你條命值幾錢?

身邊總係有D朋友成撚日都番工做到夜一夜，然後又係Facebook講撚到自已幾撚慘，幾撚辛苦。偶一為之的，我明白，出黎做野，蝕底係預撚左。但如果你份工係屌你老味一年365日都要你OT到十二點果D，總之你條命已經係除左番工就係訓番兩日吊命果種工作，咁我想問，你係咪好好pay?


呢個問題，令我諗過一個處境題，就係如果呢家李嘉誠話請你做到你退休，中間一撚定唔會炒鳩你，就當中間無通漲計先，你會叫價幾多錢?


我相信好多人聽到咁撚样的話，講撚到你成世就咁賣左比誠哥，你都會開個天價出黎。每次我問d朋友，都有唔少人用似億計的答案係答我。奈何，現實永遠是殘酷的。你最珍貴的資源— 時間，好可能係平過你自己認為的價錢。


或者簡單計一條數，我當一個正常的普通人，佢一個月搵10,000蚊，以及一個做野算唔錯的人，佢平均由出黎做野果日開始，搵100,000蚊一個月，我相信，百分之90的香港人多多少少都係係呢兩個人的收入中間。（打工仔計啦）


咁一個10,000月入的人，佢一生人搵幾錢呢?　當佢有45年的收入，每年12個月糧，一個10,000收入的人，佢人生只值5,400,000元。


咁一個100,000月入的人，就係佢十倍，亦即係54,000,000元。


粗略估計，我相信唔計通漲，90%的人一生打工都係離唔開5,400,000 - 54,000,000呢個Range。我再大膽Ｄ講，應該80%的人，打工唔會超過5,400,000 - 30,000,000呢個Range，連半億都無。呢個數字，我唔知對你黎講會唔會震驚，因為你唔食唔食駛，都係得果兩三千萬玩成世。如果你去減埋交稅，住宿，交通，食飯，旅行，I-phone，溝女，醫療，養老………我唔知有幾錢剩，甚至你如果係大花筒的話，夠唔夠洗都係一個問題。


故此，如果你的資本，只係你條命同時間的話，我勸你真係量入為出，慳住個荷包。但如果你好早已有理財的觀念，以錢搵錢，讓錢幫你打工的話，你絕對有資格去享受人生。


人總係離唔開先苦後甜，或者先甜後苦的境況。問題係，你揀邊样姐?