做個有效率的人

人一日只得24小時，其實有時真係唔係好夠，比你做得多左工作的野，就少左比自己的時間，所以係取捨時間該怎麼編排的同時，我亦有一個好強烈的人生觀，就係我盡可能要所有野都非常efficient。那怕是沒有目的的efficient，但能爭取多一分鐘給自己停下來休息，也是值得。


要做到efficient，當然有D一些原素係令我無論工作上同生活上我都會傾向追求的:


1. Simple & Straight Forward：係工作上也好定係生活上都好，隊長我追求簡單而直接的野，無論係講說話，去一個目的地，或做任何事，我不喜歡太多餘的說話，更不喜歡繞圈的事情。明明能夠10秒講完的野，我好憎人用10分鐘去講。我亦好唔中意睇到D 野係搞到鬼死咁複雜，總之簡單，快同直接係好關鍵。

2. Functional: 工欲善其善，必先利其器，我好憎D野係唔work又或者唔functional的，平時可能未必影響到你的東西你又未必去理，但突然間要用到時先發現係廢L左，我就好憎。試諗下，你本來係繁忙的一日只有半個鐘可以打開电腦上下網，點知一打開你搞左半個鐘就係因為個wifi唔知點解上唔到，即係你浪廢左半個鐘的同時仲多左個task要處理，多多時間都唔夠搞。

3. Pay for time: 小時候無錢就要慳，時間啊等下啊，唔緊要。不過而家人大左，錢又充裕左，有時真係唔等得。食野的話，食貴D唔緊要，最緊要唔駛我等位。總之能夠用多小小錢買到慳時間的，只要價錢合理，我絕對願意花錢慳時間。

4. Zero tolerance: 老實講，你話隊長唔好老脾都係咁話，我對於無謂的人無謂的野我唔會再花時間去容忍同處理。也許人與人之間應該有一定程度的包容，但隊長係工作上對客就要有200%的包容，不過隊長有糧出包左的。生活上，隊長的包容的quota基本上已經耗盡，我無乜時間同興趣去再慢慢解釋，爭論，相討之類的野，話之你認為隊長唔岩，定係隊長認為你唔著，一令我要花時間煩的，我一一選擇唔狗理算，話之你係邊個。

5. Just do it: 隊長係一個唔係好中意開會傾野的人，我認為講多無謂，行動最實際。行動唔代表唔思考亂黎，我也許腦裡面已經有一定程度的思考先會選擇做，因為如果唔可行的野我甚至選擇唔做。但呢家社會太中意討論，講野同開會，到最后其實零progress得個up，晒時間。

6. Trouble no one: 由於我知道時間係寶貴的，盡可能隊長認為自己做到的，我會自己做。我唔識的，如果唔太難，我會去學。如果真係要靠人的，可以的話我比錢人賺，或者好好聲氣請求人地幫手。不過，大部份情況下，隊長都盡可能自己的問題自己處理，唔好煩到人。與此同時，我亦都唔係咁中意人地將人地的責任推比我，特別係我見到本身果個人跟本都無嘗試去做過，就諗都唔諗推比人，呢D行為隊長都幾討厭。


可能以上有D論點比較harsh，但隊長自我認為，我可以係一個好nice的人，但同時我對於一D slow down我的人和物，我會覺得好frustrate。講到尾，一日就係得24個鐘，係忙碌的生活下，如果仲要包容太多太多唔efficient又唔係屬於自己的問題，自私D講真係留得番比自己的時間可謂少之又少。