我的初次買樓体驗 1/2

在2009年的復活節的一朝早，一起身全屋都無人，老豆老母應該又番左大陸揼骨，於是我便好似平時咁坐係個廳度Hea下睇下有咩搞作。


坐左一陣，突然心血來潮都覺得自己好似無乜人生目標，我便決定要去買／睇樓。你可能以為我好撚有錢，但其實我當時手頭上得4萬幾蚊，股票大約有15萬，而我同大部份人一样，以為買樓要30%首期，所以我的目標只係先去攞個睇樓買樓的感覺，做個Research，等自已可以計劃下點樣買樓。


由於我心知自己擺撚明係混吉，而當時的我個樣又細到仆街，於是我決定諗住去睇下Ｄ新樓，廢事阻住人地做生意，因為我估計示範單位我可以自己行下，唔會煩撚到人。如是者，我打開份報紙的地產版，見到有個大角咀的樓盤叫亮賢居，我就出發去果度視察環境。


本身住港島區的我其實真係無去過大角咀，所以我決定楂老豆架Benz出去，一來當然方便我去Ｄ地鉄唔撚到的地方，二來輸人唔輸陣，楂架Benz出去有咩都起碼唔會比人太混吉的感覺。　


去到詩歌舞街，我就搵位泊車。第一次睇新樓先發現原來好撚恐怖，我架車一屈入去果條街，兩邊D AGENT已經對我虎視眈眈，已我泊車的時候，已經有Agent幫我睇位，好似好撚好Service咁。到我落車果時，果個女仔（我諗都係岩岩畢業的）就問我係咪睇樓，我話係，佢就即刻Call鳩佢老細落黎同我上去睇個示範單位。


去到亮賢居果個示範單位，Ｄ人多撚到我行都行唔到，不過整体感覺都幾好，樓底好撚高，D人又好似個個都好HIGH咁，又其是Ｄ師奶，個撚個個都好似驚我聽唔到佢地講野咁KEEP住個高頻講野。印象中我行下行下去到個窗台，望落下面真係好撚好撚高，個Agent呢個時候又黎多條靚仔三人夾擊我，係咁講話下面點撚样行就去到太子同始創。其實你話我宅都係咁話，但住港島的我都唔知始創係邊撚到，我只係大約估計要十五分鐘先行到去太子地鉄站就算。不過成件事對我的人生都做左一個大的影響，就係住得高層的感覺真係好撚唔同，果種居高臨下，君臨天下的感覺真係幾High。


到我行番入去，當然Agent三人組就開始做野教我計數。由於當時的我仲係一個on9仔，我基本上都唔知佢地Up乜。不過最尾，我問左佢地一個好簡單的問題，我話如果我要買最平的單位，我要幾多錢。佢地篤下篤下部機，逐样寫係張紙後話比我聽－－25萬左右。呢個時候我真係嚇撚醒左，一個700呎左右的單位，嗌340萬，廿幾萬就搞掂？唔撚係嘩？經了解之後，我先至知原來呢個世界有樣野叫HKMC的95%按揭，真係活到老學到老。


不過當然你地都知我其實得個十鳩廿萬，仲要係有十幾萬係股票度，根本唔撚夠資格買，所以我就同佢地講話我唔撚夠錢，如果要買，都只能買平Ｄ的單位。佢地你眼望我眼，之後個大佬就話，咁不如我同你去睇 — i-home。


［待續]