作者：




住邊好？

留言

發佈留言

此網誌的熱門文章

被退休的CEO

作者：
呢幾日我老豆去左星加坡，參加佢以前個老闆個女的婚禮，順便當係去下旅行咁話，畢竟困左香港咁耐，都想出去行下，趁呢個機會就去星加坡順便見下佢Ｄ舊同事咁，亦叫做賣下個江湖人情比佢舊老闆咁。 講起呢個舊老闆，我老豆退休左四年，佢就退休左可能十年有多，但兩個人退休的情況都相當之唔同。我老豆就係做到真係退休年齡有突先退休，雖然都係辦公室政治下的退休，敵唔過大勢，都反正都係做突左幾年，都無乜得怨。然而，佢呢個星加坡老闆，其實本來就好似坐直昇機咁係果間公司，因緣際會之下，早少不停被基金公司收購買出買入咁，幫佢唔小心清空左高層而一躍成為CEO，但最後又因為被基金公司exit後被併入大公司，安撫左一年之後就被提早退休，退休之時應該係55歲左右，然後就一直沒有然後了，中間當然佢一直想東山再起，佢Ｄ靚都好怕佢因為佢都跳跳地，所以都有D被舊公司炒出黎的人跟佢玩左一輪，可惜到最後都係得啖笑。 其實老闆個故事一直都係隊長提醒自己的其中一個故事，還記得當年最後一次收購，我老豆仲叫我一齊聽佢地個電話conference，介紹一下新公司的情況，當時的CEO仲滿腔熱血，講到話買買賣賣咁多次，而家終於離開左基金公司，泊入一間真係做生意的實業，睇黎將會係一個好好的結合，產品上亦變得相當之強化。聽佢講完我同我老豆都覺得好似好promising咁，但回想返，其實件事係點真係牌面擺晒係度，只係當局者迷，CEO覺得自己好有料，又present到好似好有前境，但呢家睇番成個電話會入面的9成人都已經唔再係呢間公司入面，咁大家可想而知，其實根本個劇本早已寫好，只係你係故事入面的人物，你唔會想個故事係悲劇的結局而已，但主觀的期望係敵唔過客觀的因素，要收皮始終係要收皮，無奈的係連故事的主角都唔知自已開會其實係講緊遺言，大家都活係一個final fantasy的世界。 客觀的環境好簡單，其實基金收購對於員工反而係好事，因為基金大部份都唔諗住經營，當然佢地會想係公司入面榨出利潤同價值從而賣出好價，生活係基金公司支配下的員工，一定會感受到被迫追數同埋cut benefits的感覺，而且好似無乜前途一直比人捽爆廠咁又唔會話公司有咩大發展，因為基金一定唔會投入更多資源唔會比你買機器啊設廠咁，反正賣左就關人撚事，所以係基金下的員工可能會諗長遠真係要有識呢個行業發展的人去營運先有得搞。 不過事實係，當你以為由一個地獄跳出黎時，點都應該唔會...
Read more »

大圍車位的潛力

作者：
圖片
  隊長一直認為，投資要有回報，最重要係睇到長期的一個價值。短期的投資，好大機會只係一個投機，唯獨你認為有某一因素，令到供求有一定的失衡甚至嚴重失衡，但價錢又未完全反映，這样的低水機會就會係一個好好的長期投資機會。香港的樓市就係一個長期失衡的好例子，對比起商廈同工廈，住宅就算係疫情下都一样要住，所以需求一直有支持，亦因此係係長期的情況下，抗跌力強，升值潛力亦較高。而另一個長期失衡的市場，就係車位市場，特別係大圍的車位市場。 前幾晚同幾個老友傾開，話說隊長比人同一日抄左兩張牌，盛惠640，然後就扯到其中一位住日出康城的朋友，佢話一位難求，之前有車位業主串過碼頭JJ，叫價6500月租，仲要比500訂金先比半日時間佢考慮係唔係租，如果唔係就租比人。老友條氣唔鋸，又唔係平，就話唔租啦，點之真係一閃即逝。老友9UP話該區車位比例1:20，搵位難過登天，最後就短租住一個疫情外國業主的位盛惠4900咁頂住先，而隊長再回來睇一睇，目前康城一個車位大約200-220萬左右，車位同住宅比例，其實係1:5同1:7之間，但如果租到成4900-6500係一個咩概念呢? 簡單黎講，你係九龍租一間十九劏房，都係呢個水位，一個係住人，一個係放車，而家即係話架車開始貴過住人的感覺，呢個價值觀係咪好過癮？ 香港泊車的需求，對於渣車的人黎講應該相當明白向來都係一個難題，係好多區都已經出現難搵車位到痴左線的地步，所以車位向來都有價值，然而係過去呢段時間因為住宅樓按揭於400-600萬九成按的階級提升到400-800萬，有部份資金當然走左去買番細價樓，特別係市相對弱之時車位就受壓左接近一年。然而，政府放寬左非住宅的印花稅的時候，神奇地為200萬樓下的非住宅物業打開左一條新的炒門渠道，200萬樓下的100元印花稅重現江湖，頓時其實有好多車位都即刻現左一個極短暫的買風，尤其以80-150萬左近的車位相對顯著，突然之間隊長手上的車位都比人問價，不過個勢頭雖有呢，價位只係回升小小已經無乜追逐浪，估計疫情下個買盤雖有但還需時間去觀察。 因此如果想在車位市場尋寶的話，當然可以考慮下繼續搵80-150萬的盤源，呢一類盤源的好處係買完之后下一手都仲係100蚊印花，有小小似以前細價樓升穿200萬前的策略。而如果上下網搵盤的話，應該唔難發現呢個價位的車位好大機會只係在新界先會搵到，但就新界黎講，個人當然又認為大圍的車位...
Read more »

