巨人倒下

一個我一直信守的信念係基本上無野係永恆的，特別係商場上。


令我感慨的係微軟收購左Nokia之后，呢家進行極大規模的清洗同重組的行動，一如之前Google買Motorola一样，玩完一輪就連影都無埋。回想昔日Nokia仲係全球手機一哥，到呢家淪落到比人折骨清洗，巨人都會有倒下的一日，當今日打工的你以為你還高高在上的時候，明日你公司比人買了，你就可能什麼都不是。活生生的例子證明現實就係咁殘酷，所以好多時我面對一D好似高層的人，但又發現原來佢又唔係搵咁多又咁有米可以唔撈，係果塊扮晒pro同有自信的面容下，我不禁會問「哪裡來的無知自信」呢？


如果有人話比你聽係大陸做生意要講"關係"，呢一點我唔會否認，但同時關係呢兩個字真係好閪毛飄渺，因為同你有關係的人，佢可以應承你千萬样野，不過都只係響佢在位的時候有效，但大企業的人流tum tum轉，你以為勝券在握之時，佢一下換個人就又洗牌由頭玩過，唔同的人就唔同的處事方式，你想以不變應萬變，有時都幾難。


一朝天子一朝臣，呢句野有時都真係幾岩，特別係今時今日的企業文化，下下都講緊併購，然后美奇名優化，實際係炒人慳錢的商業模式，將企業的冗員楂出利潤，表面上係一件再合適不過的事，所謂適者生存啊嘛。不過副作用就係無論你自己公司，定係客人公司，都如果成日存在呢種不穏定因素，即同你傾開野條友，你預左佢可能三個月半年就會換下一個人，又或者你都唔知自己個屎忽坐唔坐得暖，咁的情況下你仲會認真做野，傻的嗎？


還記得好多人教D后輩睇野要長遠D，老實講我只能認同一半，因為可能時代唔同，老細唔同，上一代人仲講緊人情味，你做野ON99都會保住你；相反呢個世代唔係太講人情味，衰D講句有時真係屌你老味，邊有話同你打成世工呢D咁浪漫的江湖事，如果話有都係我呃狗你摶同情等下個月準時出糧ga姐，好話唔好聽你唔好景都係會郁我ga la，大家出黎搵食，預左係咁ga la，長遠只係一個美麗的傳說，月底出糧先係誠實的謊言。


故此，你話我睇得灰又好，又或者化又好，老老實實我對任何一個客都唔會太投放時間同感情學人講關係，畢竟花天酒地過后，你番公司接左封信就收皮，然后好大機會又此生不相見的話，咁倒不如回到最基本的關係，我做實事你做實事，你要的野我比到你，大家之后番屋企訓教享受下私人時間好過。同客關係好呢D野，係吹比老細睇ga姐，所謂一個客，幾十個contact, d人又團團轉，真係個個人你都做fd，我諗我facebook有成萬人了。


現實都係咁話，連巨人都可以倒下的話，你同我如果真係相信你打工可以長遠投資，係痴人說夢話。目前相對可以長線的野，除了樓就係錢，你有錢的話你可以選擇唔駛去玩呢個花花世界的假遊戲，做番你自己，而相信呢個亦係好多人的目標，亦係財務自由可帶比你的人生。