白日夢想家(中)


相對於一個零概念的朋友,另一位有買過樓的人仕其實問題可能重大,因為對於自認為投資有道的佢, 對自己的未來充滿信心,並定下目標要係十年內達到財務自由, 其實呢一點都無可厚非, 問題係大家所指的財務自由係一個乜野概念。


說真的,財務自由只簡單講為 passive income >= 經常性開支已經係okay,所以大有大做細有細做,即你如果經常性開支係10000元的話,咁你要做一個10000元或以上的passive income,對比起一個十皮野的passive income係完全唔同概念。故此為左了解呢個財務自由的目標,我立下要問佢的財務自由目標係多少?


「其實我唔貪心,每月六萬左右已經足夠我養全家人」這是佢比我的答案。是的,其實每月六萬係香港如果唔太貪心都叫足夠可以養晒全家人,呢句野其實無錯。不過重點係你六萬呢條數點样黎姐?以一個香港的正常人黎計,要制造現金流其實初期走唔甩一定要用人工收入,而係隊長的認知入面,計數上要做到六萬的財務收入,即係相當於要有6個1萬元的收租物業,仲要係無按揭。


以佢之前提出而家有自住樓同收租樓計,都唔理有無outstanding按揭,只係要多五層1萬元收租的樓,假設每層要300萬元計,都唔好理係咪同一時間買而樓價有偏差黎講,即係要多1500萬的純資產。1500萬的純資產,除番10年,即係每年要有150萬的錢投入到樓市入面,當然你可以話收租係收入,樓價升也許係收入,不過我先唔好計樓價升抵消通漲上升的租金咁講,你段估都唔係同一時間買,即唔係層層樓都收到十年租掛?咁如果要做到150萬投入的資金(或者當你100萬一年),咁以佢仲要養家活兒計,老老實實人工咪過百萬一年起碼?


去到呢個位本來隊長都好敬佩一位80后有如此高的收入,特別係其實隊長自己認為都行先左好多,收入亦相當唔錯之際,我都唔敢講話10年可以做到6萬的passive income,而呢一刻竟然遇到一位世外高人,當然要比番個叻讚下佢的能力。而客氣的佢亦指出今年好大機會加人工,而人工將會升至50萬一年,但目前只係30萬年薪左右。


Well,呢一下真係有D猿人襲地球,以呢個思路黎講我開始有點lost! 我將我係財務自由同買樓的有限理解下去陳述我計唔掂呢條數,其實如果以呢個收入的話,加上我對目前樓市的判斷,講真如果能夠係20年達到呢條6萬的數都係一件幾難得的事,試諗下你可以用2.5萬元的月薪制造6萬元的passive income,咁即係我話比你聽我用1公升的水可以注滿10公升的杯? 點解佢會咁有信心可以以10年為目標呢?背后也許有驚世的秘密係我未曾發現, 所以一定要了解了解.


「我以股票為攻,樓宇為守」呢個係佢比我的答案。佢認為,能夠係股場上嬴錢,以炒賣細價股,憑著同其他人唔同的炒賣方式,專揀被人忽略未炒起的股作種子,當賺到錢之后就轉收柴為樓,以加速呢個財務自由的計劃。老實講,去到呢度我已經唔係太想講落去,不過純以邏輯討論,我會認為你呢個財務自由目標黎講,每層樓都要成150萬的首期,但以人工30 (或50萬都好),你儲150萬都起碼3,5,7年(只係一層樓),咁你有信心可以買到咁多層,你股票一定係好L叻先得,而如果你能夠做到咁L叻的時間,即你可以一年執一兩三球,咁我會話點解你唔全職炒股算了,而且去到咁好搵,我更加唔建議你買樓,因為你炒股的回報絕對遠勝樓宇。


「樓係防守性資產」佢指出應該係話,股的風險比較大,但樓的風險較細,所以暗指應該係股都唔係必勝。咁如果股又唔係必勝,以30萬(50萬)月薪的佢,點解會咁有信心可以賺到百萬計的回報呢?條數講真我就點計都計唔通,不過其實心水清的讀者都知,隊長不嬲都唔係太鼓勵,甚至唔認為炒股可以致富發達呢件事,當然天外有天人外有人,不過買樓10000人入面9000人都會賺到錢,相反買股就可能10000人入面得1000人,甚至更少可以長期賺錢,嬴面太一面倒,所以隊長只會當股市係娛樂而已。


