不一样的生活之我愛香港

岩岩同我十二歲大的表弟食飯，佢上個月去左英國玩左個交流團番黎，呢幾日玩緊情緒，話London好好，果邊個天又大又籃，香港個天好細，當正自己係一個英國人一样。我問佢，我話如果比你揀，你會住London定係香港，佢細小的腦袋毫不猶疑咁答－－London。


在於我本身都係美國住過幾年，佢形容的生活，我自己都感受過。講真，外國個天空真係好似大Ｄ籃Ｄ，月亮亦真係大得好誇張。同一個銀碼，生活係英美澳，都比生活係香港來得高。至少，要有前後花園，200呎睡房，700呎大廳，係美國根本唔係難事，家家戶戶都有，相比起香港一間700呎的三房，D房細撚到閪咁都叫幾百萬，的確有明顯的分別。


但話說回來，遊走世界各地之後，我個人都係選擇番香港，因為我愛香港，香港是我家。


我愛香港並唔係一個口號，而係一個由心出發的感受。好多時由於香港人的生活同價值觀過度城市化，導致大家的生活都變得好窄。大部份的香港人的生活就係生存係自己果幾百呎空間，然後番工，放工同朋友去商場食下飯，或搵間酒店high個靚Tea，後生仔就唱下K睇下戲，完全比個城市征服。呢Ｄ事可以差唔多用香港三寶—>行街睇戲食飯講晒。


諗番細個果時，又發現會有Ｄ唔同的生活點滴。細個的時候，我相信好多人都會有去過荔園，有去海洋公園，有去過馬榴山，有去過長洲，有去過澄碧村，有去好多郊外的地方。或許以上的東東你都會再去（除左荔園），但係我相信次數亦無減少左。點解？因為我地呢家進步左，有錢左，型左囉，屌。


而家D 80后／90后，一講旅行最cheap都要去泰國去台灣，型D的就去下歐洲去下日本韓國。總之旅行的定義差唔多就係要坐飛機先計。而係呢件事上面我就產生左一個好大的問號，就係究竟我地有幾多香港人係真正了解香港的呢？老實講，我覺得我都好漸愧，因為，我發現香港我仲有好多地方我未去過。


真係聽阿E神唱下歌，文明能壓碎，情懷不衰，無論枯乾山水，我住係元朗之後慢慢對新界的地方再去多Ｄ關心，再加上TVB一個制作認真的好節目 —-小島怡情，令我對香港有更多的認識。吉澳，塔門，鹽田仔，下白泥，南生圍，大帽山，雞公嶺，大浪西灣，浪茄灣，四叠潭…..香港實在有太多太多的自然美景，或值得一去的地方，大部份香港人都無去過。予期要花費幾千至幾萬去旅行，我倒是建議大家放開自己，花多少少時間去認真感受一下究竟我地身住的香港。


因此，多多少少其實我都明白我表弟的諗去，香港的住屋條件，確實係比我地城市化的思維困係果幾百呎的地方。但如果大家能夠放開果套價值觀，向郊區發展，或計你的人生可能會更多姿多采。不過，細還細，香港始終係我個家。我係facebook都留言比佢，我同佢講，英國可能好好，但唔好忘記你係香港住左十年，唔好因為一個月，忘記你十年的美好歲月，就如同我自己一样，廿幾年的生活點滴，唔會因為去個旅行而抺去。


同場加映，我楂車最愛行的粉錦公路，每次行完，心情都會好開心。