周未焦慮症侯群

我有一個獨立電話，專係用黎比D Agent，以免平日佢地癲起上黎打爆我部機，煩撚到我爆J的。


平時，我都會潛意識將部機搞做Meeting或者Silent，點解？因為我中意覆就覆，忙起上黎又唔駛應酬D AA，呢個係一個莫大的優點。每日放工或得閒靜落黎，口行的時候就會打番去比果個未接來電的電話，吸收下市場的資訊。所以，平時D人打唔打黎，我都唔係好撚在意。


每到週未或假日，當我無任何野安排的時候，情形就會逆轉。唔知你地會唔會，但每當星期五六日，你知道D AA會打黎的時候，而你又好撚得閒等運倒的話，你會好撚焦慮咁等個電話響。作為高貴的業主(係呢家個市黎講)，我又唔會自己蒲到打去D Agent度今日咩情況，但係果種你明知佢打，而佢又偏偏唔打黎的心情，真係慘撚過蟻咬。


正如我之前有講過，你要意會我諗乜，就要先落注。係呢件事上面，我暫時由琴日到而家為止，只收到兩個Call，比起上星期同一時段，少左十鳩幾二十個。我手持的物業都係分遍九龍同新界，所以應該唔係地區性的問題，咁咁少call代表D咩呢？


1. 可能代表一方面D Agent懶到PK，但我諗唔會，要搵食ga ma。
2. 我放的盤的價錢突然唔吸引?　因為上個禮拜我電話係爆晒，而個價係同一個價無郁。一星期後D人閃撚晒？
3. CY又出口術打擊樓價，可能又嚇窒左D買家?由於我手持都係中下價樓，咁即係D用家又黎個話等定D先?
4. 個市太旺，旺到D Agent只顧睇樓唔得閒chok盤?　呢D時段通常係勁旺市，D agent一睇即中，都得閒煩你。


Anyway，等電話對我地呢D貼市的業主都可以等出大智慧，但往往上面的唔同可能性又會令到我好撚焦慮，呢D都可謂都市精神病。不過無計，作為打工仔的我坐住咁重貨，有咩依郁都真係要楂撚住碌竹，知己知彼，亦先能百戰百勝。


所以，我通常都會之後等到電話響的時候chok下料收下風，印證下我的諗法邊样係岩的。作為業主的你，又唔知有無同样的感覺呢？


注: 請我我個facebook page度like下我以示支持啦:

http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431