而呢一位朋友,我相信呢一刻大家都係無分對與錯,也許佢真係一個股市隠世高手,當然如果佢做到呢條數就都恭喜佢,而且如果佢做到的話,我得承認佢係投資道路上比起我更加厲害。之但係以股變樓講係同隊長同路人的話,可能隊長就不能苟同,畢竟隊長才疏學淺,未能領會箇中神緒,只能用最苯的方法,以人工同樓價一步步向前行,無法學識跳步加速財務自由的計劃,而呢一個方法側係一個理應人人都可以實踐的法門。





留言

  1. 6萬passive income唔多, 我本人都係 80後, passive income 高於6萬, 你覺得難只係因為你只係認為投資基本上只係得樓同股票。你朋友設定呢個目標我覺得無問題, 目標定高 d好合理, 低既目標定黎做乜? 當年我定既目標係28歲前要有5-6萬passive income/month, 而家我可以講係遠超呢個目標(我當年人工高佢唔係好多, 但當你會預期自己增長, 中長線目標定高一點係好合理)。
    反而唔明白你點解咁敏感, 可能你覺得自己已經好成功, 人地定一個比你高既目標你就會好反感, 但我好坦白同你講, 你既世界可以再擴闊一點, 呢個世界唔係淨係得樓, 樓唔會永遠都係最好既投資工具, 期望往後可以係你個 blog多d 睇到其他既分享, 例如講下你既事業(主動收入 ) , 我諗大家 讀者都會好有興趣。

    ps. 題外話, 個人認為財務自由唔應該係一個目標, 財務自由只係一個狀態, 如果你想認為得到財務自由係單單為左可以hea住做份工, 唔使再睇老細面色做人等等, 咁你既人生就同條鹵魚無咩分別。後生世仔, 工作產生既除左收入, 仲有既係成就感, 而財務自由只係成功既副產品, 到已經達到財務自由既我, 我仍然唔會放棄我既職業, 人生仲有好長既路, 我會繼續去設定唔同目標, 而呢d 目標係一d眼界狹窄既人眼中可能係天方夜談。

    財務自由過來人經驗, 不喜勿插。

    回覆刪除
    回覆
    1. 你直情應該係勁人啦,不如你開番個Blog教下大家唔好收埋D好野自己吃吧。

      刪除
  2. Starman sir, 可唔可以分享你既經驗?我都知世上有D比地產好既投資機會如PE, 但好多時係who you know, not what you know先有機會。我呢D小投資者真係冇咁多選擇。多謝你先。

    回覆刪除
  3. 用樓來generate 6k passive income當然困難啦,回報咁低。樓嘅好處就係唔須要技術,只要個市升,自己心口掛個勇字就得。如果只係識玩樓,樓市一跌就企左嚮道。 不過blog主眼中,樓係永遠只升不跌嘅,我亦睇唔到佢有任何risk management.

    回覆刪除
  4. 60,000/month = 720,000/year
    scenario A 4% return p.a. --> 18,000,000 net assets
    scenario B 6% return p.a. --> 12,000,000 net assets
    scenario C 8% return p.a. --> 9,000,000 net assets
    scenario D 10% return p.a. --> 7,200,000 net assets

    Let's assume you born in 1980, start working at age 22 (2002), 12 years working life

    scenario A: accumulated 1,500,000 per year on average
    scenario B: accumulated 1,000,000 per year on average
    scenario C: accumulated 750,000 per year on average
    scenario D: accumulated 600,000 per year on average

    Well if you can achieve this man you are in the top 1% (or 0.1%?)

    回覆刪除
    回覆
    1. Sorry I born in 1984 and I'm in your category of scenario A.

      刪除
  5. 其實 本人之前都係到留過言, 解釋過有關債券投資既野, 唔知你有無印象。
    以而家既市況, 投資而言, 樓市既 回報咁低, 但下行空間咁大, 個risk-adjusted return 其實低得好緊要。如果唔係賺價, 目的主要係收租既話, 買樓可以講係好差既投資。唔講複雜, 最簡單ETF同 Bonds 都一定好過買樓。

