阿成對抗既得利益者的故事

阿成係一個廿歲的青年，天生品格敦厚，崇向公平熱愛自由，是一個位難得的品格端正的年青人。


阿成係民間組織左一個青年的團体，主要係希望為青年人發聲，希望能為青年謀福祉，而作為主席的佢，連同細一年的大學朋友阿明，以及還是中學生的阿肥，三人經走訪各大小論壇，而當中特別講到樓宇政策時，阿成為首的團体認為，問題係在於官商勾結，政府唔敢郁大財團地產商，地產商又囤地，炒家又炒貴晒D樓，政策向既得利益者傾斜，班地產霸權日日坐係度等升值，榨乾市民同年青人的血汗錢，點解要為層樓打工三十年等等，由於佢個人魅力出眾，電視台亦追逐訪問，所以有不少支持者累積，其超然地位越來越高，對社會的影響力越來越深。


由於阿成的成功型象，剛畢業的佢剛好遇上立法會選舉，而阿成亦輕易得票順利當上立法會議員，月薪接近十萬元。而作為青年人以及民選議員，在議會內佢積極為青年人發聲，大力評擊樓市的問題，聲言其實主要既得利益者肯稍稍讓步，發展商能賺少D，業主肯收租金平D，年輕人就會開心一D舒服一D。適逢新一屆政府重視年青人的意見，阿成更被邀進入行政會議，為特首出謀顯策，最終係任期內成功爭取到好多發展商攞地出黎興建居屋，以年青人的能力作為定價，為香港樓市的問題落下一道完美的解決方案，風頭一時無兩。


而為年青人興趣的居屋主要係按年青人的能力定價，故此首批居屋一萬個單位推出，600呎的樓叫價約300萬，香港三粒星的首置可以零首期上車，政府包底，但因為係居屋同只為解決樓宇問題，故此有轉受限制，十年內只可原價賣比政府等等。其時大部份人眼見發展商已經雙手奉出大量土地，政府更公佈每年五萬單位完全無問題，樓價應會持平而且政府原價包底，有嬴無輸的情況下，首批一萬個單位全部沽清，電視台又再度訪問，所有買家開心過中六合彩，而電視台再度訪問阿成，佢以一句其實既得利益者肯放下自身利益，香港是可以很和諧的，而在訪問中阿成更親自介紹自己都以320萬買左一間高層的海景屋，出道一年，自己爭取自己成為業主，真正的人生大嬴家。


時至當年新年，本應一家人團聚的好日子，突然阿成的爸爸同阿成講，今年我們不去拜年了。阿成不解。「其實呢，阿三叔三嬸舊年年底用八百萬買左層康城樓，點知你個計劃呢，佢間屋呢家只值四百萬唔到....所以都係避免磨擦了」阿成媽就以溫柔的語氣解釋道。「其實阿三叔三嬸咁多樓，仲屎忽痕買樓，一早就係呢D人炒高晒香港D樓，我出的政策，都係令佢地明白唔好炒樓，佢地佔據晒我地年輕人的資源啊！」阿成理直氣壯答道。「之但係阿表姐佢.....」阿成妹接住說「表姐同表姐夫其實本身都好慳好努力工作你知啦，佢地辛辛苦苦儲左八年錢，終於儲到首期，舊年700萬用呼吸plan買左件花之卷，點知你個計劃一出，佢地即時變負資產啊，阿表姐上個月打黎同阿媽喊住講左好耐啊」。「咁一個成功的計劃，總有一些人會需要付出代價，本來個問題就係官商勾結，樓價畸型，既得利益者賺盡，你仲要陪佢地玩呢個不公平的遊戲，自招惡果就肯定啦，與人無尤」阿成擺出一副議會上的雄辯滔滔，但雄辯亦無法改變箇中關係，故此是次新年阿成一家並沒有同親友團拜。


新年過後，阿成趁有空閒時間，就相約原來的青年組織碰面，睇下房屋問題解決之後，仲有咩問題要代表青年人處理。阿肥就反映，有好多年輕人話樓價300萬仲係偏貴，佢作為中學生，都唔知到時出黎要唔食唔洗幾多年，先可以買到一層樓，認為就算唔駛比首期，300萬去供30年，每月供12000咁濟都唔係辦法，真係要放棄好多次日本旅遊先得。與此同時，阿明都和議呢個供樓問題，雖然佢未買，但身邊好多父母都叫D仔女加番家用，以前佢以為比三千五千都夠退休的兩老頂住，但有好多朋友話因為本來兩老的退休原先諗住有樓收租可以頂一頂，點知而家無人租佢地D舊樓，就算有，都得番以前一半，大失預算，但年事已高後悔莫及，佢地父母都好支持後生仔買樓上車，但無奈搵錢能力已接近無，所以只能問個仔女攞，因此有好多青年人就算見唔駛首期都唔敢買，又要供老豆老母，又要比萬二蚊供樓，邊夠分。


