財技(1) - 借錢係唔好的嗎?

可能你老豆老母會教你，做咩都好，唔好借錢搞到周街街數，如果唔係，一間好似D人搞到一身大耳窿數，到時上門淋紅油燒你全家，咁就罪該萬死。


而相信亦有唔少人會收到銀行或者唔知邊撚度打黎叫你借錢的電話，又話叫你借幾多個月糧，D息幾撚平，乜乜柒柒咁，好多人潛意識都會拒絕及收線。但係，我好撚奇怪，我有時候都會Keep住去了解下佢地的產品，因為我深信Cashflow玩得好先係王道。


大家先試想一下，呢個世界上有邊間公司唔錯錢做生意？你求其搵間上市公司，睇下有無一間係無負債的呢？顯而易見，做得大就會有負債，點解？因為要有槓桿!


Leverage我相信大家都唔會陌生，因為次按正正就係由過份Leverage所造成，而個後遺症呢家就係要De-leverage，呢個過程可能到今日都未完成。可能有Ｄ人都未知咩叫槓桿，但一個活生生的例子就係買樓，你用30%的首期買100%的樓，70%的錢係借番黎，呢個槓桿就100/30 = 3.33X。而當政府出招話投資樓只可以借50%的時候，槓桿就變成100/50 = 2X，當槓桿越少，風險就相對減少。所以，如果有人同你講借錢係唔岩的話，大家應該可以即刻反駁，話比人聽買樓都係借錢，無分正與邪，只要舊錢係用得其所就OK。


不過如果只談買樓借錢Mortgage又太過膚淺，因為呢D野買過樓都識，唔撚值得一提。問題的相反係，其他各種形式的借貸產品，我地又應唔應該了解下，而且又點撚样可以利用佢地令我地投資的時候如魚得水呢？


首先市場上的借貸產品通常係有:


- P-loan: 通常銀行叫你借唔知幾撚多倍月薪然後逐個月還比佢的。
- OD (overdraft):有Ｄ銀行稱之謂備用現金，通常又係以幾撚多倍月薪定個額，用左先計息。
- Credit Card: 呢個唔撚駛講，大家應該知係乜。


好啦，咁知道以上的產品有咩用？絕對有用！！！特別係如果首期唔夠的你，知道佢地的特性後，可能會成為你買樓時的好朋友。


[待續］


大家幫幫手去Like下我個facebook page la…..有你地支持我就會更用心去寫的.

https://www.facebook.com/pages/80%E5%90%8E%E6%B1%82%E7%94%9F%E9%9A%8A%E9%95%B7/344567395626431