    我以債券 (Bond)舉個例子 , 央企五礦集團債券, 票面息率5.5%, Yield to maturity 5.2%, 2018年到期.
    如果我玩leverage bond, 呢隻債最多可做到9成LTV, 即我只需要比10% margin, 借貸成本2.5%, 槓桿後回報達30%, 持有至到期全取本金, 唯一風險係五礦集團破產, 對比買樓 :
    1. 買債風險遠比買樓低, 加息對樓同債都價格下行的壓力, 但債可持有至到期全取本金, 中間收取利息; 如果價升亦可於到期日前以市價出售, 可謂進可攻, 退可守。買樓既風險, 我就唔多講啦。
    2. 買債唯一風險係發行人破產, 以上央企為例, 機會接近零。買樓收租, 租金由租客承擔, 你話央企可信點還是一般三唔識7既租客? 一個唔覺意唔好話跳樓搞到變凶宅咁嚴重, 搞到你間屋殘晒, 或唔交租你都夠煩。
    3. 債同樓一樣可以有槓桿, 債價升, margin value 會升, 即刻可以套現, 無須任何手續; 樓你要申請加按又要估價, 手續煩, 時間長。
    4. 你話唔鐘意槓桿, 我買隻直債, say, 恆大地產都收你10%p.a.。

    ETF 又係一個好好既投資工具, 我唔講太多, 當然你要買債玩leverage bond 套息係較專業, 當中係會有d小技巧, 但只要明白個原理, 其實唔會難過買樓好多, 只係傳媒日日報導, 樓夠大眾化咁解。係呢到我只係想講, 呢個世界好大, 各位讀者可以試下放眼世界, 呢個世界唔係淨係得樓同財務自由, 到你做到時你就會明白呢個並唔係一個咩咁大既目標。講真, 我唔係吝嗇, 而係我無隊長你咁有恆心日日寫blog, 如果大家有咩想知多d, 我都唔介意share下, 但要我寫blog我就真係無咁多時間啦。

    過來人Starman

    回覆刪除
    回覆
    1. 高手兄,你所講的我大致認同,但有幾點想了解下:

      1. 你本金由玩果日到呢家,增長左幾多?
      2. 你說風險是違約,而央企唔會輸,我99.99999%認同的。但如果真係黑天鵝出現,是否會輸身家?
      3. 我從第一天寫文章時已講過呢個世界有好多passive income,買樓只係其中一個,無話邊個好定唔好,只係問題識同唔識以至精同唔精。
      4. 回到文章的話,呢位師兄係玩細價財技股,而唔係bonds。
      5. 我認同你的概念,但要知no.1的答案先計到大家的回報。

      刪除
  6. 我認為中企個假數走路比租客燒炭機會高,至少個誘因大,而down side risk(即係臭朶)細。

    回覆刪除
  7. 如果閣下有睇nassim taleb本黑天鵝,債既風險其實係最高,因為透明度最低,亦係一個 promise, 而且完全同質,有事大家一齊沽,交易費極低,亦冇得守,反而樓其實間間有小小唔同,亦有得守。過去幾年係債既年市,不過如果之前leverage買入,其實就同幾年前買左700一樣。

    回覆刪除
    回覆
    1. 債既priority高過股權, 風險低過股?

      刪除
  8. leveraged bond幾錢入場?

    回覆刪除
  9. 先回應隊長:
    Histrorical growth 我唔講啦, 亦唔想披露我具體賺左幾多。我可以講既係本人既bond portfolio yield/month >100k, 而我現時亦無做盡個leverage, 全部屬央企/長和系級別等企業發行既債券, 大部份債券將於2016-18年陸續到期。本人既strategy 基本係唔怕黑天鵝同加息, 相反我係幾希望黑天鵝同加息既來臨, 到時資產價格(包括properties, stocks, bonds)就會大跌(加息影響相對較細), 屆時以我每月所產生的accumulated cash flow加上到期贖回的債卷令我會有足夠彈藥係市場分散掃貨, 坦白講, 我並唔係唯一, 同我一樣既ibanker/fund佬大有人在, 所以我係同意樓市大跌其實唔係咁易, 起碼跌既話, 我會有興趣番出黎掃, 升既話我本身持有的幾個物業繼續享受升值。

    如上所說, 債券唯一的風險就是違約風險(Default Risk), 不論是否有黑天鵝, 只要你持有債卷至到期, 違約風險就是唯一的風險。當然企業破產你會輸本金, 但你存款入銀行, 銀行倒閉你一樣會輸本金, 我買中信集團既債券, 中信銀行係中信集團旗下既subsidiary , 你話存錢入中信銀行風險大d定買中信債券風險大? (存款保障只保50萬)

    Starman

    回覆刪除
    回覆
    1. 因為我會challenge你對於本金呢一舊數的計算,即我買樓計cashflow其實無將樓價分攤到每月/年回報。
      實際上買樓連樓價升其實升多好多。

      刪除
    2. 債價大變可以俾人call margin?