阿成聽完都明白條數好難計，於是佢建議將居屋的定價更平宜一些，希望幫到更多的人，因此第二批的１萬個居屋推出，定價為約270萬，大批青年人又爭相搶購，唔駛一日又賣晒，電視台又再訪問，當然每個人都笑逐顏開，而阿成係節目中繼續大談政績，意為風發，三十分鐘的電視台節目，28分鐘都係叫好叫座，唯獨是最尾2分鐘訪問上一批受訪過的業主李生，阿李生就話緊係唔開心啦，買早幾個月貴三十萬喎。


兩年轉眼過去，青年人上車壓力仍然居大，雖然已經有約十萬個年青人受惠，但每年新的年輕人踏入社會，萬幾蚊一個月的供款實在太高，所以兩年下來新居屋的推售價已經去到160萬，大部份年青人只需8000蚊左右就能供樓，本應解決問題，但係另一邊廂，早兩年買樓的阿明開始感到不悅，係一個會議上面，批評阿成的政策有問題，有乜理由自己供左年幾的樓仲爭銀行成二百幾萬，但係呢家岩岩畢業的畢業生，對比阿明為社會服務左三幾年，佢地可以平成百萬去買層同自己一样大，仲要新D的樓? 咁呢兩三年佢做黎做乜，供左的錢用黎做乜，呢個現象太唔公平了！而阿成就解釋其實都只係儲錢，十年後你唔鐘意，可以原價賣比政府喎，你供幾多都係最尾比番你仲賺個住，點計都無問題啊。阿肥就支持阿成咁話啦，係囉，我岩岩入U，身邊的朋友都話阿成個政策好掂啊，其實你作為既得利益者，第一下都比你賺左個機會啦，我果時連想買都無收入無得買，你買左就預左啦，到最後又唔係蝕，怨乜Ｌ姐？會議氣氛高漲，最後阿明退出團体，不歡而散。


時光飛逝，五年的任期準備結束，過去五年香港的變化好大，樓宇供應充足，居屋雖然定價係120萬左右，但都開始有賣唔晒的情況出現，原因係第三年因為樓市低迷，沒有升的樓沒人想要，而且地產商搵唔到錢，資金就轉移去美國加拿大英國澳洲，李嘉誠繼續係香港首富，不過香港就因此而裁員，而由於地產低迷，銀行的融資同按揭業務都大跌9成，地產中介亦引發大量裁員，零售低迷，好多中小企結業，股市大瀉，極多人想賣樓求救但市根本無人接，因此新聞日日都係BBQ又IFC，失業率升至歷年新高，因此阿成面對的青年問題比五年前更加嚴峻，而阿成認為歸根咎底，就係班仆街既得利益的地產商撤資累事，如果佢地唔撤資，就唔會搞撚成咁，然而因為房屋政策到最後失敗，立法會重選，阿成變成眾矢之的，無奈無緣再入會堂。


十年過去，阿成棄政後，社會商人沒有接受佢，但憑藉打不死的意志，日以繼夜咁楂的士都算養起頭家。一日，阿成太太來自國內的親戚探訪並順道拜奈當年有恩於佢地的成太父母，阿成連同老婆同囝囝誠意拳拳招待。席間談及樓價，國內的親戚話佢層樓係廣州，十年前借用成太的爸媽錢以500萬買，而家都變成2000萬了。而且，呢家食碗雲吞面係廣洲都要200蚊碗，佢個仔岩岩出黎做野，呢家都係搵得5萬人仔一個月，唉都唔知幾時先買到層樓。交談間，親戚問阿成層樓升至幾多，阿成強顏歡笑，話層樓只值300萬，國內親戚話佢地都想買番間投資，不過阿成答話唔得了，而家香港限購，無身分證唔比買樓，我地要幫年輕人上車喎。國內親戚即刻表示可惜，如果唔係黎買十間八間無問題。及至尾聲，國內親戚多謝阿成款待，並誠邀阿成有空去廣洲玩玩，阿成表面當然話好，不過計一計數，月入10000的佢，去廣洲一晚酒店要5000蚊，wtf....咪玩了。


回到家裡，阿成打開电視，剛好播放電視特輯「十年」，而內容係講呢十年如何由中國的一線城市，淪落為風土人情味重的老殖民三線特色城市，受訪者全部都講述如何買樓變負資產,失業後的如何慘況，無論年老年幼的都一齊屌，然而一邊睇電視的阿成一邊同囝囝講，我做的野都是為了你的將來啊。不過坐係另一邊的老婆，卻是淚流滿面，心裡諗住那對因為臨老負資產同炒濃股票而BBQ的雙親，坐係自己的負資產入面，過年無親人，出街比人鬧，番黎屋企仲要照顧個精神病患的重症者，再見到心愛的香港變成一篤屎，內心的矛盾實在不比阿成更思覺失調。


這時的香港，再沒有既得利益者，因為只要一有利益，就會被人榨番出黎，搵到錢的公司自然走了，搵到食的叻人，也走了。因為沒有利益，剩下的，什麼都沒有了。