寬小小200萬的筆直，但係呢家就算220萬都無乜野買。


有九龍東的C兄係香討講得寶有殘裝311呎叫200頭，但幾經查證呢家得寶都要220起碼，仲要佢果D入場版都幾鬼頭痕，唔係對街噪到PK就係殘裝重口味之類。我終於明白點解淡淡心情咁沉重，出街搵盤真係都幾難搞。搵個心儀的真係唔係咁易，好彩自己手上仲有幾件貨，諗落都要讚番自己當時真係夠快夠狠。


anyway，收工時間去左大圍睇樓，睇左好幾個盤由220萬至250萬不等。金獅又好似行路太遠，其他又好似唔靚仔+殘裝 (幾廿年樓真係好多殘裝）。AA同我講話可以考慮唐樓，但係個人黎講除非唐樓租金回報夠高，如果唔係我倒不如買番金獅，起碼每個星期篤下匯豐估價都知有無升跌，而佢仲夠膽死係呢個時候講220萬買收7000蚊租，真係我估佢係新紅A家族的人 — 摶炳双／摶炳鸞。


由於其實之前買沙田的樓時都係搵呢個AA，佢今日比我借佢鋪頭的放盤機係度睇。今次呢個經驗又真係唔錯，一來睇到我個AA真係無呃鳩我，無楂鳩我價。二來，盤源係大圍真係少得可憐，睇黎我都可能要去第二區再搵。三來睇見D AA寫D業主真係好撚抵死。我見到有Ｄ寫例如話 — “堅串＂，＂咪撚煩佢＂，＂佢話會投鳩訢＂…等等。都可以睇到原來我地同AA係電話講完野，都會比人log低晒D重點，下次都係要客氣D，哈哈。


由於今日好撚攰，唔寫太多其他廢話，但回應一下有人係留言區話我係咪發緊夢。的確，我想講而家我都覺得我係發緊夢，因為我寫的SSD故事已經係今日發生緊。個市係堅無盤，攞住100萬無樓買，呢個唔係我吹鳩水，而係我呢家目前面對的最大問題。


或者，要夢醒的唔係我，而係各位淡淡。


請like我的facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431