      刪除
  10. 回應anoon ccpanoonwar:

    1. 首先, 央企(強調唔係國企)有否造假數我唔敢講, 國資委走佬就真係無咩可能; 央企同一般地方國企、民企分別好大, 選企業亦需要一定既專業知識, 否則亦會出現所謂既技術風險。
    2. 如我以上所說, 我個人係幾希望黑天黑天鵝既來臨, 因為如果大家都死既話, 我相對國資委直屬既央企應該會係最後死既一群。要知道一個concept, bond holder 係債權人既身份, 如果企業違約, 債權人對企業既資產係有優先權, 股東(包括shareholders/ stocks holders)既權益係排第二。央企最大股東係國資委, 如果擁有幾千億資產既央企(負債率低於40%)破產, 加上作為最大股東既國資委(國家)又唔救, 再加上作為債權人係對其資產有優先權既情況下, 都拎唔返個本金既話, 我相信市場上其他資產都幾難獨善其身。
    3. 基本上我目的係收息, 以我目前1x – 2x%既利率回報水平, 我唔會理會其他bond holder 沽唔沽手上既bonds, 只要企業唔破產, 我holder to maturity, 我都可以全取本金, 中間收息。當然我覺得賺夠想換馬我可以係secondary market sell 晒d bonds take profit 財息兼收。但at this moment, 我見唔到有咩其他更好既alternative, 如果有, 我一定出手。樓? 自住無得好講, 但投資回報實在低得可憐, 投資一定唔會考慮, at least not this moment。呢個position先係進可攻, 退可守。

    回覆刪除
  11. any leveraged bond ETF you recommend? Rose 40% this year already: https://www.google.com.hk/finance?q=BUNT&ei=TK7YU-jNPMeskgWdjoAw

    回覆刪除
  12. 見到今年都升左好多了,其實好似同選股差唔多,買中QQ重要槓桿當好過買樓啦!反而想知道Starman sir係點樣發現呢種投資?係有高人教路,私人銀行家介紹定係自學?自學又係睇乜資料呢?多謝。

    回覆刪除
  13. 這個孖展買債的方法相信需要大額投資, 會否入場費不低? 若細戶玩唔到呢種方法?

    回覆刪除
  14. 回應隊長 :
    我明你既意思, 但我其實唔係想講邊種投資方式叻d, 邊種跑嬴, 因為金融市場信息萬變, 無長勝將軍, 我想講既其實係今時今日既投資機會。我早幾年既投資模式比較特別, 係債券方面我唔係買普通既債券, 例如Europe Country既一d主權國債, 再加一個 CDS等等既結構作為保障, 再同銀行融資做槓桿, 如果講本金升幅已經超過十倍, 未計其他derivatives既賺價, 但我覺得再講番呢d無咩意思, 因為呢d 機會就同樓市升幅一樣可一不可再, 今時今日唔會再有呢種投資機會做arbitrage, 同樓一樣賺capital gain 好大程度講運氣, 長賺 cash flow 先係真實力, 因為有得守。當然, 再上另一個層次係無論升市或跌市都可以大賺capital gain, 呢d 就係hedge fund 做緊既野, 而呢樣就係樓做唔到既野, 但我係到講, 相信大家都未必會明白。

    回應Jacky:
    散戶先會單純咁買一隻ETF搏升, 識玩既係會將某幾隻ETF切成一個組合從而對沖某d風險e.g. interest rate risk, 再加上你個bond portfolio facing 既interest rate risk, 做到kind of arbitrage 既效果, 當中當然涉及一d calculations, 例如最起碼你要明白咩野係duration。
    By the way, 我識呢d 主要係因為我本身既職業, 如果想自學個人認為即使天才都咩可能, 一定要實戰。Private banker 當然係一個渠道, 但第一好多private banker 有呢種專業知識, 第二佢地都會有私心, 講既未必中肯。

    回應Franco:
    一般Straight Bonds既入場金額大約USD100k - 200k, 你要玩leveraged bond 唔係話你比到個margin 就得, 起碼你要show 到你係high net worth 客戶, 有一定既補倉能力, 但你話係咪要好大額, 其實又唔係, 相信好多樓既投資者其實都有咁既實力, 不過terms點同bank 傾要講一點專業, 行外人要做到都唔係咁易。

