我的初次買樓体驗 2/2

i-home呢個名，並非我第一次聽到。


仲記得大約係一個星期前，我同我阿妹睇緊有線電視介紹Ｄ樓盤，果幾條長其唱淡的主播，介紹話華置有個新盤叫i-home，仲話佢地開錯價要補穫。可能你會問我點解一個未買樓又唔係做AA的人會留意到呢個盤，不過當時的我其實真係對住部電視同我阿妹笑撚左出黎….. i-home i-home，i咩home姐，你估電話i-phone咩，賣樓就賣樓啦，扮晒IT野。


但我雖然懷著比我阿妹笑的面皮，我亦決定去呢個i-home度睇下係咩情況。於是，Agent三人組送我落樓下，但係由於阿大佬覺得可能係無米粥，於是佢只係指派左中途殺左果條o靚仔AA同我過去，而截我車的女AA就留守亮賢居幫佢繼續搵客。


由於當然i-Home仲係樓花，所以由大角咀出車要去到尖仔的太陽廣場。果時又接近五點鐘，短短一程路都塞到PK，於是我就同呢個o靚仔AA係車度交流左好耐。當然，佢一直就繼續Sell我亮賢居，而亦有提及海桃灣，不過佢話如果係budget問題，咁可能i-home就會就到我，因為海桃灣入場都要3.2M，可能我都會out筆。不過係我個腦海除左吸收緊佢灌比我的買樓資訊外，我亦係度審查緊呢個後生我幾年的後生仔。畢竟，我只係大佢幾年，佢選擇做AA，其實佢對樓市有幾熟，有無買過樓，是否古惑仔，有無野水我，佢搵幾多錢一個月…..之類的無聊問題都出現係我個腦海。你可能會話呢Ｄ野無關重要，但係工作上的經驗話比我知，知道你的對手的Background對於一場商業的行為是十分重要的。再者，好勝的我也會想比較一下，一個做地產經紀的人，是否靠把口就可以搵好多錢，在我更前面的起跑線展步。


到了現場，i-home的示範單位就相對冷落。無他的，因為搶爛市的場面已經係我去的時候之前的一星期完成。而我去到，就只剩下兩個高層Ｄ人嫌貴的單位放售。還記得示範單位只展出一個620呎的兩房單位，將一個房打通左，老實講我行幾步已經行晒成間屋，都唔駛十秒。個o靚仔話係得咁多，然後就帶左我去張枱度比價單我睇。我心諗果個單位620呎頭我睇果個亮賢居點解差咁遠，係咪好唔實用，不過個腦都未轉過黎，個AA就隊晒成堆野比我，又平面圖又價單又話用咩電器又乜乜柒柒。總之我就真係吸收唔黎。


而由於我本身只係諗住當攞個經驗，我諗住敷衍了事，於是我又問佢，我話如果買呢家價單上最平果個單位要幾錢首期。佢又好似係亮賢居果時咁篤篤篤，最後比左個數字我（樓價係2百萬到尾）…..20萬。20萬，呢個數字本來已經好吸引，因為我本身就係一個好勝心好強的人，如果我老豆老母番到黎我同佢講我呢家係業主，實嚇撚死佢地。但係，Ｄ錢點計始終係一個問題，因為我大約手頭上係得果18-19萬左右，仲要等開市賣埋Ｄ股睇下咩價先夠數，呢Ｄ真係差１萬幾千蚊就係成功與撻訂之間。經過了解完果後，原來我即場可以look credit card 4萬蚊，佢地幫我用代理行的票出比發展商，之後我就按佢講果D時間上律師樓比埋果Ｄ厘印同餘下的5%錢就搞掂。


我計一計，T+2之後岩岩好係3日內，加埋手頭上的錢，應該夠搞掂果5%有突，而credit card的數又咁岩可以係一個月後出bonus的時候頂左佢，於是，我便勇字行頭簽左個S&P，正式係一日內成為業主。


後話：不過呢個o靚仔AA都真係唔識做，之後有打黎問我仲買唔買樓，當然佢知我都係扯到盡，所以唔會再買到住，畢竟95%按已經用到盡。但係，我之後發現係有回佣呢家野，但已經米已成炊，我都算了。但之後到我再話買樓的時候，我打比佢問佢會唔會減半佣比我，佢話唔制，如是姐我地再無聯絡，而佢亦錯失左我呢個長客。