拒絕買樓的人

作者：
喺我認識嘅人當中，不乏有好一部份人係堅持拒絕買樓，當然每個人都有唔同嘅原因，不過這些拒絕買樓的人，當中我有認為有好大部份係有一個共通點，就係基本上唔撚識。 即係買唔買樓，先唔講有冇絕對啱同錯，即係隊長我成日叫人買樓，唔會話一定要否定唔買樓的人有問題，不過前前係，你要說服到我點解喺你自己的情況唔買樓。舉例，我可以接受買過樓，但係又輸錢的人唔敢再買樓，又或者可能情況唔許可，例如屋企人好需要佢哋留住資金有個安全感之類，這些我可以理解明白，亦的確唔係人人都應該買樓。 然而，以上多數都係小部份的人嘅情況，大部份更多唔買樓嘅人佢哋嘅心態係對我嚟講只係唔識。唔識有好多方面的情況，舉例未買過樓好驚，又或者純粹係一種個人感覺香港嘅樓價離撚晒譜，完全係好似創世紀入面最經典嘅問題，就係點解香港人要用一世去供一層樓？如果純粹投資，可以做生意，可以買股票，冇必要去買樓投資咁。 一再強調，我唔係否定唔買樓就係有問題，唔買樓就係戇鳩鳩，其實某程度上我係開心，因為呢個市場就係需要唔同嘅人存在，即係我買樓都要有租客，個個都買樓咁邊個租樓？隊長我想講嘅係，其實好多人對買樓成個概念，成個投資嘅理解，係皮毛都不能再皮毛，呢一樣嘢係我覺得極度可惜的。 隊長我一再強調，呢個社會喺學校入邊教中英數，教唔同學術的學問，補習亦可以有唔同的興趣都可以學，偏偏最重要點樣去買樓投資令自己人生過得舒服少少，係冇人教，而且係網絡上的訊息都係相當狹窄。關於買樓的文字資訊，一係就只有新聞講樓價升樓價跌，邊度有新盤，一係就討論區你一言我一語，好的唱好，淡我唱淡，但係如果你想搵一個深度討論投資樓市的blogger或網站，你會發現完全搵唔到，最多都只係可能一啲投資的Blogger一年講幾十樣嘢，其中一兩篇文講吓樓等等，極少極少，甚至乎我真係搵唔到一個集中火力講樓的blogger去提供一些買樓投資的心得分享，對比起股市嚟講，買樓的學說真係好難令一般人，特別係本身已經有既定立場覺得樓價係嚟撚譜，或者結婚先至要買，或者會好撚驚而門前卻步的人去接觸。 當然其實市場上面亦都有一啲人定期會開班教買樓，有啲導師係真係有料，有啲就一睇就知吹到阿媽都唔認得，不過背後又係有個問題就係每個呢啲買樓班，都有背後嘅Agenda，就係個導師會希望學員加入佢哋嘅計劃，引致其實又唔夠中肯之餘，有啲唔識嘅人又怕俾人Sell，而更加抗拒。 不過講返唔識買樓嘅人，點解唔識...
Read more »