    回覆刪除
  15. Starman你好,我不懷疑你的成就,也很欣賞你財自後仍然努力活出自己的人生的態度。

    可是,聽你咁講你過去同現在賴以成功的投資工具,基本上行外人都無法參與,與樓市及股市完全是兩回事。我睇完之後除左明白到天外有外同埋葡萄你之外,其實乜都做唔到。

    回覆刪除
    回覆
    1. 本人之職業亦非直接與bond有關,只是對金融市場比較了解,數年前本人亦行外人,實戰過后就會有更深入的了解,但好多人未嘗試自己去揾資料做research就認為這些機會不是我的,咁呢個機會就真的永遠不屬於你了。我只能提供一些資訊及方向,債券在很多證券行都可以買到,嘗試自己去Explore下實戰下,將自己變成行內人吧!

      刪除
  16. starman sir 係ibank/propriety trader? 咁就冇得好講啦,我都想做trader/專科醫生,但係冇得時光倒流。paper asset, 一個winner後面有9個loser, 反而長線來講,樓就多數人都係winner。隊長都不過係比D actionable advice人啫。作為散戶,我只係買D ETF, 可唔可以hedge樓市risk?別外,如果用100k usd, 可以去邊間broker玩?

    回覆刪除
    回覆
    1. 去輝立問左
      - 孖展RATE 係P (渣打P) + 3%, SYSTEM做唔倒低過呢個RATE
      - 買左兩隻BOND, 第三隻開始先可以孖展, 最多做60%, 不存在10倍LEVERAGE

      我係咪應該試下其他BROKER
      定係要夠疊水既客, 佢先會做
      定係我淨係問investment funds and fixed income senior officer, 所以俾唔倒你既TERMS
      定係要用多少少技巧黎同佢傾?

      刪除
  17. 回應Jacky:
    1. Bond 同stocks、warrants、牛熊證唔同, Bond 係fixed income products, 會產生固定收益, 當然bond price亦會有升跌, 但你會多個option 去hold to maturity, 到期時你會取回100%本金, 但當然你亦需要留意你買入既bond price係over 100 (in premium) or below 100 (at discount), 如你持有至到期, 個yield 就會反映左係yield to maturity (YTM)。作為Fixed income products, 如果你aim at 炒賣咁就無得好講, 但如果你aim at 收取穩定回報既同時如果價升先考慮take profit既話, 基本上你係無乜得點輸, 關鍵就係你選債既水平。

    2. 我估你係話樓市受加息所影響既風險, 如果係, ETF唔能夠幫你fully hedge, 最起碼你要知道你個underlying asset 對interest rate 既sensitivity, 呢樣野我都答你唔到, 有興趣都可以試下gen個model出黎研究下。

    3. 入場費唔夠, 可以試下買bond fund(債券基金), 如果一般直債, 好多證券行或投行都可以買到。

    如有任何問題, 我歡迎大家發問討論。

    Starman

    回覆刪除
  18. Hi Starman

    感謝你的分享.

    Bond的yield 一般都在10%以下(即使HYB), 普遍安全bond都得5%左右.

    Bond 價格變動則受制於年期及bond本身性質(價格回歸par)影響, 升幅不可能太大(corporate spread不可能跌到接近0).
    如沒有槓桿, 恐怕hold to maturity的回報並不吸引.

    我見你建議的證券行有按值提供up to 80%, 但佢話只能用來買股票?

    至於bond fund, 應該沒有槓桿提供, 那回報就不很理想了, 而且不能hold to maturity.

    Ralph

    回覆刪除
    回覆
    1. bond fund至少有一間bank可以用槓桿, 1倍至1.5倍不等。但要HK$50萬開戸。

      刪除
  19. 睇左好多講ETF既youtube片,基本上leveraged ETF are born loser, 淨係上落都會輸錢,咁如果我買用孖展買unleveraged bond etf,再short leveraged bond etf, 咁會唔會係低風險long bond + long volatility? 有冇broker 比你孖展買bond etf?
    https://www.youtube.com/watch?v=cqoMVeiaxVY
    https://www.youtube.com/watch?v=AV-Uf5P0p_Y

