樓市新力軍

今日同朋友傾開大家的唔同狀況，平時鳩Up一句的＂你幾時買樓啊＂，竟然有左微妙的變化。


我係80后隊長，當然我朋友都係同我差唔多大，呢兩位主角一個(A君吧)平時就係比較隨和又無乜諗法的人，可能基於佢無拍拖，而且因為同屋企人住又無住屋需要，所以我同佢講買樓好多年，都係無示意對買樓有興趣，不過由於佢都算早出身，又做很行，平時應該無乜洗費，所以儲埋舊錢都應該幾大舊Ge，買樓應該絕對有能力。而另一位主角B君，學歷唔係好高，靠社會經驗撘夠，都叫搵到下錢，但平時就唔係好識計劃自己，有錢就Fing ga la，好在佢都係個乖仔，每個月有比一大舊錢屋企佢，等佢阿媽幫佢儲錢，但剩番落黎果舊就可能唔多ga la，呢個衰仔我成日都好擔心佢，因為佢真係唔係好識諗將來，我估計佢為自己打算的野最多係到三日後，長過三日的野就大部份都無乜諗過，或者黎到先算，今次佢對買樓有興趣，我都覺得好安慰。


但老友還老友，我都會同佢地講明我只負責幫佢地搵盤比意見，但係最終決策權佢地自己孭番。始終買樓對我黎講有經驗，又有相熟AA，餵盤果Ｄ都起碼會係靚價D，唔駛比人楂咁盡。不過投資實有賺有蝕，第時賺左請我飲歺茶無所謂，蝕左傷感情就唔好。所以我都要鄭重D同佢地講清楚先得，免傷和氣嘛。


不過今日同佢地傾開時，的確令我好意外，一方面佢地係不嬲對樓都唔留意的人，但都被最近熾熱的氣氛刺激到佢地的神經。但當然30出頭，要買樓都好撚正常，所以對於A君話會買，其實都係意料中事，始終佢都係一個會為自己打算下的人，只係如果佢早一兩年跟住我玩的話，呢家都唔駛慢人咁多。相反B君就更加令我大感意外，因為一個平時真係唔會諗將來又唔投資的人，突然180度轉身話要買樓，呢件事真係好脆異。


但係從佢兩個身上，我可以見到其實我呢個年齡層的人都係有一股龐大但又未刺激的購買力。80后有太多都係未訓醒的人突然會有一日收到一個wake up call …. hey mister….it’s time to buy a house !!!! 。呢股動力，簡略以我識的同年朋友計，只有百份之20左右已經置業，亦即係話仲有80%的朋友們係未開始買樓，又或未計劃買樓，而當佢地買樓的時候，一定會搵細價樓上車先算，所以，細價樓的需求實在非常旺盛。


加埋琴日湯文亮提及單腳上樓梯的情況，我亦感覺呢家有種塞車的味道。塞車就係細價樓的人，唔係咁易再mortgage上去買中價樓，變左個火頭就由細價樓往上煲，呢種由下而上的升法係最持久的，因為佢唔係受市況同資金主導，而係由用家的剛勁需求所主導。


成篇野的目的唔係爆我老友買樓，而係我睇到細價樓的需求可能仲未充份反映，亦證明我講細價樓要買多件旁身的說法。簡單D講，我敢係今日講，2014年底前，上車盤一定唔會再係200萬，亦唔會係250萬。300萬上車，沙田中心／好運中心同沙一已經反映晒，但升勢的持續，將會令一Ｄ二三線的屋苑上車盤都推到300萬起。


上車，好快手了。


ps.　今個weekend　


請去Like我facebook: http://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431