    回覆刪除
  20. Hi Ralph,

    1. 每個人對yield既要求、風險既承受程度不同, HYB達10%, 高質債5-6%, 即使不leverage我個人認為呢個回報已經比大部份既投資理想(本地樓、海外樓等), 起碼不用報稅悖沒有什麼限制。HYB 不代表很高風險, 只是評級較低, 評級是怎麼定的呢? 我個人一般不信評級, 我自己對企業會有一個評核機制, 甚至會去視察企業, 與管理層溝通, 即使一般人做唔到我咁, 上市公司資訊透明, 詳細研究一下財表/年報都會對公司及財務狀況有一定的了解。坦白說, 目前很多HYB也是很優質的, 甚至比有些所謂"安全bond"(高評級債)的還要優質, 簡單一個Hints係 : 不是所有內房債都係高風險的, 也不是所有高質債都是低風險的, HYB中有不少是寶呢。

    2. 喜歡高風險投資既人唔應該選bond, volatility 低亦係bond既好處, 如果你認為bond既回報 (就當你5-6%)唔高, 咁你而家買樓都唔會有呢個回報, downside risk 仲要唔細。Vol 高不高亦都視乎邊d bond, 好似我2年前80蚊買恆大地產, 持貨一年唔夠11X蚊沽晒, 持貨呢一年仲要收13%息。幾個月前既中信泰富, 我100左右入, 現在116, 先唔計我槓桿左5倍, 你認為回報如何?

    3. 證券行買債,係有margin value, 是可以用來買bond的, 當然佢緊係想你買stock, trade多d密d, 另外息口手續費等等既terms要negotiate, 所以我話你夠熟夠bargaining power或有d network 又或者有我呢d既referal先會傾得較好的條件。要做大量而且平既槓桿債套息, final destination應該係搵ibank, 不過就應該要有呢類既referral先做到啦。

    Starman

    回覆刪除
  21. starman sir, 而家大陸放水,內房債都升左唔小,再追會太遲,定係放水只係剛開始,重有QE來緊?

    回覆刪除
  22. 回應Jacky:

    而家買high yield bond / 內房債, 建議買年期短(即2016-2018到期的), 預左持有至到期。如果唔急, 可以等下, 因為我覺得最近升得太急, 有點over左, bond價有機會會回落, 但同時要留意既係bond既特性係每日計息, 如果你清楚自己既目的係收息, 而你係滿意個Yield(YTM)既, 亦都預左持有至到期, 我覺得都可以分注買, 但如果你得一炮, 我覺得可以等等。

    回覆刪除
  23. 2016-18,恒大短期有幾厘?中國海外有冇?
    外國ETF如HYB咁又得唔得?成日派息會唔會比好多利息稅?

    回覆刪除
  24. Hi Starman Sir, May I know which bank provide leveraged bond service, such as 五礦集團 which can get 90% LTV.

    回覆刪除
  25. 多謝Starman 的回覆, 是否第一手債券發行時用原價認購(持有到最後) 最有回報? 感覺上二手市場買債YTM比較輸蝕. 如何得到第一手認購的資料? 是否私人銀行舊客戶/大客戶先可以有推介同埋做到高槓桿? 若新客做槓桿通常入場費最少要有幾多資產? 謝謝.

    回覆刪除
  26. Starman sir, 有冇online bond calculator同quote site 介紹,如果真係好似呢個post話yield去到1.5%, bond price 會升幾多?http://www.zerohedge.com/news/2014-07-30/why-10y-yield-heading-15-1-simple-chart Thanks。

    回覆刪除
  27. 係呢到討論好似唔係咁方便, 不如轉個地方啦。

    回覆刪除
    回覆
    1. Starman兄,你好,好高興你能夠分享自己嘅心得,可以點聯絡你再討論?email

      刪除
    2. 除了 CITI, SCBHK 都可以做到, 但 OFFER好像不及 CITI. 無論如何, 槓桿只能去到 5-6, 不及 Starman 兄的, 請問 Starman 可多分享嗎? 謝謝

      刪除
    3. Starman 可否多share 一下投資資訊,場地會轉去何處?

      刪除
    4. Starman 可否多share 一下投資資訊,場地會轉去何處?

      刪除
  28. HEllo captain..我跟老公兩份人工扣除必要開支後每月凈萬二,我們零積存..T__T..請問可以入手甚麼類型的單位作為自住?

    回覆刪除

發佈留言

此網誌的熱門文章

被退休的CEO

DSE題三: 專精一事還是多元人生

大圍車位的潛力